Thursday 9 September 2010

പ്രവാസി തൻ കഥയിത് മാമ ! / Pravaasi Than Kthhayithu Maama !

അന്തർ ദേശീയ ഭാരതീയ പ്രവാസി സംഗമങ്ങൾ
 പാശ്ചാത്യ രാജ്യങ്ങളായ ബിലാത്തിയേയും ,
മറ്റ് രാജ്യങ്ങളേയും കുറിച്ച്  പറയുകയാണെങ്കിൽ
പൂങ്കാവനങ്ങളും,ആപ്പിള്‍ ,പ്ലം ,പെയേഴ്സ് ,സ്ട്രാബറി ,
മുന്തിരി ,..,..മുതലുള്ള ഫലവൃക്ഷ  ചെടികളാലും, മലരണിക്കാടുകളാലും
തിങ്ങിനിറഞ്ഞ പരിസരങ്ങൾ നിറഞ്ഞ ....
ലോകത്തിലെ നമ്പർ വൺ സാധനങ്ങൾ മാത്രം
കിട്ടുന്ന മനോഹരമായ തെരുവുകളാലും....
ഒരു കരടുപോലും കാണാത്ത വളരെ ശൂചിയായ വീഥികളാലും...
ഊട്ടിയെപ്പോലെയുള്ള സുഖവാസകേന്ദ്രങ്ങളെ പോലെയുള്ള കാലാവസ്ഥയാലും
മറ്റും അനുഗ്രഹിക്കപ്പെട്ട സ്ഥലങ്ങളാണ് .....!

തൊടിയിലെ തോട്ടത്തിലാപ്പിളും ,പെയേഴ്സും,പ്ലം മരങ്ങളും...
തൊട്ടാൽ മധുരിക്കുമാ നാരങ്ങ,മുന്തിരി,സ്ട്രാബറി  പഴങ്ങളും !

കൈക്കൂലിയൊന്നും തന്നെയില്ലാതെ ഏതാവശ്യങ്ങളും
വാദിച്ച് നടത്തിത്തരുന്ന സ്വകാര്യ കമ്പനികൾ അതിലെ
സേവന സന്നദ്ധരായ   ജോലിക്കാർ....
മറ്റുള്ളവരുടെ വ്യക്തിപരമായ യാതൊരു
കാര്യങ്ങളിലും ഇടപെടാത്ത സമൂഹങ്ങൾ ...
വനിതകൾക്കും കുട്ടികൾക്കുമൊക്കെ ഏത് പാതിരാത്രിയിലും
ഒറ്റക്ക് ധൈര്യസമേധം യാത്രചെയ്യാവുന്ന പബ്ലിക് ട്രാഫിക് സവിധാനങ്ങൾ...

ഇതെല്ലാം കണ്ട് വീർപ്പുമുട്ടുകയാണ് ഇവിടെങ്ങളിലെല്ലാമുള്ള
വരത്തന്മാരായ എന്നെപ്പോലെയുള്ള പ്രവാസികൾ എന്നുമെന്നോണം.....
ഉപകാരം ചെയ്തവനെ പോലും തെറി വിളിച്ചു ശീലിച്ച നമ്മൾക്കൊക്കെ
സകലതിനും ‘Thanks‘ എന്ന വാക്ക് പറയാനുള്ള ബുദ്ധിമുട്ടൊന്നാലോചിച്ചു നോക്കു....
ഒപ്പം സകലകുണ്ടാമണ്ടിക്കൾക്കും ‘Sorry‘ യും പറഞ്ഞുകൊണ്ടിരിക്കണം !

ഇത്തിരി കുശുമ്പും,കുന്നായ്മയും,പരദൂഷണവും,
പീഡിപ്പിക്കലുമൊന്നുമില്ലാതെ എന്ത് മലയാളിത്വം ?

എന്തിന്ത്യക്കാരൻ.... അല്ലേ !
 
ഇവിടെ ജീവിക്കുമ്പോൾ എന്തൊക്കെയോ
മിസ്സ് ചെയ്യുന്ന പ്രതീതിയാണ് ...
സ്ഥിരം ഹര്‍ത്താലുകള്‍ ആഘോഷമാക്കുന്ന ഒഴിവുദിനങ്ങള്‍ !
നമ്മുടെ പൊട്ടി പൊളിഞ്ഞ റോഡുകള്‍ ...

തിക്കിതിരക്കിയുള്ള ചീറി പായുന്ന ബസ്സുകളിലെ യാത്ര ...
ചുട്ടു പൊള്ളിക്കുന്ന സൂര്യന്‍ ...
.പിന്നെ ...പിന്നെ..മാന്യമായി വസ്ത്രം ധരിച്ച നമ്മുടെ സുന്ദരികളായ പെണ്‍കുട്ടികള്‍..!


ഇതെല്ലാം കേൾക്കുമ്പോൾ അട്ടക്ക് പൊട്ടക്കുളം തന്നെ
എന്ന് നിങ്ങള്‍ കരുതുന്നുണ്ടാകും !
ശരിയാണ് ...ഒരു അട്ടക്ക് പട്ടുമെത്തയില്‍ എന്ത് കാര്യം ?
കാരണം അട്ടയുടെ കൂട്ടുകാര്‍ എല്ലാം പൊട്ടക്കുളത്തില്‍ അല്ലെ ?


ഒരു നാള്‍ ഞാനും തിരിച്ചു വരും .....
കൊയ്തെടുത്ത പൌണ്ടുകളുമായി .....
നെയ്തെടുത്ത സ്വപ്നങ്ങളുമായി ....
വെള്ളക്കാരുടെ ഈ നാട്ടില്‍ നിന്നും .....
കൊള്ളക്കാരുടെ ആ നാട്ടിലേക്ക് .....
NOooooooooooooooooooooo.......
ദൈവ്വത്തിന്റെ സ്വന്തം നാട്ടിലേയ്ക്ക്.......

"തിരികെ ഞാന്‍ വരുമെന്ന വാര്‍ത്ത കേള്‍ക്കാനായി...
ഗ്രാമം കൊതിക്കാറില്ലെങ്കിലുംതിരികെ മടങ്ങുവാന്‍ .....
തീരത്തടുക്കുവാന്‍ ....ഞാന്‍ കൊതിക്കാറുണ്ടെന്നും.....“

ഉം....എന്തുചെയ്യാം..

അതെല്ലാം ...പോട്ടെ അല്ലേ

മണ്ടന് അബദ്ധം പറ്റുക എന്നത് ഒരു പുത്തരിയല്ലല്ലോ....
ഇവിടെ ആദ്യമൊക്കെ ഇന്ത്യക്കാരാണെന്ന് വെച്ച് ഭാരതീയ
രൂപഭാവങ്ങളോടെയുള്ളവരേയും ,
പേരിന്റെ സാമ്യത്തിലൂടെ വേറെ പലരേയും പരിചയപ്പെട്ടപ്പോൾ അവരിൽ പലരും ഗയാന്നക്കാരും, കെനിയക്കാരും, മൌറീഷ്യസുകാരും, ന്യൂസിലന്റുകാരും,വെസ്റ്റിന്റീസുകാരും,...,...
ഒക്കെയായി മാറിയപ്പോൾ...
ഇവരെല്ലാം എന്നെ ആക്കുകയാണെന്ന് കരുതിട്ട്...
ശരിക്കും വായപൊളിച്ചിരുന്നിട്ടുണ്ട് ഞാൻ....!

പിന്നീട്  ഇവിടെ ഒരു മാഗസിനിൽ വായിച്ചപ്പോഴാണ് അറിഞ്ഞത്...
ചില യൂറോപ്പ്യൻ രാജ്യങ്ങളിലുള്ളവരേക്കാൾ കൂടുതൽ ആളുകൾ...
ഇന്ത്യൻ ഒറിജിൻസായി ലോകത്തിന്റെ
പലഭാഗങ്ങളിലായി വ്യാപിച്ചുകിടക്കുന്നു എന്ന്...
അവർ അവിടങ്ങളിലെല്ലാം അവരുടെ സംസ്കാരങ്ങളും,
ഭക്ഷണരീതികളും പ്രചരിപ്പിച്ചു.

അതായത് ഭാരതീയർ പാശ്ചാത്യരീതികളോട് ഇണങ്ങിച്ചേരുന്നതിനേക്കാൾ
ഉപരിയായി,പാശ്ചാത്യർ  ഭാ‍രതീയ രീതികളുമായി കൂടുതൽ അടുക്കുകയായിരുന്നു....

നമ്മൾ നാട്ടിലൊക്കെ എല്ലാത്തിനും പാശ്ചാത്യരെ അനുകരിക്കാറില്ലേ ....
അതുപോലെ തന്നെ അവർ നമ്മുടെ വസ്ത്രധാരണം,ഭക്ഷണം,സംസ്കാരം,
ഡാൻസ് മുതൽ കലാപരിപാടികളെയെല്ലാം അനുകരിച്ചുതുടങ്ങിയിരിക്കുകയാണിപ്പോൾ....

ഭാരതീയ വനിതകളാകുവാൻ...വെറും മോഹം...!
ഭാരതം കാണാത്ത ,ഇന്ത്യൻ ഭാഷകൾ അറിയാത്ത മൂന്നാം തലമുറയും,
നാലാംതലമുറയുമൊക്കെയായി പുതുയിന്ത്യൻ വംശജർ എല്ലാരാജ്യക്കാരുമായി
ഇപ്പോൾ ലോകത്തിന്റെ എല്ലാഭാഗത്തുമുണ്ടെന്നുള്ളത് വാസ്തവമാണ് കേട്ടൊ .

ഇതൊന്നും കൂടാതെ അതിൽ എഴുതിയിരിക്കുന്നത്
ഒരു കോടിയിലധികം വേറെയും സ്വദേശി ഇന്ത്യക്കാർ ഇപ്പോൾ ജോലിയും,വിദ്യാഭ്യാസവും,കുടുംബവുമൊക്കെയായി പ്രവാസിഭാരതീയരായി
ഏഴ് വൻകര കളിലുമായി ജീവിതാഭിവൃദ്ധിതേടി കൊണ്ടിരിക്കുകയാണ് എന്ന്.

ഈ പുണ്യമാസത്തിലെ ഏറ്റവും നല്ല കർമ്മങ്ങളിൽ ഒന്നാണല്ലൊ ..
ഉള്ളവൻ ഇല്ലാത്തവന് ദാ‍നധർമ്മങ്ങൾ നടത്തുക എന്നത്.
നമ്മുടെ ഭാരതാ‍മ്മയും ചെയ്തുകൊണ്ടിരിക്കുന്നതും അത് തന്നെയാണ് !

സ്വന്തം പ്രജകളെ , പ്രജകൾ കുറവായ രാജ്യങ്ങൾക്ക്  ദാനം കൊടുക്കുക....

പ്രജാവത്സലനായ ദാനധർമ്മങ്ങളുടെ തലതൊട്ടപ്പന്നായ മാവേലി തമ്പുരാനെ വരെ പാതാളത്തിലേക്ക് ചവിട്ടിതാഴ്ത്തിയ പാരമ്പ്യര്യമുണ്ടെങ്കിലും , മൂപ്പർക്കുപോലും കൊല്ലത്തിൽ ഒരുതവണ സ്വന്തം നാട് വിസിറ്റ് ചെയ്യുവാനും, അതോടൊപ്പം നല്ല വരവേൽ‌പ്പ് കൊടുക്കുവാനും ശീലിച്ചവരാണ് നമ്മൾ. ...

അതെല്ലാം അന്ത:കാലം....
ഇന്ന് അഭിനവമാവേലികളായി വിദേശവാസം വരിച്ചവർക്കെല്ലം
ഒന്ന് നാട്ടിൽ കാല് കുത്തണമെങ്കിൽ എത്രയെത്ര പ്രക്രിയകളാണ് താണ്ടി കടക്കേണ്ടത്...

നമ്മുടെ ശത്രുരാജ്യത്തുള്ള ഏതൊരാൾക്കും, ഒരു വിദേശ പാസ്പോർട്ടുണ്ടെങ്കിൽ
വളരെ ഈസിയായി ഇന്ത്യയിലേക്ക് വിസയെടുത്ത് കടക്കാമെന്നിരിക്കെ...

ഇപ്പോൾ പ്രാബല്ല്യത്തിൽ വന്ന അപലനീയമായ
പാസ്പോർട്ട് സറണ്ടറിങ്ങ് നിയമം മൂലം ...
പിറന്ന നാടിന്റെ മക്കളെന്ന അവകാശം പോലും കണക്കാക്കാതെ...
നാട്ടിലേക്കുള്ള പോകുവാനുള്ള വിസ നിഷേദിച്ച് ഈ കുടിയേറ്റകാരെയെല്ലാം ,
പമ്പരം കറക്കുന്ന പോലെ വട്ടം കറക്കുകകയാണ് വിദേശഭാരതീയ ഭവനുകകളിലെ
മേലാളുകളെല്ലാം കൂടി ഇപ്പോൾ ചെയ്തുകൊണ്ടിരിക്കുന്നത്....!

ഒരു ഇംഗ്ലീഷ് കറവപ്പശു !
ഈ ഭാരതീയ എംബസ്സികളെല്ലാം പരിപാലിച്ച് പോറ്റി വളർത്തുന്ന
പരിഗണനപോലും ഈ പ്രവാസി കറവപ്പശുക്കൾക്ക് കൊടുക്കാത്തത് എന്തുകൊണ്ട്?

പ്രവാസി ക്ഷേമകാര്യമന്ത്രിയടക്കം നാലഞ്ച് കേന്ദ്രമന്ത്രി പുംഗവന്മാർ
നമ്മുക്കുണ്ടെങ്കിലും , അവരെല്ലാം ഒരു  സഹായമായി ചെയ്തുതരേണ്ടതിപ്പോൾ.....

ഇത്തരം തൽക്കാലം ജോലിക്കും മറ്റും വേണ്ടി പടിഞ്ഞാറൻ
നാടുകളിൽ കുടിയേറിയ തനി  ഭരതീയരായ പ്രവാസികൾക്ക്
പാസ്പോർട്ട് പണയം വെച്ച് പാശ്ചാത്യനാടുകളിൽ ജീവിക്കേണ്ട
ഗതികേട് തീർത്ത് തന്ന്......

ചുവപ്പു നാടയിൽ കുരുങ്ങിക്കിടക്കുന്ന ഇരട്ട പൌരത്വം
നൽകുകയോ, അല്ലെങ്കിൽ സ്വന്തം രാജ്യത്തിന്റെ മുദ്ര പതിഞ്ഞ
റദ്ദാക്കിയ പാസ്പോർട് കൈയ്യിൽ വെക്കുവാനുള്ള അധികാരം നൽകുകയോ
ആണ് ചെയ്യേണ്ടത്.....

നാടിന്റെ ഖജനാവ് നിറക്കുക മാത്രമല്ലല്ലോ
ഒരു വിദേശ ഭാരതീയനായ പ്രവാസിയുടെ ഉത്തരവാദിത്വം..
അവർക്കും മറ്റ് പൌരമാർക്കൊക്കെയുള്ള അവകാശങ്ങളില്ലേ ?

എന്നും പിഴ ചുമത്തിയും, പിഴിഞ്ഞും മഹാപരാധികളെന്ന്
മുദ്രകുത്തുന്നതിന് മുമ്പൊന്നോർക്കണം....
ഇവർക്കും ഉണ്ട് അഭിമാനവും , അന്തസ്സുമൊക്കെയെന്ന്....!

കേവലം ഗൃഹാതുരത്വം തേടിയലയും ഒരു പ്രവാസിയായി ഒരാൾ
പരിണമിക്കുവാനുണ്ടായ കാരണം ആരും തന്നെ തിരക്കാറില്ല....

നാട്ടിലെ ജീവിതം മുട്ടതട്ടെത്തിക്കുവാൻ സാധിക്കില്ലെന്നുറപ്പുവരുമ്പോൾ ...
മറുനാടുകൾ തേടിപ്പോയി നങ്കൂരമിട്ടവരാണ് ഇതിൽ ഏറെപ്പേരും...

ഏതൊരാൾക്കും ഈ പ്രവാസ ചങ്ങലയിൽ കുടുങ്ങുവാൻ
തനതായ കാരണങ്ങളും ഉണ്ടായിരിക്കും....അല്ലേ

വിദേശത്തുള്ള ഓരൊ പ്രവാസികളും ഉറ്റവരേയും,
പോറ്റമ്മയായ നാടിനേയും കാണുവാനായിട്ടും..
തനിമയോടുകൂടിയ ആഘോഷങ്ങളിൽ പങ്കുചേരാനായിട്ടും...
വെറും യാന്ത്രികമായ അന്യനാട്ടിലെ ജീവിതരീതികളിൽ നിന്നൊരു മോചനത്തിനു വേണ്ടിയും, മറ്റും...

കുറച്ച് പുറമ്പൂച്ചുകളോടെ സ്വന്തം  നാട്ടിലെത്തിച്ചേരുമ്പോൾ
ബന്ധുജനങ്ങളും,നാട്ടുകരുമൊക്കെ കരുതും ....
ഇവെരെല്ലാം അവിടങ്ങളിൽ
സുഖിച്ച് മദിച്ച് വാഴുകയാണെന്ന്..!

സ്വന്തം നാടിന്റേയും,വീടിന്റേയുമൊക്കെ കറവപ്പശുക്കളായ ഇവർക്ക്
വിദേശമേലാൾമാരുടെ ആട്ടിനേക്കാളും,തുപ്പിനേക്കാളും അരോചകമായി
തീരുന്ന സംഗതികൾ ചിലപ്പോൾ ഇത്തരം യാത്രവേളകളിലും,ശേഷവുമൊക്കെയുണ്ടകുന്ന തിക്താനുഭവങ്ങളായിരിക്കാം ....!

അവ ചിലപ്പോൾ സ്വന്തം -വീട്ടുകാരിൽ നിന്നാവാം...
നാടുകാരിൽ നിന്നാവാം, ഭരണകൂടത്തിൽ നിന്നാവാം...
വീമാന കമ്പനികളിൽ നിന്നാവാം,വിദേശകാര്യവകുപ്പിൽനിന്നാകാം,...,...,

എപ്പോഴും ചുരത്തി നിൽക്കുന്ന ഏതുനേരവും,എല്ലാവിധത്തിലും പിഴിഞ്ഞ്
എല്ലാവരും കൂടി മത്സരിച്ച് കറന്നെടുക്കുന്ന ഇത്തരം ഫോറിൻ കറവ പശുക്കളെ സംരംക്ഷിക്കേണ്ടതിന് പകരം....
ഏതുവിധേനയെല്ലാം പീഡിപ്പിക്കാമോ അതെല്ലാം ചെയ്തുകൊണ്ടിരിക്കുകയാണ്
ഇപ്പോൾ എല്ലാ സംരംക്ഷകരും കൂടി......

രാജാവ് മുതൽ കിങ്കരന്മാർ വരെ ഇതിൽ പെടും !

എന്തിന് പറയുന്നു വോട്ടർ പട്ടികയിൽ പോലും പേരില്ലാതാക്കി...
എല്ലാഭരണ സവിധാനങ്ങളിൽ നിന്നുപോലും ഇവരെ അകറ്റിനിർത്തി...
N.R.I  ക്കാരുടെ കാശ് മാത്രം മതി...
നിങ്ങളുടെയൊന്നും സാനിദ്ധ്യം ഇവിടെയൊന്നും
വേണ്ടേ വേണ്ട എന്നനിലപാടാണ് സകലമാന ഏമാന്മാർക്കും !

  N.R.I ക്കാരൻ നാട്ടിലെത്തിയാൽ പിച്ചക്കാരൻ
മുതൽ പീടികക്കാരൻ വരെ അവരെ ശരിക്കും വസൂലാക്കിയിരിക്കും !

പോരാത്തതിനിതാ പടിഞ്ഞാറൻ നാടുകളിൽ ജോലിസംബന്ധമായ
കാര്യങ്ങൾക്കും മറ്റും വേണ്ടി അതാതുരാജ്യങ്ങളിൽ നാച്യുറലൈസേഷൻ
നടത്തിയവരോടുപറയുന്നു ഇന്ത്യൻ പാസ്പോർട്ടുകളെല്ലാം സറണ്ടർ ചെയ്ത് ,
ഇതുവരെ ചെയ്ത ഓരോയാത്രകൾക്കും പിഴയൊടുക്കി സ്വന്തം നാടുമായുള്ള ബന്ധം
ഉപേഷിക്കണം എന്ന്...

ജനിച്ചുവളർന്ന സ്വന്തം നാടിനേയും,സംസ്കാരത്തേയും
അകമഴിഞ്ഞ് സ്നേഹിക്കുന്ന ഇവർക്ക് എന്തു കൊണ്ട്  ഇന്ത്യൻ
പാസ്പോർട്ട്  കൈയ്യിൽ വെച്ചുകൂടാ..?
ഇത്തരം ആളുകൾക്കെങ്കിലും ഡ്യുവൽ സിറ്റിസെനാവാനുള്ള അവകാശം കൊടുത്തുകൂടെ ?

അതെ വിരലിലെണ്ണാവുന്നവരെ മാത്രം ഒഴിച്ചു നിറുത്തിയാൽ
ഇത്തരം പുതുനിയമങ്ങളും, വിക്രിയകളും മൂലം പീഡനം ലഭിക്കാത്ത
പാശ്ചാത്യവിദേശവാസികളായ പ്രവാസികൾ വിരളമായെ ഉള്ളൂ !

ബിലാത്തി പ്രവാസി --- ഒരു പഴയ ഏട് .../ഫയൽ ചിത്രം.
( Sec:Manager ആയ ഒരു ഗെഡിയുടെ പണ്ടത്തെ ഗ്രാന്റ് ഡാഡ് !)

ഭാരതിയരായ പ്രവാസികൾ ഇല്ലാത്ത
രാജ്യങ്ങൾ ലോകത്ത് ഇല്ലാപൊലും....
വെറും ജോലി തേടിമാത്രമല്ലാതെ, രണ്ടുനൂറ്റാണ്ടുമുമ്പ് മുതൽ
തുടങ്ങിയ ഈ പാലായനങ്ങൾ മുതൽ ഇപ്പോഴുള്ള പ്രൊഫഷണൽ
അണുകുടുംബങ്ങൾ വരേയുള്ളവരുടെ  മൈഗ്രേറ്റങ്ങൾ അടക്കം ഇന്ത്യൻ
ഒറിജിൻസ്  ഒക്കെ കാരണമാണ്  പലപടിഞ്ഞാറൻ രാജ്യങ്ങളിലും ഇപ്പോഴും
ജന സമ്പത്ത് നിലനിൽക്കുന്നത് എന്നത് ഒരു സത്യം തന്നെയാണ് !

ഏതാണ്ട് കഴിഞ്ഞ ന്നൂറ്റാണ്ടിന്റെ പകുതിമുതൽ പല പാശ്ചാത്യ
രാജ്യങ്ങളിലേയും പെണ്ണുങ്ങൾക്കൊന്നും  പ്രസവിക്കുന്നതിനും,കുട്ടികളെയൊന്നും
പോറ്റിവളർത്തി വലുതാക്കുന്നതിനും താല്പ്യര്യം നഷ്ട്ടപ്പെട്ടിരിക്കുകയായിരുന്നൂ... ,
ഒപ്പം അവരുടെ പാർട്ട്നേഴ്സിനും ; കുടുംബത്തിനോടും , സ്വന്തം രാജ്യത്തിന്റെ
ജനസംഖ്യാ വർദ്ധനവിനോടൊന്നും ഒട്ടും ചാഞ്ചാട്ടവും ഇല്ലായിരുന്നു കേട്ടൊ.

ഇത്തരം അവസ്ഥാവിശേഷങ്ങൾ പല പടിഞ്ഞാറൻ നാടുകളിലും ...
മറ്റ് പുത്തൻ സാമ്പത്തികരാജ്യങ്ങളിലും കാർഷിക-വ്യാവസായിക- സാമ്പത്തിക
മേഖലകളിൽ കോട്ടം ഉണ്ടാക്കി കൊണ്ടിരുന്നപ്പോൾ ...
ഓട്ടൊമാറ്റിയ്ക്കായി അവർക്കെല്ലാം  മനുഷ്യവിഭവശേഷി ആവശ്യം വന്നു ......

കഥയിത്...മാമ
ഒരിക്കലും ഒരു അധിനിവേശമല്ലാതെ ...
ഈ അവസരം ശരിക്കും മുതലാക്കിയത് വിദ്യഭ്യാസപരമായും,തൊഴിലതിഷ്ടിത അദ്ധ്വാനശീലരുമായ ജനതകളുള്ള  ഏഷ്യൻ രാജ്യങ്ങളാണ്.....
കൂടാതെ അവർക്ക് വേണ്ടതിലധികം മാനവവിഭവ ശേഷിയുമുണ്ടായിരുന്നാല്ലോ അല്ലേ...

ഇതിലെല്ലാം മുമ്പന്തിയിൽ നിന്നിരുന്ന ഭാരതീയർ കയറി ഗോളടിച്ചു
എന്നുപറയുകയായിരിക്കും കുറച്ചുകൂടി നല്ലത് ...


അങ്ങിനെ പ്രവാസി ജോലിക്കാരായും, കുടിയേറ്റക്കാരയും ഇത്തരം ആളുകൾ,
ഇന്ത്യക്ക് പുറത്ത് പല രാജ്യങ്ങളിൽ എത്തിപ്പെട്ട് വിയർപ്പൊഴുക്കിയ ശേഷം ,
ഡോളറും, റിയാലും,യൂറോയും,പൌണ്ടും,യെന്നുമെല്ലാം ,...രൂപയാക്കി മാറ്റി സ്വന്തം
നാടിനെ അഭിവൃദ്ധി  പെടുത്തി കൊണ്ടിരുന്നൂ...

ഇപ്പോൾ പ്രവാസിഭാരതീയരായും, ഇന്ത്യൻ വംശജരായും ഇന്നവർ
ഏഴുവൻകരകളിലുമായി (ഭാരതീയ പ്രവാസികൾ ) അങ്ങിനെവ്യാപിച്ചുകിടക്കുകയാണ്....!

നമ്മുടെ മലയാളി മാഹാത്മ്യത്തിന്റെ പ്രതീകമായി പേരിനൊരു
മലയാളിയെങ്കിലും ഈ സ്ഥലങ്ങളിലെല്ലാം ഉണ്ടെത്രേ !


ഈ പ്രവാസി ചരിതം അവസാനിപ്പിക്കുന്നതിനോടൊപ്പം
എല്ലാ ബൂലോഗമിത്രങ്ങൾക്കും ചെറിയ പെരുന്നാൾ
ആശംസകൾ നേർന്നു കൊള്ളുന്നൂ.....





ലേബൽ  :-
പൊതുകാര്യം.

Saturday 21 August 2010

മൊഞ്ചുള്ള സഞ്ചാരങ്ങൾ...! / Monchulla Sancharangal...!

സ്വകുടുംബസമേധം പാരീസിൽ  /  Lenced by Merienav 


 യാത്രാവശേഷം എഴുതിയ ശേഷം ആയതിന്റെ
രണ്ടാം ഭാഗം , ആ മൊഞ്ചുള്ള ഫ്രെഞ്ച് സഞ്ചാരങ്ങൾ മഞ്ച്  ചോക്ലേറ്റ് പോലെ മധുരത്തിൽ വേണൊ,  അതോ കൊഞ്ചുകറി പോലെ മസാല ചേർത്ത് വേണൊ എന്ന് ചിന്തിച്ച് എഴുതാൻ തുടങ്ങുന്നതിന് മുമ്പ് ;
ബിലാത്തിപട്ടണത്തിലെ ഇക്കൊല്ലത്തെ ഓണാഘോഷ കമ്മറ്റിയിൽ എന്നെ പിടിച്ചിട്ടിട്ട് , പണിയില്ലാത്തവനൊരു പണികൊടുത്തല്ലൊ എന്ന സമാധാനത്തോടെ, മല്ലുസമാജങ്ങളുടെ തലതൊട്ടപ്പന്മാരെല്ലാം നാട്ടിൽ ഓണമുണ്ണാൻ വേണ്ടി പറന്ന് പോയിരിക്കുകയാണിപ്പോൾ...

നാട്ടിലെ റെഡിമേയ്ഡ് കം ചാനലോണങ്ങൾ കൊണ്ടാടാൻ പോയവർക്കറിയില്ലല്ലോ,  ഇപ്പോൾ ശരിക്കുള്ള ഓണാഘോഷങ്ങളെല്ലാം സാക്ഷാൽ തനിമയോടെ ,പഴയ പൊലിമയോടെ കൊണ്ടാടീടുന്നത് ഈ നമ്മളെപോലെയുള്ള പ്രവാസികളാണെന്ന്  !

 പൂപറിച്ച് പൂവ്വിട്ടൊരോണത്തിൻ  പൂക്കളംചമച്ചും   , 
പൂതിങ്കളൊന്നുപോലലങ്കരമാക്കിടുന്നീ തിരുമുറ്റവും...
 ഉഗ്രൻ പൂങ്കാവനമായ ഈ നഗരത്തിൽ പൂക്കൾക്ക് ഒട്ടും ക്ഷാമമില്ലാത്തതിന്നാൽ ,
ഓരോ മലയാളിയും അവന്റെ സംസ്കാരികചിട്ടവട്ടങ്ങൾ മറ്റുള്ളവരേ കാണിക്കുവാൻ, തിരുമുറ്റമില്ലെങ്കിലും...
നല്ല കലാവിരുതോടെ പൂക്കളങ്ങൾ ഉമ്മറത്തിട്ട് അണിയിച്ചൊരുക്കിയാണ് ഓണത്തേയും, ഇഫ്താൽ വിരുന്നുകളേയുമൊക്കെ വരവേൽക്കുന്നത് ഈ ബിലാത്തിയിൽ....!
 ഒരു ലണ്ടനോണപ്പൂക്കളം !

ബംഗ്ലാദേശുകാരും, പാക്കിസ്ഥാനികളും, ‘ഇന്ത്യൻ ടേയ്ക്കവേ‘ വാങ്ങി
നൈജീരിയക്കാരുമൊക്കെ ഈ ഇഫ്താൽ വിരുന്നുകളൊരുക്കി തരുന്നതിന്റെ
മെയിൻ ഗുട്ടൻസ് തന്നെ , വെള്ളക്കാരോടൊപ്പം വന്ന് രുചിയുള്ള നമ്മുടെ ഇലയിട്ടൂണുന്ന ,
ഞങ്ങൾ മലയാളികളൊരുക്കുന്ന കലക്കൻ ഓണസദ്യയ്ക്ക് വന്ന് പകരം വീട്ടുവാനാണ് കേട്ടൊ...

ഏതാണ്ടൊരുമാസത്തോളം  ഞങ്ങൾ ബിലാത്തിമലയാളികൾ
ഓണാഘോഷങ്ങൾ കൊണ്ടാടും...
ഈ സന്തോഷം പങ്കുവെക്കലുകളൊക്കെ ഇനി ഈദുൽ ഫിത്തർ
പെരുന്നാൾ വരെ നീണ്ടുനിൽക്കും ....
 ലണ്ടൻ ഓണവേദിയൊന്നിൽ...
ഈ സന്തോഷങ്ങളിൽ പങ്കുചേർന്ന് ഞങ്ങളോടൊപ്പം ആടിപ്പാടുവാൻ
ഗാനഗന്ധർവ്വൻ യേശുദാസ് അടക്കം ,ടീ.വിക്കാരും, മറ്റു കലാതിലകങ്ങളും,
 എമണ്ടൻ  പാട്ടുകാർ ലണ്ടനിൽ ഒപ്പം ഒരു മണ്ടനും !
കോമഡിക്കാരുമെല്ലാം നിരനിരയായി എത്തിച്ചേർന്നുകൊണ്ടിരിക്കുകയാണിപ്പോൾ....

ഒപ്പം പലവേദികളിലും വലിയ മേക്കപ്പൊന്നും വേണ്ടാത്തത് കൊണ്ട്,
തനി ഒരു രക്ഷസലുക്ക് ഉള്ളതുകൊണ്ട് , ഈയ്യുള്ളവനാണ് രാക്ഷസ രജാവായ
മാവേലിയായി രംഗത്ത് വരുന്നതും... കേട്ടൊ.

എങ്ങിനെ എത്ര പകിട്ടായിട്ടാഘോഷിച്ചാലും....
നാട്ടിലെ ആഘോഷങ്ങൾ ഒന്ന് വേറെ തന്നെ...
അല്ലേ കൂട്ടരേ....


വിങ്ങുന്നമനസ്സിനുള്ളിൽ ഓർക്കുന്നു ഞങ്ങൾ,
അങ്ങകലെയാനാടിന്റെ നന്മകളെപ്പോഴും...
ചിങ്ങനിലാവിലാപൊൻ വെളിച്ചത്തിൽ ,
മുങ്ങിക്കുളിക്കുവാൻ മോഹമുണ്ടിപ്പോഴും...

ചങ്ങലക്കിട്ട ഈ പ്രവാസത്തടവിലും ;
ചിങ്ങത്തിലെ ആ തിരുവോണമൂണും ,
തിങ്ങിനിറഞ്ഞാകറികളുമാമടപ്രഥമനും,
മങ്ങാതെനിൽക്കുന്നിതാ മനസ്സിലിപ്പോഴും !“

ഇത് നല്ലകൂത്തായി ....
ഫ്രെഞ്ചുസഞ്ചാരമെന്ന് തുടങ്ങിയിട്ട് , സഞ്ചാരം
ഇവിടത്തെ ഓണ കാഴ്ച്ചകളിലേക്കായി അല്ലേ...

കുഴപ്പമില്ല കഴിഞ്ഞതവണ അവസാനിപ്പിച്ചതിൽ നിന്നും,
നമുക്ക് തീ പിടിപ്പിക്കാം അല്ലേ....

ലിവർപൂളിൽ നിന്നും ഞാൻ സ്കൂട്ടായി വീട്ടിലെത്തിയപ്പോൾ പെണ്ണൊരുത്തിയുണ്ട്
തലോക്കാര് പെണ്ണുങ്ങള് ചക്ക കൂട്ടാൻ കിട്ടാത്തതിന് പിണങ്ങി മോന്തകയറ്റി നിൽക്കണെ
പോലെ ; പൂമുഖവാതിക്കൽ സ്റ്റെഡിവടിയായി ബലൂൺ വീർപ്പിച്ചപോലത്തെ മുഖവുമായി  , ഈയ്യുള്ളവനെ വരവേൽക്കാൻ നിൽക്കുന്നു....!

ചിരവ , ചൂല്, ഉലക്ക,...മുതലായ സ്ഥിരം പെണ്ണുങ്ങളുടെ
പണിയായുധങ്ങളൊന്നും ഈ രജ്യത്ത് ഇല്ലാത്തതെന്റെ ഭാഗ്യം !

ഇവളുടെ ആ ഗെഡിച്ചികൾ പറ്റിച്ച പണിയാണ് കേട്ടൊ ....
ആ മദാമാർക്കുണ്ടോ , നമ്മുടെ മാതിരിയുള്ള സങ്കുചിത ചിന്താഗതികൾ .....
ഞാൻ പോന്നതിൻ പിന്നാലെ അവരുണ്ട് എന്റെ ഭാര്യയെ വിളിച്ച് സോറി പറഞ്ഞിരിക്കുന്നു...
വെള്ളത്തിന്റെ മോളിൽ പറ്റിയതാണെന്നും ..മറ്റും...
അവറ്റകൾക്കത് മിണ്ടാതിരുന്നാ...മതി !
അവർക്കറിയില്ലല്ലോ... അല്ലേ ...
അവരെ പോലെ മനസ്സ് വികസിച്ച
ബോർഡ്മൈന്റുള്ളവരൊന്നുമല്ല നമ്മുടെ മലയാളി മങ്കമാർ എന്ന്...!

അതുകൊണ്ടിത്തവണ എന്തായാലും പെട്ടുപോയി !
ഇതിലും വലിയ സംഭവങ്ങളുണ്ടായിട്ട് ബ്രാല് വഴുതണപോലെ എത്ര തവണ ചാടി പോന്നിട്ടുള്ളതാണ്....
ഇനി മേൽ ഇത്തരം സംഗതികൾ കുറച്ചില്ലെങ്കിൽ ,
മേലിൽ അവളുടെ‘ പേഴ്സണൽ ‘കാര്യങ്ങളിൽ ‘എന്റെ കൈ കടത്തുവാൻ‘ അനുവദിക്കില്ലായെന്നുള്ള ഭീക്ഷണിക്ക് മുന്നിൽ ഞാൻ മുട്ടുമടക്കി ....

അല്ലാതെ ക്ഷമ ചോദിക്കാനൊന്നുമല്ല കേട്ടൊ..

അയ്യൊ..സോറീ... പല ബൂലോഗമിത്രങ്ങളും എനിക്ക് മെയിലയച്ചിരുന്നു...

ഇപ്പോൾ വിശുദ്ധ റമ്ദാന്റെ നൊയ്മ്പുകാലാമാണിതെന്നും
നോൺ വെജിറ്റേറിയൻ പ്രയോഗങ്ങളൊന്നും വിളമ്പെരുതെന്നും പറഞ്ഞിട്ട്....

പക്ഷേ അണ്ണാൻ മരം കേറ്റം മറക്കില്ലെന്ന്
പറഞ്ഞപോലെയാണ് എന്റെ കാര്യം കേട്ടൊ...
ചൊട്ടയിലെ ശീലം ചുടലവരെ അല്ലെ...

പോരാത്തതിന് വേറൊരു പുലിവാലുമുണ്ട്..കേട്ടൊ
ബിലാത്തി ബൂലോഗത്തിലെ യാത്രയുടെ തലതൊട്ടപ്പന്മാരായ
വിഷ്ണുവും, സിജോയും ,യാത്രകളിലെ പുലിച്ചികളായ
  കൊച്ചുത്രേസ്യയും, സിയയും കൂടി ചിന്താവിഷ്ടയായ
ശ്യാമളയിലെ കുട്ടികളുടെ  സ്റ്റൈലിൽ

“അയ്യോ ...ചേട്ടാ എഴുതല്ലേ...  ;   അയ്യോ ചേട്ടാ എഴുതല്ലേ...
യാത്ര..വിവരണം എഴുതല്ലേ..  ;   യാത്രാ വിവരണം എഴുതല്ലേ...”

എന്ന് പറഞ്ഞ് വിളിയോട്  വിളികൾ....

ആ ആമ്പിള്ളേരോട് പോയ് പാട്ട് നോക്കഡാ..
ഗെഡികളേ എന്ന് എനിക്ക് പറയാം..
പക്ഷേ അങ്ങിനെയാണോ സുന്ദരികളായ
രണ്ടുചുള്ളത്തികൾ  ഒരുമിച്ച് ഒരു കാര്യം ആവശ്യപ്പെട്ടാൽ...

അതുകൊണ്ട് ഫ്രഞ്ചുപുരാണം ...  ഇവർക്കാർക്കെങ്കിലും വിവരിക്കുവാൻ
വേണ്ടി ഞാൻ വിട്ടുകൊടുക്കുവാൻ പോകുകയാണ്  കേട്ടൊ.

ഇപ്പോൾ വെറുതെ കാര്യങ്ങൾ ജസ്റ്റ് ഒന്ന് പറഞ്ഞ് പോകുന്നു എന്നുമാത്രം...

സംഗതി ഇവരെപ്പോലെയൊന്നും ഒരു യാത്രയെ കുറിച്ചൊന്നും
A  to  Z  എനിക്കെഴുതുവാൻ എനിക്കറിയില്ല എന്നതാണ്  ശരിയായ സത്യം ....കേട്ടൊ.

പഴഞ്ചൊല്ലിൽ പറയാറില്ലേ...
ഒരു യാത്ര പോയാൽ
‘ആണാണെങ്കിൽ നാല് കാര്യങ്ങൾ നടത്തണം
പെണ്ണാണെങ്കിൽ നാല് കാഴ്ച്ചകൾ കാണണം എന്ന് ‘
ചുരുക്കിപറഞ്ഞാൽ എന്റെ യാത്രകളൊക്കെ
ഏതാണ്ട് അത്തരത്തിലുള്ളതാണ് കേട്ടൊ

ഡോവർ തുറമുഖം
അതുകൊണ്ട് ഇനിയുള്ള കാര്യങ്ങൾ വളരെ ചുരുക്കി പറയാം അല്ലേ
അങ്ങിനെ നാലഞ്ചുദിവസത്തെ വിനോദയാത്രക്ക് വേണ്ടി ഈ ഗെഡിച്ചികളും,
കുടുംബവുമായി ഞങ്ങളുടെ വണ്ടി ലണ്ടനിൽ നിന്നും, പുലർകാലത്തുള്ള ബിലാത്തി
സുന്ദരിയുടെ ഗ്രാമീണ ലാവണ്യങ്ങൾ മുഴുവൻ നുകർന്നുകൊണ്ട് ഒരുമണിക്കൂർ യാത്രചെയ്ത്  ‘ഡോവർ‘ തുറമുഖത്തെത്തി....
ഇംഗ്ലീഷ് ചാനൽ താണ്ടി തൊട്ടപ്പുറമുള്ള ഫ്രാൻസിലെത്തുവാൻ....

ഈ കനാലിന്റെ അടിയിൽ കൂടി പോകുന്ന തുരങ്കത്തിൽ കൂടി
വേണമെങ്കിൽ ‘യൂറൊസ്റ്റാർ‘ എന്ന പറക്കും തീവണ്ടിയിൽ രണ്ടുമണിക്കൂർ
കൊണ്ട് പാരീസിലെത്താവുന്നതേയുള്ളൂ....

അതുമല്ലെങ്കിൽ ആകെ നമ്മുടെ തെക്കനിന്ത്യയുടെ വലിപ്പമുള്ള
യൂറൊപ്പ് മുഴുവൻ (കിഴക്കൻ യൂറോപ്പ്യൻ രാജ്യങ്ങളായ റഷ്യ, സോൾവാനിയ,
പോളണ്ട്,..,..എന്നിവ ഒഴിച്ച് ) വീമാനയാത്രപോലെ സെറ്റിങ്ങ്സുള്ള കോച്ചുകളിലും
അര,മുക്കാൽ ദിവസം കൊണ്ട് എത്താവുന്ന ദൂരമേ ഉള്ളൂ കേട്ടൊ.

കപ്പലിനകത്തേക്കും ഒരു കാറൊഴുക്ക് !
അങ്ങിനെ ക്രൂയ്സ് ഷിപ്പിൽ... വണ്ടിയുമായി കപ്പലേറി...

ജീവിതത്തിലെ ആദ്യത്തെ കപ്പൽ യാത്ര !

മൂന്ന് തട്ടുകളിലായി കാറുകളും,ട്രക്കുകളം,കോച്ചുകളുമൊക്കെയായി
ഇരുന്നൂറോളം വാഹനങ്ങളെയും, അതിനകത്തുള്ള ആളുകളേയും
അകത്താക്കിയപ്പോൾ കപ്പലുചേട്ടന്റെ വയറുനിറഞ്ഞു !

ലിഫ്റ്റിൽ കയറിയിറങ്ങി ആ യാനത്തിലുള്ളിലെ ബാറുകളും,
റെസ്റ്റോറന്റും,മുറികളും പിന്നെ ഡക്കിൽ പോയിനിന്ന് ആ ജലയാത്രയും
ആസ്വദിച്ച് ഒരു മണിക്കൂറിനുശേഷം ഫ്രഞ്ചുതീരത്തെ ‘കലാസിസ്‘ തുറമുഖത്തണഞ്ഞു ഞങ്ങൾ....

വെറും പത്തുമിനിട്ടിനുള്ളിൽ യാത്രരേഖകളുടെ , പരിശോധനയും ,
അനുമതിയും റെഡിയാക്കിതന്ന്... ശൂഭയാത്ര നേർന്ന് , വരി വരിയായി ഇരിക്കുന്ന ആ ഉദ്യോഗസ്ഥകളെയെങ്ങാനും ,എന്നെങ്കിലും നമ്മുടെ രാജ്യത്തെങ്ങാനും മാതൃകകള്‍
ആക്കുവാൻ പറ്റുമോ ?

പിന്നീട് ഫ്രാൻസിന്റെ ഭംഗി നുകർന്ന് ആടിയും,പാടിയും,പലയിടത്തും നിറുത്തി കാഴ്ച്ചകൾ കണ്ടും പാരീസിലെ (Paris City)ത്തിയപ്പോൾ നാലുമണിക്കൂർ കഴിഞ്ഞു.....

കാലാകാലങ്ങളായി പഴമയുടെ
പുതുമകളാൽ പേരുകേട്ട പാരീസ് ...!

പാരീസിലെ പെരെടുത്ത ചരിത്രം ഉറങ്ങുന്ന കാഴ്ച്ചബംഗ്ലാവ് !

ഇവിടെയുള്ളവരായിരിന്നുവെത്രെ യൂറോപ്പിലെ ഏറ്റവും നല്ല ആർക്കിടെക്കുകൾ....
ഒപ്പം കലാകാരന്മാരാലും,സംഗീതജ്ഞന്മാരാലും  വാഴ്ത്തപ്പെട്ട നഗരം !

ഏതൊരു യൂറോപ്പ്യൻ രാജ്യത്തെപ്പോലെ ഫ്രാൻസിന്റെയും
മുഖ്യവരുമാനം വിനോദ സഞ്ചാരം തന്നെ !

 ഞങ്ങളുടെ ടൂർ ഓർഗനൈസ് ചെയ്തവർ നോവോട്ടലിൽ മുറികളടക്കം
(ബെഡ് &ബ്രേക്ക് ഫാസ്റ്റ് ) എല്ലാം പരിപാടികളും മുങ്കൂട്ടി ബുക്ക്ചെയ്തതിനാൽ
ഒരോ സമയത്തും അതാത് സ്ഥലത്ത് എത്തിച്ചേർന്നാൽ മതി ...
പിന്നെ കാണലും ,ആസ്വദിക്കലും മാത്രമാണ് നമ്മുടെ പണി.

 സപ്താദ്ഭുതത്തിനൊന്നിൻ കീഴിലാപാതിരാവിലന്ന് പാരീസിൽ....

പക്ഷെ എന്റെ ഈ യാത്രാപൂരക്കാഴ്ച്ചകളുടെ സ്ഥിതി
ഇത്തിരി കഷ്ട്ടമായിരുന്നു കൂട്ടരെ....
പണ്ട് കൂർക്കഞ്ചേരിപൂയ്യത്തിന് കോലം കിട്ടാൻ വേണ്ടി ,മദപ്പാടുള്ള ഗുരുവായൂർ കേശവനെ കണിമംഗലത്തുകാർ ഏർപ്പാടാക്കി കൊണ്ടുവന്നപോലെയായിരുന്നു എന്റെ സ്ഥിതി വിശേഷം !

കാലുകളിൽ ഇടചങ്ങലയിട്ട്,ഇടവും,വലവും തോട്ടികളേന്തിയ പാപ്പാന്മാർ സഹിതം അഞ്ചുപാപ്പന്മാരുടെ ഘോഷയാത്രയോടെയുള്ളതായിരുന്നു അന്നത്തെ ആ എഴുന്നുള്ളിപ്പ്...
ആനയ്ക്ക് പൂരം നന്നാവണമെന്നില്ലല്ലോ...
നേരാനേരം 'പട്ട'കിട്ടിയാൽ മതിയില്ലേ.
പിന്നെ 'മദം' പൊട്ടാതെ നോക്കണമെന്നുകൂടി മാത്രം....

ഇംഫാൽ ടവ്വറിൽ നിന്നും ഒരു പാരീസ് വീക്ഷണം !
അന്ന് പിന്നെ ഫുള്ളായും ലോകത്തിലെ ഏറ്റവും സുന്ദരമായ ,
സ്ഥാനമാനങ്ങളുള്ള നാലാമത്തെ പട്ടണമായ പാരീസിനെ  (ന്യൂയോർക്ക്,
ലണ്ടൻ, ട്യോക്കിയോ എന്നിവയാണ് ആദ്യസ്ഥാനക്കാർ കേട്ടൊ) കണ്ടിട്ടും,
കണ്ടിട്ടും മതിവരാതെ കണ്ടുകൊണ്ടിരിക്കുകയായിരുന്നു....

ഗൈഡായുള്ള ഗെഡിച്ചി , ഫ്രെഞ്ചിന്റെ മൊഞ്ചായ സൂസൻ  എല്ലാത്തിനും വഴികാട്ടിയായുള്ളത് കൊണ്ട് പാരീസിന്റെ ഒട്ടുമിക്കസ്പന്ദനങ്ങളും തൊട്ടറിയാൻ സാധിച്ചു....

പൊലൂഷൻ വമിക്കാത്ത ഇലക്ട്രിക് വാഹനങ്ങൾ, പട്ടണത്തിൽ സഞ്ചരിക്കുമ്പോൾ
ഒരിടത്ത് നിന്ന് മറ്റൊരിടത്തേക്ക് സഞ്ചരിച്ച് കൊണ്ടുവെക്കാവുന്ന ഓട്ടൊമറ്റിക് സൈക്കിളുകൾ , ക്ലീൻ&ടൈഡിയായ നഗര വീഥികളും,പരിസരങ്ങളും,....,...,....,

സൂസനുപിന്നിലണിനിരക്കും ഇരുചക്രവ്യൂഹങ്ങളായി ഞങ്ങളും...

രാ‍ത്രിയിൽ വലിയൊരു യാത്രാബോട്ടിൽ  സീൻ നദിയിലൂടെ ഇരുകരയിലുമുള്ള പുരാതനശിൽ‌പ്പഭംഗിയിൽ വാർത്തെടുത്ത ഓരൊ കെട്ടിടസമുച്ചയങ്ങളുടെ  ദൃക് സാക്ഷി     വിവരണങ്ങൾ കേട്ട്, രാത്രിയിലെ ഇംഫാൽ ടവ്വറിന്റെ ഭംഗി നുകർന്ന് പാരീസിന്റെ കുളിർമയിൽ അലിഞ്ഞുചേർന്ന ഒരു സുന്ദര രാത്രിതന്നെയായിരുന്നു അത്...!
ആനയെ മേച്ച മൂന്നു പാപ്പാത്തികൾ !
പിറ്റേന്ന് ദിനം മുഴുവൻ ഡീസ്നി ലാന്റിലായിരുന്നു ( Disney Land )
നോക്കെത്താ ദൂരത്തോളം പരന്നുകിടക്കുന്ന ലോകത്തിലെ പേരുകേട്ട
അമ്യൂസ്മെന്റ് പാർക്ക്....
വാക്കുകളാൽ വർണ്ണിക്കാൻ സാധിക്കാൻ പറ്റാത്തതാണ്..
ഇതിനുള്ളിലെ റൈഡുകളും,പാർക്കിന്റെ രൂപഭംഗികളും !


അടുത്ത ദിനം മുഴുവൻ വാൽട്ട് ഡിസ്നി
സ്റ്റുഡിയോ( Walt Disney Studios ) ക്കകത്തായിരുന്നൂ .
 എല്ലാ കാർട്ടൂൺ കഥാപാത്രങ്ങളേയും
ലൈവായി കാണാവുന്നയിടം....

 ഫിലീം ഇൻസ്റ്റിട്ട്യൂട്ടിൽ നിന്നും പാസ്സായി നാട്ടിൽ, രക്ഷയില്ലെന്ന് കണ്ട്  ഈ
സ്റ്റുഡിയോയിൽ വന്ന് ഉന്നതമായി ജോലിചെയ്യുന്ന ഒരു മലയാളി മിത്രത്തേയും
ഇതിനുള്ളിൽ വെച്ച് പരിചയപ്പെട്ടു കേട്ടൊ.

മൂപ്പർ പരിചയപ്പെടുത്തി തന്ന,പാരീസിൽ ജനിച്ചുവളർന്ന,
ഒരു കാർട്ടൂൺ കഥാപാത്രമായി ജോലിചെയ്യുന്ന ഒരു അതിസുന്ദരിയായ
മലയാളി പെൺകൊടിക്ക് മലയാളവും, ഇംഗ്ലീഷും കടിച്ചാൽ പൊട്ടാത്ത ഭാഷകളാണെത്രെ !

ഭൂമിയിലേക്കിറങ്ങി വന്ന ജീവനുള്ള കാർട്ടൂൺ കഥാപാത്രങ്ങൾ !

ഒരു സാക്ഷാൽ അദ്ഭുതലോകത്ത് ചെന്ന പ്രതീതി....
കാർട്ടൂൺ കഥാപാത്രങ്ങളായി മാറുന്ന വേഷം കെട്ടിയമനുഷ്യരൂപങ്ങൾ !
അനിമേഷൻ നടത്തുന്ന സാങ്കേതിക സവിധാനങ്ങൾ !


 മണ്ടൻ കണ്ട പെരുച്ചാഴി !
ഈ സ്റ്റുഡിയോക്ക് മുമ്പിൽ ഫ്രെഞ്ചിൽ എഴുതിവെച്ചിരിക്കുന്ന
ചിലസൂക്തവാക്യങ്ങൾ സത്യം തന്നെ !

“നിങ്ങൾക്ക് പണം മാത്രമുണ്ടെങ്കിൽ
ഇവിടെ എത്തിപ്പെടുവാൻ സാധിക്കില്ല....
നിങ്ങൾക്ക് ഭാഗ്യം മാത്രമുണ്ടെങ്കിൽ ഈ
കാഴ്ച്ചകൾ എത്തിപ്പിടിക്കുവാൻ സാധിക്കില്ല....
നിങ്ങൾക്ക് പണവും,ഭാഗ്യവും,യോഗവും ഒന്നിച്ചുണ്ടാകുകയാണെങ്കിൽ
ഇവിടെയുള്ള മായക്കാഴ്ച്ചകൾ സമയം മാത്രം ചിലവാക്കി മതിവരുവോളം
ആസ്വാദിക്കാം !“


എത്രയും പ്രിയപ്പെട്ട നിങ്ങൾക്കോരോരുത്തർക്കും നന്മയുടെ ഓണം/ റംസാൻ ആശംസകൾ അർപ്പിച്ചുകൊണ്ട് തൽക്കാലം ഞാൻ ഈ ഫ്രെഞ്ചുപുരാണം അവസാനിപ്പിക്കുകയാണ് ..കേട്ടൊ.
എന്ന് ...സസ്നേഹം , 
നിങ്ങളുടെ സ്വന്തം മാവേലി .













ലേബൽ     :-
യാത്രാനുങ്ങ.

Saturday 31 July 2010

യാത്രാവശേഷങ്ങൾ ..... / Yathraavasheshangal .....

യാത്രാവശേഷങ്ങൾ


ഒരു ജോലികിട്ടിയിട്ട് വേണം ഒന്ന് ലീവെടുക്കാൻ എന്ന് , പണ്ടൊരു സിനിമയിൽ മോഹൻലാൽ പറഞ്ഞപോലെ ,  ഒരു റിഡന്റൻസി ( Redundant ) കിട്ടിയിട്ട് വേണം ഒന്ന് ആർമാദിക്കുവാൻ എന്ന് ചിന്തിച്ചിരിക്കുമ്പോഴാണ് , വൈദ്യൻ കല്പിച്ച പാലുപോലെ , ഒരുമാസം മുമ്പ് ആ പണിപോകൽ അറിയിപ്പ് കൈപറ്റിയത്....

സമ്പത്ത് മാന്ദ്യത്തിന്റെ ബാധ്യതകൾ കുറയ്ക്കാനും, പുത്തൻ ഗവർമേന്റിന്റെ , നോൺ യൂറൊപ്പ്യൻസിനെ പുറംതള്ളുന്ന പോളിസുമായി ഇഴുകിച്ചേർന്ന് ഞങ്ങളുടെ കമ്പനിയും അനേകം പേർക്ക് അങ്ങിനെ റിഡന്റണ്ട് നോട്ടീസ് കൊടുത്തു എന്നുപറയുന്നതായിരിക്കും ഉത്തമം...

പിന്നീട് പുതിയ ജോലിക്കാരെ വെക്കാതെ ഉള്ളവരെ കൊണ്ട്
ഇരട്ടി പണിയെടുപ്പിക്കുന്ന പരിപാടിയായ നവീന മുതലാളിത്ത കുത്തക
രീതി തന്നെ നടപ്പാക്കുകയും ചെയ്തു കേട്ടൊ !

ഭാഗ്യം പോലെ നറുക്ക് എനിക്കും വീണത് കൊണ്ട്, അങ്ങിനെ ഈ ജൂലായ്  രണ്ടുമുതൽ ഭർത്താവുദ്യോഗം മാത്രമായി ഈയ്യുള്ളവന്റെ പണി വല്ലാ‍തെ ചുരുങ്ങിപ്പോയത്  , ഭാര്യക്ക് വലിയൊരു ശല്ല്യമാകുകയും ചെയ്തു .....!

അതിനാൽ ഇത്തരം ചൊറിച്ചിലുകൾക്ക് ശമനം വരുത്തുവാൻ   ,  ഇപ്പോൾ കിട്ടുന്ന ഈ  തൊഴിലില്ലാവേതനവും, തൊഴിലന്വേഷണവുമായി....
ഞാനീയിടവേള ആഘോഷിച്ച് തിമർക്കുവാൻ തന്നെ തീരുമാനിച്ചു  !

ലോകകപ്പ് തീരുന്നത് വരെ പബ്ബുകളിലും മറ്റും , ഫാ‍നുകളുമായി അടിച്ചുപൊളിച്ച് ഉല്ലസ്സിച്ച്  കഴിയുന്നസമയത്താണ് ; തേടിയ വള്ളി വേണ്ടസ്ഥലത്ത് ചുറ്റിയത് !
 പഞ്ചപാവവും ,ഫ്രഞ്ചുകാരിയും,മൊഞ്ചുകാരിയും
ഭാര്യയുടെ  ഗെഡിച്ചികളായ അയലക്കക്കാരായ ഫ്രഞ്ചുകാരി സൂസനും ,
പോളണ്ടുകാരി ; ഒരിക്കൽ എന്റെ മാനേജർ കൂടിയായിരുന്ന മെറീനയും
(ഈ മെറീന ഇവിടെയുണ്ട് കേട്ടൊ )   കൂടി ഹോളിഡേയ് പ്ലാൻ ചെയ്യുന്ന
വിവരം പെണ്ണൊരുത്തി പറഞ്ഞറിഞ്ഞത് .

വെള്ളക്കാരികളായ  ചട്ടിയും, ചട്ടിയുമായ  ഈ പെണ്ണുങ്ങളോട് ഞാനിടപെടുന്നതിൽ ഭാര്യയ്ക്കാണെങ്കിൽ വിരോധമൊട്ടുമില്ല തന്നെ......

പോരാത്തതിന്  ഈ ലെസ്ബിനികളുടെ ഇഷ്ട്ടവിഭവങ്ങളായ ഇന്ത്യൻ കറികളുടെ പാചകഗുരു കൂടിയാണ് എന്റെ വാമഭാഗം !

ഇക്കൊല്ലം ഈ   പെണ്ണുദമ്പതികൾ  ഇംഗ്ലണ്ടിലും, യൂറൊപ്പിലും , പിന്നെ തായ്ലാന്റിലുമൊക്കെയാണ്  ഹോളിഡേയ്ക്ക് പോകാനുദ്ദേശിക്കുന്നത് എന്നെന്നോട് പറഞ്ഞു ......

കൂടെ ഈ പാവത്തിനേയും കൂട്ടാമെന്ന് - ചിലവെല്ലാം അപ് നാ..അപ് നാ .....

പകരം അടുത്ത കൊല്ലത്തെ ഇന്ത്യാടൂറിന് ഇവർക്ക് എന്റെ ഗൈഡൻസ്  വേണം പോലും..., അടുത്തകൊല്ലം  നടക്കുന്ന ബൂലോഗ മീറ്റിൽ ബ്ലോഗിണിയായ ഈ മെറീനയെ ( പോളീഷ് ഭാഷയിലാണ് കേട്ടൊ ) കൂടി പങ്കെടുപ്പിക്കണം !

കേരളഭക്ഷണമതാകർഷണീയമിവിടെയതെന്നും..!
ഭാര്യയും,മക്കളുമായി സംഭവം ചർച്ചചെയ്തപ്പോൾ ....
അവർക്കും ഒരു ഡിമാന്റ്....അവരേയും ഏതെങ്കിലും യൂറോപ്യൻ
രാജ്യങ്ങളിലേക്ക് ഞങ്ങളോടോപ്പം കൊണ്ടുപോണം പോലും.... സമ്മതിക്കാതെ നിർവ്വാഹമുണ്ടായിരുന്നില്ല.
വളരെ പ്യാരിയായിട്ട് തന്നെ പാരീസ് പര്യടനത്തിന്
കുടുംബത്തിനേയും കൂട്ടാമെന്നേറ്റു..!

അടുത്തകൊല്ലത്തെ ദൈവ്വത്തിന്റെ നാട്ടിലേക്കുള്ള സന്ദർശനത്തിന്
മുന്നോടിയായി  ഞാനിവരെ,  ഇവിടെ ലണ്ടനിൽ എല്ലാകൊല്ലവും നമ്മുടെ
ടൂറിസം വകുപ്പുകാർ സംയുക്തമായി ,വിദേശികളെ ആകർഷിക്കുവാൻ വേണ്ടി
ലക്ഷകണക്കിനുരൂപ ചിലവഴിച്ചു നടത്തുന്ന രണ്ടുദിനത്തെ പരിപാടിയായ കേരള
കാർണിവെൽ ,  തേംസ് നദിയുടെ തീരത്തുവെച്ചു നടന്നിരുന്ന കേരള കലാ-സാംസ്കാരിക- ഭക്ഷണ മേള കൊണ്ടുകാണിച്ചുകൊടുത്തിട്ട് ,കേരളത്തിന്റെ സ്പന്ദനങ്ങൾ തൊട്ടറിയിച്ചു.....

ആനച്ചമയങ്ങളും ,ആയുർവേദവും എന്തൊക്കെയാണെന്ന് അതാതിന്റെ
സ്റ്റാളുകളിൽ കൊണ്ടുപോയി കാണിച്ച് വിശദീകരിച്ചു കൊടുത്തു....

 ലണ്ടൻ കേരള കാർണിവെൽ /  ജൂലായ് 2010

നമ്മുടെ വനിതാ മന്ത്രി ശ്രീമതി ടീച്ചർ അടക്കം , പല ഉദ്യോഗസ്ഥ പ്രമുഖരും,
സിനിമാനടന്മാരും ,മറ്റു കേരള പ്രേമികളായ വെള്ളക്കാരും നിറഞ്ഞാടിയ സദസ്സും,
മറ്റു കലാപരിപാടികളുമെല്ലാം .... എല്ലാവർക്കും തന്നെ ,
ഇവരെപ്പോലെ തന്നെ കേരളത്തെ കാണാൻ ഉത്സാഹപെടുത്തുന്ന
സംഗതികൾ തന്നെയായിരുന്നു കേട്ടൊ....

എന്തിനുപറയുന്നു നമ്മുടെ സാധാരണക്കാരന്റെ വാഹനമായ
ഓട്ടൊറിക്ഷ പോലും ഇവിടെയുപയോഗിക്കുന്നത് ....
നമ്മുടെ വെള്ളംകുടി ശീലത്തിന്റെ പ്രതീകമെന്നോണം ,
സഞ്ചരിക്കുന്ന ദാഹശമിനികളുമായിട്ടാണ് !
അതും ഇഷ്ട്ടപാനീയങ്ങൾ ഏതും കിട്ടുന്ന ആധുനിക സജ്ജീകരണങ്ങളുമായി  !

 തേംസ്  തീരത്ത് നമ്മുടെ ഓട്ടൊയിലെ  ഒരു സഞ്ചരിക്കുന്ന ഹൈടെക് പബ്ബ് !

പിന്നീട് ചില യു.കെ കാഴ്ച്ചകൾക്ക് ശേഷം ഞാനിവരെ ലണ്ടനിലെ പ്രമുഖ മലയാളിസംഘടനകളായ യു.കെ മലയാളി അസ്സോസിയേഷനും , കാത്തലിക് അസ്സോസിയേഷനും,യു.കെ ശ്രീനാരായണ ഗുരുമിഷ്യനും ഒത്ത് കൂടി നടത്തിയ
മലയാളി ഫൺ ഡേയ് കൊണ്ടുകാണിച്ചു.....

 മല്ലൂസ് ഫേമിലി ഫൺ ഡേയ് ഇൻ ലണ്ടൻ
അടുത്തമാസം ഇവിടെ നടത്തുന്ന ഓണ സദ്യകളിലും, ഓണ പരിപാടികളിളും
ഇനി യൂറോപ്യൻ പര്യടനത്തിന് ശേഷം ഈ മദാമമാരെ പങ്കെടുപ്പിക്കണം....

പിന്നീട് ഞാനും ,ഈ ഗെഡിച്ചികളും കൂടി വണ്ടിവിട്ടത് കോവണ്ട്രി,
ബെർമിങ്ങാം വഴി ലിവർപൂളിലേക്കാണ്....കേട്ടൊ
ബൂലോഗരായ വിഷ്ണുവിന്റേയും,പ്രദീപിന്റേയും
തട്ടകമായതുകൊണ്ട് രണ്ടുദിനം അവിടങ്ങളിൽ
ചുറ്റിയടിച്ച് കണ്ട കാഴ്ച്ചകൾ , ഞാൻ പിന്നീട് എഴുതാം ട്ടാ‍ാ...

ആ കുശുമ്പൻ പ്രദീപ് , അവരുടെ മുന്നിൽ വെച്ച്
പച്ചമലയാളത്തിൽ എന്നെ ഒന്ന് ആക്കാൻ വേണ്ടി

“ഇവർക്ക് കണ്ണുപറ്റാതിരിക്കാനാണോ
ചേട്ടായിയെ ഒപ്പം കൂട്ടിയിരിക്കുന്നത് ?”

എന്ന് ചോദിച്ചത് മാത്രമാണ്
എന്നെ  ഇത്തിരിയലട്ടിയ ഒരു സംഗതി....

പുലർകാലരാവിലെയുള്ള ലിവർ പൂൾ

പിറ്റേന്ന് , മൂന്നാം ദിനം രാവിലെതന്നെ ഇംഗ്ലണ്ടിലെ ലാസ് വെഗാസ്
എന്നറിയപ്പെടുന്ന ലിവർപൂളിൾ ലാന്റുചെയ്ത് ,മേഴ്സ്സി നദിയുടെ തീരത്ത്
മുറിയെടുത്ത് വിശ്രമത്തിന് ശേഷം ക്ലബ്ബുകളുടെയും, പബ്ബുകളുടേയും , ചൂതാട്ടങ്ങളുടേയും നഗരം കാണാൻ ഞങ്ങളിറങ്ങി...!

നമ്മുടെ ഹർത്താലിനെ അനുസ്മരിപ്പിക്കുന്ന
വിധം ഒട്ടുമിക്ക സ്ഥാപനങ്ങളുമിതാ അടഞ്ഞുകിടക്കുന്നൂ....!

പിന്നീടാണ് അറിഞ്ഞത് ബിലാത്തിയിലെ ഈ ബല്ലാത്ത
പട്ടണം ശരിക്ക് ഉണരുക ഈവനിങ്ങോടുകൂടിയാണെത്രെ......!

പിന്നെ ആട്ടവും,പാട്ടും, കൂത്തുമൊക്കെയായി സകലരും
കൂടി രാത്രികളെ പകലുകളാക്കി മാറ്റുമെത്രെ !

 ലോകത്തിലെ പേരുകേട്ട ലിവർപൂൾ യൂണിവേഴ്സിറ്റിയുടേയും,
ജോണ്മൂർ യൂണിവേഴ്സിറ്റിയുടേയും ക്യാമ്പസുകളാകെ  ഈ നഗരവും ,
പ്രാന്തപ്രദേശങ്ങളും വ്യാപിച്ചുകിടക്കുകയാണ് കേട്ടൊ ....

അതുകൊണ്ട് പഠിക്കാനും ,പഠിപ്പിക്കാനും ,മറ്റൊത്തുചേരലുകൾക്കും
എത്തിച്ചേർന്നുകൊണ്ടിരിക്കുന്ന ലോകത്തിന്റെ എല്ലാഭാഗത്തുനിന്നുമുള്ള
ജനവിഭാഗങ്ങളേയും ഇവിടെ എന്നും കാണാം .

അവിടെ വെച്ച് ബ്ലോഗ്ഗർ ശ്രീരാഗിനെ വിളിച്ചപ്പോൾ പറഞ്ഞു...
അന്നവരുടെ ഗ്രാജുവ്യേഷൻ ഡേയ് ആണെത്രെ.....

ബൂലോഗം മുഴുവൻ അരിച്ചുപെറുക്കുന്ന നാലഞ്ച് മല്ലൂസ് കൂടി അന്നവിടെ
എം.ബി.എ പട്ടം വാങ്ങുന്നത് കാണുവാനും, അവരുടെ തലതിന്നുവാനും വേണ്ടി,
ഈ  മദാമമാരോട് സുല്ലുപറഞ്ഞ് ഞാനങ്ങോട്ടു വിട്ടു.......

സ്ഥിരം തോറ്റുതൊപ്പിയിടുന്നവൻ ....
ജയിച്ചിട്ട്  തൊപ്പിയിടുന്നവരെ കാണുവാൻ....

 രൻജിത്തും,മുരളിയും,ഞാനും,ശ്രീരാഗും,മോൻസിയും
 കണ്ടാലും,കണ്ടാലും മതിവരാത്ത പുരാതനമായ സർവ്വകലാശാലയുടെ
അകത്തളങ്ങളും ,പുറം കാഴ്ച്ചകളും കണ്ട് , യുവമിഥുനങ്ങൾ ആടിതിമർക്കുന്ന
സാൽസ നൃത്ത ചുവടുകൾക്കൊപ്പം ആടിതിമർത്ത്, ടൈറ്റാനിക് പടച്ചുവിട്ട കപ്പൽശാലകണ്ട്....

 നാവിക കാഴ്ച്ചബംഗ്ലാവ്
ആൽബർട്ട് ഡോക്ക്,ലിവർ പൂൾ
പണ്ടുമുതൽ ഇന്നുവരെയുള്ള കപ്പൽ/നാവിക ഉപകരണങ്ങൾ
പ്രദർശിപ്പിച്ച് വെച്ചിട്ടുള്ള പ്രദർശന ശാലകണ്ട് .....
ആജാനുബാഹുക്കളായ ലിവർപൂളുകാരുടെ പൂർവ്വികർ, പണ്ട്
കടൽക്കൊള്ളക്കുപയോഗിച്ചിരുന്ന , ഇപ്പോഴും കേടുവരാതെ പ്രദർശിപ്പിച്ചു
വെച്ചിരിക്കുന്ന പായ്ക്കപ്പലുകൾ കണ്ട് അന്നത്തെ ക്ലബ്ബ് ഡിന്നറും, ബെല്ലി ഡാ‍ൻസ്
കാണലും കഴിഞ്ഞ് റൂമിലെത്തിയപ്പോൾ പാതിരാവായി.....

അപ്പോഴതാ ആ മിഡ്നൈറ്റിൽ , മദാമമാർ രണ്ടും കൂടി
എന്നെകുത്തിപൊക്കി ലാപ് പോൾ ഡാൻസ് കാണുവാൻ
ആനയിച്ചു കൊണ്ടുപോകുന്നൂ.... !
എന്റമ്മോ .... !
നൃത്തപ്പുരയുടെ മുന്നിൽ ഏഴരടിയോളം ഉയരവും
അതിനൊത്ത കട്ടബോഡിയുമായി ...
ബൌൺസേഴ്സ്..!
എയർപോർട്ടിൽ പോലുമുണ്ടാകില്ല ഇതുപോലെ ചെക്കിങ്ങ്...!

മൊബൈലടക്കം സകല കുണ്ടാമണ്ടിയും അവരവിടെ വാങ്ങിവെച്ചു....

പണ്ടാറം ഞാനാദ്യായി കാണാണ് ഇത്തരം കോപ്രാട്ടി ഡാൻസുകൾ... !

പലതരം പോസുകളിൽ തനിയാഭാസം നിറഞ്ഞ
ഒരു നാട്യം തന്നെയാണിത്‌ , പലപേരുകളിലും , പലക്ലബ്ബുകളിലും
നടനമാടി കൊണ്ടിരിക്കുന്ന  ഈ സൂപ്പര്‍ ഡാന്‍സ് ഷോ കേട്ടോ ...

ക്യാബെറാ ഡാൻസിന്റെയൊക്കെ ഒരു
വല്ല്യേച്ചി എന്നുവേണമെങ്കിൽ പറയാം...!

കണ്ണഞ്ചിപ്പിക്കുന്ന വർണ്ണപ്രകാശങ്ങളും ,കാതടപ്പിക്കുന്ന
സംഗീതവുമൊക്കെയായി , തുണിയുരിഞ്ഞ് ,തൂണിൽ കയറിയും ,
ചുറ്റിയും വിവിധതരം രാജ്യക്കാരായ തരുണികൾ മുൻഭാഗവും,പിൻഭാഗവും താളത്തിനും,മേളത്തിനുമൊപ്പം ചലിപ്പിക്കുന്ന കുറെ സംഗതികളാണ് കേട്ടൊ ഇത്..!

പാർട്ട് ടൈം ജോലിയായി ഈ സുന്ദര നൃത്തം  ചവിട്ടുന്നത്
ഭൂരിഭാഗവും കോളേജ് കുമാരികളാണെത്രെ !
 ലാപ് പോൾ ഡാൻസെസ്
 
ഒരു മണിക്കൂറിൽ തുടക്കക്കാരായ നാട്യമണികൾക്ക്
തന്നെ അമ്പതിലേറെ പൌണ്ടാണ് കൂലി  !

ഒരു കാണിപോലും ശരീരത്തിൽ തൊടുകയൊ ,
ഫോട്ടൊയെടുക്കുകയൊ ചെയ്യില്ല  ....
പിന്നെന്തിനു പേടിക്കണം അല്ലേ ?

 വിമെൻ & വൈനിന്റെ  വീര്യം  തലയ്ക്കടിച്ച് ,നിലാവത്തഴിച്ചുവിട്ട
കോഴികളെപ്പോലെ മത്ത്പിടിച്ച് പുലർകാലെ റൂമിൽ വന്ന് കയറിയതെ...
ഓർമ്മയുണ്ടായിരുന്നുള്ളൂ.

പിറ്റേന്ന് ഉച്ചക്കുശേഷം ഉണർന്നെഴുന്നേറ്റ് നഗര പ്രദക്ഷിണം
നടത്തിയപ്പോൾ കണ്ടകാഴ്ച്ചകൾ ശരിക്കും വിസ്മയകരം തന്നെയായിരുന്നു കേട്ടൊ.

ലോകമഹായുദ്ധത്തിൽ ബോമ്പുവീണ് പാർഷ്യലായി നശിച്ച
ആ ബോമ്പാർഡ് പള്ളിവരെ അതുപോലെ നിലനിർത്തി വെച്ചിട്ടുണ്ടവരിപ്പൊളും .....!

ദേ നോക്കു.... ഈ മറ്റൊരു ബിലാത്തി പട്ടണത്തിലെ
കലക്കൻ ഫോട്ടോകൾ ( ലിവർപൂൾ വൺ ) .

പിന്നീട് അന്ന് രാത്രി വളരെ വിചിത്രമായ
ഒരു പരിപാടിക്കാണ് സാക്ഷ്യം വഹിച്ചത് ...

ആ രാവിന്റെ നിശബ്ദതയിൽ കണ്ടതെന്താണെന്നോ ?
കാമകേളികളുടെ ഒരു ലൈവ് ഷോ  !

നമ്മളോടൊപ്പം വന്നിരുന്ന് വർത്തമാനം പറഞ്ഞ്
സ്വീകരിച്ചാനയ്ച്ചിരുത്തി നമ്മുക്ക് കാണുവാൻ വേണ്ടി
പെർഫോമൻസ് ചെയ്യുന്ന സഹജീവികൾ .........!


സ്ഥിരം അഞ്ചുപത്ത് പേർക്ക് കാണുവാനും,ആസ്വദിക്കുവാനും
സ്വന്തം ശരീരഭാഗങ്ങൾ ഉപയോഗിച്ചു ചെയ്യുന്ന ചില വേലകൾ
എന്നാണ് ഈ പണി നടത്തുന്ന ഒരുത്തി എന്നോട് പറഞ്ഞത് .....!

പിന്നീടവൾ അവളുടെ പല്ലിവാൽ മുറിച്ചിട്ടു കേട്ടൊ...
അവൾ സാക്ഷാൽ  ഒരു മല്ലുപുത്രി തന്നെയായിരിന്നു .......!

ഇവളെ നമുക്ക് ലില്ലി എന്നുവിളിക്കാം.നാലരകൊല്ലം മുമ്പ്
അഞ്ചുലക്ഷം രൂപമുടക്കി... അഞ്ചും,മൂന്നും വയസ്സുണ്ടായിരുന്ന
കുഞ്ഞുങ്ങളെ നാട്ടിലാക്കി, ഗൾഫ് ജോലി വേണ്ടന്ന് വെച്ച് യു.കെ
പ്രേമം തലയിലേറ്റിയ ഭർത്താവിനൊപ്പം ഇവിടെ എത്തിചേർന്നതാണ്....

വിസിറ്റിങ്ങ് വിസ തീർന്നിട്ടും ...തട്ടിമുട്ടി രണ്ടുപേരും അല്ലറ ചില്ലറ
പണികളൊപ്പിച്ച് ഒന്നിച്ചുകഴിയുന്നതിനിടയിൽ, രണ്ട് കൊല്ലം മുമ്പ്
ഭർത്താവിനെ പണിചെയ്തിരുന്ന ഹോട്ടലിൽ നിന്നും വിസാ ചെക്കിങ്ങിൽ
പിടിച്ചപ്പോൾ, പെർമിറ്റില്ലാത്ത കാരണം നാട്ടിലേക്ക്  കയറ്റി വിട്ടു.. !

ക്രമേണ നാട്ടിൽ കരാറെഴുതിയ സ്ഥലത്തിന്റെയും,
പിന്നീടു പണിത വീടിന്റേയും ,....അങ്ങിനെ നിരവധി
ബാധ്യതകൾ അവളെപിടികൂടിയപ്പോൾ, ജോലി ഈ സെക്സ്
മാഫിയക്കൊപ്പമാക്കി....
ഭർത്താവിപ്പോൾ നാട്ടിലെ ഒരു  പലിശക്കാരൻ....,
മക്കൾ നല്ല ബോർഡിങ്ങ് സ്കൂളുകളിൽ....
ഭർത്താവിനും  ഹാപ്പി.....
വീട്ടുകാർക്കും ഹാപ്പി....
ഒപ്പം ഇവൾക്കും സന്തോഷം...!
ഇവളുടെ പണികാണുന്നവർക്കൊ.....അതിലും  സന്തോഷം ! !

രാത്രിയിലെ ലിവർപൂൾ സുന്ദരി
 ചൈനീസ്,ഇന്ത്യൻ,പാക്കി,ബ്രിട്ടീഷ്,കരീബിയൻ,...
എന്നിങ്ങനെ ഇനം തിരിച്ച വകപ്പുകളാണവിടെ.....
ഒരാണും,രണ്ടുപെണ്ണും /ഒരു പെണ്ണും, രണ്ടാണും/,...
അങ്ങിനെ നിരവധി വെറൈറ്റികളും ഉണ്ട് കേട്ടൊ. ...

ലൈവ്വായി ലൈഫിൽ ആദ്യമായി കണ്ട ഇത്തരം കൃത്യിമമായി ...
ശൃംഗാരം  വരുത്തിയും, സ്പ്രേയും, ഡിൽഡൊകളും, മറ്റും ഉപയോഗിച്ചും
നടത്തിയിരുന്ന അരോചകമായ കാഴ്ച്ചകൾ ...
ശരീരത്തിനും, മനസ്സിനും വികാരത്തിന്റെ ...
തീ കൊളുത്തുക തന്നെയായിരുന്നു ....!


  
ശേഷം , അന്ന് രാത്രി മേഴ്സി നദിയുടെ തീരത്തുള്ള
ആ ഹോട്ടൽ മുറിയിൽ വെച്ച് എന്നോട് ഒട്ടും മേഴ്സ്സിയില്ലാതെ,
പെരുമാറിയ  ഈ ഗെഡിച്ചികളെ പേടിച്ച് .....
പിറ്റേന്ന് , ഞാൻ തൽക്കാ‍ലം ടൂറ് റദ്ദ്ചെയ്ത്
ലണ്ടനിൽ തിരിച്ചെത്തി... കേട്ടൊ.....

ഒരു കാര്യം മനസ്സിലായി....
                                                          
ഇവർ ഫുൾടൈം ലെസ്ബികളല്ല എന്ന് !

ഇനി മൂന്നുദിവസം കഴിഞ്ഞാൽ ഇവരോടൊപ്പം ,
കുടുംബത്തെയും കൂട്ടി ഫ്രാൻസിൽ പോണല്ലൊ...

കാക്ക കണ്ടറിയും ..മണ്ടൻ കൊണ്ടറിയും  അല്ലേ  !





 ലേൽ :-
യാത്രാനുങ്ങ .

ഒരു മുൻ കുറിപ്പ്  :-
മൊഞ്ചുള്ളയൊരു ഫ്രഞ്ചുയാത്രയെ പറ്റി  നല്ല മൂഡുണ്ടെങ്കിൽ ഞാനെഴുതും  കേട്ടൊ...
ജാഗ്രതെയ്.....
മറൈൻ വിത് മെറീന - ഒരു ഫ്രഞ്ചുയാനത്തിൽ

A Mandan v/s Family  in  Disneyland , France
 

Saturday 3 July 2010

ജയ രാജ രജത വസന്തം ! / Jaya Raja Rajatha Vasantham !

 പണ്ട് പതിനെട്ട് വയസ്സിന്റെ കാലഘട്ടങ്ങളിൽ ഉണ്ടായ
ഒരു പ്രണയ നൈരാശ്യം എന്നെ , പട്ട / കഞ്ചാവ്  എന്നിവയുടെ
ലഹരികളിലേക്ക്  തള്ളിയിട്ടപ്പോൾ ,ഞാൻ അതിലൊക്കെ നീന്തിത്തുടിച്ച അവസരം ...

ആ ലഹരികളിൽ മുങ്ങിതപ്പി, നീന്തി കയറാനാവാതെ , ആ കയങ്ങളിൽ അടിമപ്പെട്ടു കഴിയുമ്പോഴാണ് , ഏതാണ്ട് ഏഴുമാസത്തിനു ശേഷം  മഹർഷി മഹേഷ് യോഗിയുടെ
അതീന്ദ്രിയ ധ്യാനം (T.M ) എന്ന വിദ്യയിലൂടെ , മഹർഷിയുടെ  അഭിവന്ദ്യ ശിഷ്യൻ നാട്ടുകാരനായ , ഞങ്ങൾ ഗുരുജി എന്നുവിളിക്കുന്ന വിപിൻജി എന്ന എന്റെ ആത്മീയഗുരു ...
എന്നെ ഈ ലഹരികളിൽ നിന്നും മോചിതനാക്കിയത് !
അതോടെ എന്റെ ധൂമ പാനം മാത്രം  നിന്നു..
ഇപ്പോൾ വല്ലപ്പോഴും മാജിക് അവതരണ സ്റ്റേജുകളിൽ മാത്രം പുകയൂതും...

 മാന്ത്രിക തില്ലാന....
അതിനുശേഷം  വിപ്ലവം , സാഹിത്യം, പ്രണയം, തെരുവ് നാടകം ,
സിനിമ, ക്രിക്കറ്റ്  ,..,..., അങ്ങിനെ ഇമ്മിണിയിമ്മിണി ലഹരികൾ മാറിമാറി
ജീവിതത്തിൽ കയറിയിറങ്ങി പോയെങ്കിലും എല്ലാത്തിനും ഒരു നിയന്ത്രണ രേഖ ,
സ്വയം ; വരയ്ക്കുവാൻ കഴിഞ്ഞിരുന്നൂ...
പക്ഷേ നാൽ‌പ്പതുവയസ്സിന് ശേഷം ഈ കമ്പ്യൂട്ടറിലെ ബാലപാഠങ്ങള്‍ മനസ്സിലാക്കി ,
ഇപ്പോൾ ബൂലോഗത്തേക്ക് കൂടി , കടന്നുവന്നപ്പോൾ  ; അതൊരു ബല്ലാത്ത ലഹരിയായി !

മറ്റുള്ള ലഹരികളെല്ലാം എങ്ങോട്ട് പോയി
ഒളിച്ചുവെന്ന്  എനിക്കുപോലും പറയാൻ സാധിക്കുന്നില്ല !

ബൂലോഗം മറ്റൊരു മറ്റൊരു കുടുംബമായി മാറുകയായിരുന്നു... ബ്ലോഗ്ഗ് മീറ്റുകളും, കൂട്ടായ്മകളുമൊക്കെ തീർത്തും ഒരു ബന്ധുജന-സൌഹൃദ -സ്നേഹ കൂടിക്കാഴ്ച്ചകളായി തീരുകയായിരുന്നൂ.
ഇതാ അടുത്തമാസത്തെ, നമ്മെളെല്ലാവരും പരമാവധി ഒത്തുകൂടാൻ
പോകുന്ന തൊടുപുഴ   മീറ്റിന്റെ കോപ്പുകൂട്ടലുകൾക്ക് കൂടി ഇപ്പോൾ അരങ്ങൊരിങ്ങി കഴിഞ്ഞു...
 ഇതുവരെ കാണാത്ത, കേൾക്കാത്ത  ജ്യോനവൻ എന്ന ബൂലോഗമിത്രം, കഴിഞ്ഞകൊല്ലം
നമ്മെ വേർപ്പെട്ടുപോയപ്പോൾ , നമ്മൾക്ക് ഒരു സഹോദരന്റെ വിയോഗമായാണത് അനുഭവപ്പെട്ടത്...
 പേരുപോലും അറിയാതിരുന്നിരുന്ന , നമ്മുടെയെല്ലാം സ്നേഹം നിറഞ്ഞ
എഴുത്തുകാരിയുടെ വേണ്ടപ്പെട്ടവൻ ഈയ്യിടെ ദാരുണമായ ഒരു വാഹനാപകടത്താൽ,
അവരുടെ കുടുംബത്തെ ഒറ്റയ്ക്കാക്കി വേർപ്പെട്ടുപോയപ്പോൾ, അത് നമ്മുടെ കൂടി ദു:ഖമായി മാറുകയും ചെയ്തു...

അതെ ; സമയവും, പണവും നഷ്ട്ടപ്പെട്ടാണെങ്കിലും, ഇത്തരം അടുപ്പങ്ങളും , ബന്ധങ്ങളുമൊക്കെതന്നെയാണ് ; ഈ ബൂലോഗ മായാവലയത്തിൽ നമ്മളെയെല്ലം
എപ്പോഴും ഒന്നിപ്പിച്ചു നിർത്തുന്ന ഘടകം അല്ലേ....
 ഈ കൂട്ടായ്മകളും സൌഹൃദങ്ങളും  എന്നും നിലനിൽക്കട്ടെ എന്ന്
നമ്മൾക്കോരോരുത്തർക്കും ആശിക്കുകയും ,പ്രാർഥിക്കുകയും ചെയ്യാം  ...

 ലണ്ടനിലെ ലോകകപ്പ് ആരവങ്ങൾ !
എന്തിനുപറയുന്നൂ ...
ഇവിടെ ലണ്ടൻ തെരുവുകളിൽ ഇപ്പോൾ  ലോകകപ്പ് ഫുഡ്ബോൾ ലഹരികളിൽ  നടമാ‍ടികൊണ്ടിരിക്കുന്ന തെക്കനമേരിക്കൻ നൃത്തച്ചുവടുകൾക്കൊത്തുള്ള ആരവങ്ങളും
ഒപ്പമുള്ള ഫുഡ്ബോൾ ശവഘോഷയാത്രകളും , ആഫ്രിക്കൻ കളിയാരാധകരുടെ താള മേളങ്ങളോടുള്ള വില്ലടിച്ചാൻ പാട്ടുകളും , ഇറ്റലി , ഇംഗ്ലണ്ട് ,ഫ്രാൻസ് തുടങ്ങിയവരുടെ ശോക ജാഥാ ഗാനാലാപനങ്ങളുമൊന്നും തന്നെ ഒരു ഹരമായി ,  മുൻ തവണകളിലെ പോലെ ഇപ്പോളൊരു ലഹരിയായി മാറുന്നില്ല
കാരണമെന്താണെന്നോ ഈ ബൂലോകം തന്നെ !

തൂറാത്തോൻ തൂ ...അത് വേണ്ട രണ്ടിന് പോകാത്തോൻ രണ്ടിന് പോയപ്പോൾ
രണ്ടോണ്ട് ആറാട്ട്   എന്നുപറഞ്ഞപോലെയായി എന്റെ സ്ഥിതി വിശേഷം !

എന്ത് കണ്ടാലും , കേട്ടാലും അതിനെകുറിച്ചെഴുതാൻ ഒരു  ‘ട്ടെമ്പ്റ്റേഷൻ‘ ..!
എഴുതാനിരുന്നാൽ ജഗ പൊകടിച്ച് ഓരൊ കാര്യങ്ങൾ ഇങ്ങനെ വന്നുകൊണ്ടിരിക്കും....
എന്റെ കുഴിമടിക്ക് നന്ദി പറയുക.. അല്ലെങ്കിൽ ബൂലോഗമാകെ അലങ്കോലമാക്കി , എല്ലാവർക്കും ഒരു ശല്ല്യമായി , തേരാപാരെ നടന്നേനെ ഞാൻ...

അല്ലാ.. ഇതുവരെ... ഞാൻ വന്ന കാര്യം പറഞ്ഞില്ലല്ലോ ?

നിങ്ങൾ പരസ്യങ്ങളിലൂടെയെല്ലാം  കാണുകയും, കേൾക്കുകയും
ചെയ്തുകൊണ്ടിരിക്കുന്ന വളരെ ഹിറ്റായ , തനി തൃശ്ശൂര്‍  ഭാഷാശൈലിയിലുള്ള
പരസ്യവാചകങ്ങളും മറ്റും കണ്ടു/കേട്ടുകൊണ്ടിരിക്കുമ്പോൾ എപ്പോഴെങ്കിലും ചിന്തിച്ചിട്ടുണ്ടോ , ഇതെല്ലാം പടച്ചുവിടുന്ന  ആ ഗെഡികൾ ആരെല്ലാമാണെന്ന് ?

വേണ്ട ...മന്ത്രം പാട്ടായാൽ മണ്ണാന്റെ പുറമ്പൂച്ച് പുറത്താവില്ലേ എന്നോർത്തും, പരസ്യ കച്ചോടത്തെ ബാധിക്കില്ലേ എന്നു ചിന്തിച്ചും ഭൂലോകത്തിന്റെ പലഭാഗത്തുമിരുന്ന് കഞ്ഞികുടിക്കുന്ന, ഈ വിരുതന്മാരെ കുറിച്ചൊന്നും ഞാൻ നേരിട്ടിപ്പോൾ പറയുന്നില്ല ..
.
 ജ്ജ്യാതി ഗ്യാങ്ങിലെ പതിനെട്ടിലെ ആ പഴയ പന്തിരുകുലം

പത്തിരുപത്തഞ്ചുകൊല്ലം മുമ്പ്  സാംസ്കാരിക തലസ്ഥാനമായ തൃശ്ശൂർ പട്ടണത്തിലെ കണിമംഗലത്ത് ഒട്ടും സാംസ്കാരിക സമ്പന്നരല്ലാത്ത ഒരുജ്ജ്യാതി ഗ്യാങ്ങുണ്ടായിരുന്നു !

കണിമംഗലത്തെ ആറാംതമ്പുരാന്റെ (മൂപ്പർ ഇപ്പോൾ കുടുംബസമേധം
ഇപ്പോൾ ആഫ്രിക്കയിലാണ്  ) തൊട്ടുപിൻ മുറക്കാർ എന്നുവേണമെങ്കിൽ പറയാം..

നാട്ടാർക്കും, വീട്ടാർക്കുമൊക്കെ മോഹവും, ശല്ല്യവുമൊക്കെയായി അലമ്പിനലമ്പ്,
അടിയ്ക്കടി, പാരയ്ക്ക്പാര എന്നീസകല കുണ്ടാമണ്ടികൾക്കൊപ്പം പഠിപ്പിലും, പ്രണയത്തിലും, പദവിയിലുമൊക്കെ കുപ്രസിദ്ധരായി അവർ അവിടെ അടക്കി വാഴുകയായിരുന്നൂ...
ഇവരൊന്നുമില്ലാതെ നാട്ടിൽ വായനശാലകളില്ല, ഫീനിക്സ് ട്യൂട്ടോറിയലില്ല, സാഹിതിസഖ്യങ്ങളില്ല, ബോധി ക്ലബ്ബില്ല, റൂട്ട് നാടക വേദിയില്ല, ശാസ്ത്ര
സാഹിത്യ പരിഷത്ത് ശാഖയില്ല, വേലകളില്ല, ഉത്സവങ്ങളില്ല ,  പെരുനാളുകളില്ല , പൂരങ്ങളില്ല, സിനിമാ ടാക്കീസുകളില്ല, കണിമംഗലത്തെ നാടൻ പാട്ടുകളുടെ നാട്ടു കൂട്ടമില്ല ,...,..,

ഹൌ.... അതെല്ലാം അന്തകാലം !

അന്നത്തെ ആ അക്ഷൌഹണിപ്പട പൊട്ടി ചിതറി ഇപ്പോൾ ഭാരതത്തിന്റെ
നാനാ ഭാഗത്തും, അമേരിക്കയിലും, ചൈനയിലും, ഇംഗ്ലണ്ടിലും, ഗൾഫിലുമൊക്കെയാ‍യി സകുടുംബം വാഴുകയാണിപ്പോൾ ..
ആയതിലൊരുത്തൻ ഒരു പരിപാടിയുടെ ഭാഗമായി
ബ്രിട്ടനിലെത്തിയപ്പോൾ , ഞാനവനെ സ്വീകരിച്ചാനയിച്ച് ലണ്ടനിൽ കൊണ്ടുവന്നു...

ഈ  ഗെഡി ആരാണെന്നറിയണ്ടേ ...

നാടകമേ ഉലകം../ ഒരു പഴയ ഫയൽ ചിത്രം

മലയാളികളുടെ പൊങ്ങച്ചങ്ങളും,പോരായ്മകളും,പെരുമകളുമെല്ലാം ,
സ്വയം രൂപകൽ‌പ്പന ചെയ്ത് , കഴിഞ്ഞ ഇരുപത്തഞ്ച് വർഷമായി, ദിനം തോറും
അപ് ഡേറ്റ് ചെയ്ത് സ്വന്തം ശൈലീവിലാസങ്ങളിലൂടെ , ആക്ഷേപഹാസ്യത്തിലൂടെ
തന്റെ ക്യാരികേച്ചർ എന്ന പരിപാടിക്ക് , ഒരു എതിരാളിപോലുമില്ലാതെ അന്നും, ഇന്നും ,
എന്നും - ജയം (JAI ) മുഴക്കിയ , ഒരു രാജകുമാരനായി (RAJ ) ഒപ്പം തന്നെ നല്ലൊരു യോദ്ധാവായി  (WARRIOR ) വിലസിക്കൊണ്ടിരിക്കുകയാണ് ...
അതെ നമ്മുടെയെല്ലാം ജയരാജ വാര്യർ!( JAI RAJ WARRIER )

കാലങ്ങൾക്ക് ശേഷം ഒരു ഉറ്റവനായ ചങ്ങാതിയെ കണ്ടുമുട്ടി ;
രണ്ടുമൂന്നുദിനം നമ്മുടെയൊപ്പം ആ പഴയകാലാനുഭവങ്ങൾ പങ്കു
വെക്കുമ്പോഴുള്ള  ; ആ അനുഭൂതികളുണ്ടല്ലൊ , അത് തീർച്ചയായും
ഒട്ടും പറഞ്ഞറിയിക്കാൻ സാധിക്കാത്ത ഒരു അനുഭവം തന്നെയാണ് ...!

ഇവിടെയന്ന് ലണ്ടനിൽ എന്റെ വീട്ടിൽ വെച്ച് ,ഞങ്ങൾ രണ്ടുപേരും കൂടി പ്രണയിച്ച  ,
നാട്ടിലെ ആ സുന്ദരി , ഞങ്ങളുടെ അന്നത്തെ കൈയ്യിലിരിപ്പിന്റെ ഗുണം കൊണ്ട് വേറൊരുവന്റെ ഭാര്യയായി തീർന്ന കഥ ജയ് രാജ് പറഞ്ഞപ്പോൾ എന്റെ ഭാര്യക്ക് സന്തോഷവും, മകൾക്ക് സന്താപവും വന്നു കേട്ടൊ.
പക്ഷേ വേറെ ചില യുവ-കൌമാരാനുഭവങ്ങൾ ഞങ്ങൾ പങ്കുവെച്ചപ്പോൾ , എന്റെ പെണ്ണൊരുത്തിയുടെ മുഖം അസൂയകൊണ്ടും, കുശുമ്പുകൊണ്ടും കടന്നലുകുത്തിയ
പോലെ തുടുത്തുവരുന്നതും കണ്ടു !
വളരെ മുമ്പ് മരണം വരിച്ച എന്റെ അച്ഛനെകുറിച്ചും, മൂപ്പരുടെ മിത്രമായിരുന്ന , അടുത്ത കൊല്ലങ്ങൾക്ക് മുമ്പ് മരിച്ച കൃഷ്ണവാര്യ്ർ എന്ന സ്വന്തം പിതാവിനെകുറിച്ചും, അവരുടെ
പഴയ ലീലാ വിലാസങ്ങളെകുറിച്ചെല്ലാം ജയ് രാജ് അവരുടെയെല്ലാം രൂപഭാവങ്ങളിലൂടെ സ്മരിച്ചപ്പോൾ ചെറുപ്പകാലങ്ങളിലേക്ക്  വീണ്ടും എത്തിയപോലെ തോന്നിച്ചു.....

ഒരു ഒറ്റയാൾ പട്ടാളമായി  മലയാളിസമൂഹത്തെ ഇരുത്തി ചിരിപ്പിക്കുകയും, ഒപ്പം ചിന്തിപ്പിക്കുയും ചെയ്യുന്ന ഈ ക്യാരികേച്ചർ പരിപാടിക്ക് തുടക്കം കുറിച്ചിട്ടിപ്പോൾ ഇരുപത്തഞ്ചുവർഷമായി !

  സന്തോഷ് ബാബു ദൽഹിയിലെ വീട്ടിൽ..
 തുടക്കകാലങ്ങളിൽ  ഞങ്ങൾ മൂന്ന് നാട്ടുകാരായ മിത്രങ്ങൾ ചേർന്ന് ...
സന്തോഷ് ബാബു ഹിപ്നോരമയും, ഞാൻ മാജിക്കും ,ജയ് രാജ് ക്യാരികേച്ചറുമായി
സ്റ്റേജ് പ്രോഗ്രാമുകൾ നടത്തിയ കാര്യങ്ങൾ ഇപ്പോൾ സ്മരണയിലേക്ക് ഓടിയെത്തുകയാണ്..

അതിൽ സന്തോഷ് ബാബുഇപ്പോൾ  ഒരു ഇന്റെർനാഷ്ണൽ പേഴ്സനാലിറ്റി
ട്രെയിനറായി , ദൽഹിയിൽ സ്വന്തം ഇൻസ്റ്റിട്ടൂട്ടുമായി ( O.D.Alternatives ) ലോക
സഞ്ചാരിയായി  കുടുംബമൊത്ത് വാസം തുടരുന്നു...

ഞാനാണെങ്കിലോ ലണ്ടനിൽ ഒരു മണ്ടനായിട്ട് ഈ ബിലാത്തി പട്ടണത്തിലും ..

ജയ് രാജ് ഇപ്പോഴും ഒരു എതിരാളി പോലുമില്ലാതെ തന്റെ ഷോമാൻഷിപ്പുമായി
ജൈത്രയാത്ര തുടരുകയും ചെയ്യുന്നൂ.... ജയരാജിന്റെ  I..I..T പാസായ , എഞ്ചിനീയറായ
ചേട്ടൻ മുരളി വാര്യർ ഡോക്ട്ടറേറ്റെടുത്തത്ത ശേഷം ഇപ്പോൾ ഫേമിലിയായി ഹൈദരാബാദിലായ കാരണം , അമ്മ വിലാസിനി വാര്യസാർ , ജയ് രാജിന്റെ കൂടെതന്നെയാണിപ്പോൾ താമസം. അനുജത്തിയും കുടുംബവും അടുത്തുതന്നെ താമസിക്കുന്നു.
ജയ് രാജിന്റെ ഒരേയൊരുമകൾ ഇന്ദുലേഖ ഇപ്പോൾ എഞ്ചിനീയറിങ്ങ്
കോളേജിൽ ചേരാൻ കാത്തിരിക്കുന്നു , ഒപ്പം ഈ കുട്ടി എല്ലാ സംഗീതത്തിലും
കേമിയാണ്  . അടുത്തകാലത്ത് പുറത്തിറങ്ങിയ 'ലൌഡ് സ്പീക്കർ' എന്ന സിനിമയിൽ അല്ലിയാമ്പൽ...കടവിലന്നരയ്ക്കു..വെള്ളം  എന്ന ഗാന രംഗത്തിൽ അഭിനയിച്ച നായികയും
ഈ ഇന്ദുലേഖ തന്നെയാണ് .
സുന്ദരിയായ ഒരു കുടുംബിനിയായും, ജയ് രാജിന്റെ  പ്രോഗ്രാം സെക്രട്ടറിയായും
ഭാര്യ ഉഷ എന്നും തിരക്കിലാണ് ഇപ്പോൾ. അടുത്ത കാലത്ത് നാട്ടിൽ റീജണൾ
തീയ്യറ്ററിൽ വെച്ച് ആയിരത്തിനുമേൽ ആളുകൾ പങ്കെടുത്ത പരിപാ‍ടിയായിരുന്നു
രജത വസന്തം !
ഇരുപത്തഞ്ചുകൊല്ലം തുടർച്ചയായി മലയാളികളെ  ; തന്റെ സ്വതസിദ്ധമായ
കലാഭിനയ പാടവത്തിലൂടെ , പാടിയും ആടിയും രസിപ്പിച്ചും, ബോധവൽക്കരണം
നടത്തിയും ; ആക്ഷേപഹാസ്യത്തിലൂടെ, വെറുമൊരു ഒറ്റയാൾ പട്ടാളമായി വേദികളിൽ
കൂടിയും, ദൃശ്യ  മാധ്യമങ്ങളിൽ കൂടിയും ജനങ്ങളുടെ ഇടയിലേക്ക് ഇറങ്ങിവന്ന ഒരേയൊരു കലാ കാരനാണ് എന്റ് ഈ സോൾ ഗെഡി ജയ് രാജ് വാര്യയർ !

സാംസ്കാരിക നായകന്മാരായ  അഴിക്കോടുമാഷും , എം. ടി .സാറും,
നെടുമുടി വേണുവാശാനും, പാട്ടുകാരൻ ജയചന്ദ്രേട്ടനുമൊക്കെ ചേർന്ന് 
വേദിയലങ്കരിച്ച് , ജയരാജ് വാര്യയരെ , ഈ  ക്യാരികേച്ചർ അവതരണങ്ങൾ,
രജത ജൂബിലിയിലെത്തിയതിന് , അനുമോദനങ്ങൾ അർപ്പിച്ച പരിപാടിയായിരുന്നു
ഈ രജത വസന്തം !
ഈ വേറിട്ട കലാകാരനെ കഴിഞ്ഞ ജൂൺ 27 -ന് , രജത ജൂബിലി പിന്നിട്ടതിന് യു.കെ മലയാളികളുടെ പേരിലും, ബൂലോഗത്തിന്റെ പേരിലും സ്വീകരണം കൊടുക്കുകയും , ആദരിക്കുകയും ചെയ്തു !

 ജയ് രാജും കുറച്ചു ബിലാത്തി ബൂലോഗരും

അതിനുശേഷം രണ്ടുമണിക്കൂർ നീണ്ടുനിൽക്കുന്ന ജയ് രാജ് വാര്യയറുടെ ക്യാരികേച്ചർ പരിപാടിയാൽ , ബോളിയൻ സിനിമയിലെ ഓഡിറ്റോറിയവും , കാണികളും തീർത്തും പ്രകമ്പനം കൊള്ളുകയായിരുന്നു....
മലയാളത്തിൽ ബ്ലൊഗ്ഗ് എഴുതുന്നവരുടെ പേരിൽ ബൂലോഗരുടെ
പ്രതിനിധിയായി , അഡ്വ: സമദ്  ആണ്, ജയ് രാജിന് മൊമൊന്റൊ നൽകി ആദരിച്ചത്  .

 മന്നനും,മണ്ടനും
ശേഷം രണ്ടുദിനം  ഞാനും, ജയ് രാജും കൂടി 
ലണ്ടൻ സമ്മർക്കാഴ്ച്ചകളിലേക്ക് ഊളിയിട്ടുപോയി ...
അതോടൊപ്പം ഞങ്ങൾ രണ്ടുപേരും കൂടി , പണ്ടത്തെ കുറെ 
സ്മരണകൾ പുതുക്കി പണിയുകയും ചെയ്തു കേട്ടൊ ....കൂട്ടരെ ! ! !

Sunday 6 June 2010

സങ്കര ചരിതം ! / Sankara Charitham !



ലോകകപ്പു ഫുട്ബോൾ ഉത്സവങ്ങൾ !
ഇവിടെ ലണ്ടനിലുള്ള  ലോകകപ്പ്‌ ഫുട്ബോള്‍ ആഘോഷങ്ങളുടെ
വരവേല്‍പ്പ് കണ്ടാല്‍ ... ചത്തോടത്തല്ല നിലവിളി എന്നുപറഞ്ഞ പോലെ,
തെക്കനാഫ്രിക്കയിൽ നടക്കാൻ പോകുന്ന ലോക കാൽ‌പ്പന്തുകളി  ഇവിടെ ഈ
ബ്രിട്ടനിലാണ് അരങ്ങേറ്റം കുറിച്ച് ആഘോഷിക്കപ്പെടുന്നത് എന്ന് തോന്നിപ്പോകും !

ഫുട്ബോൾ ഭ്രാന്തമാരായ എല്ലാ രാജ്യങ്ങളിലെയും ജനങ്ങൾ ഇവിടെയുള്ളത് കൊണ്ട്
വണ്ടികളും, വീടുകളും കൊടിതോരണങ്ങളാൽ അലങ്കരിച്ച്, പബ്ബുകളിലെല്ലാം ബടാസ്ക്രീൻ
വെച്ച് മിനി തീയ്യറ്ററുകളാക്കി ,  സൂപ്പർ സ്റ്റോറുകളെല്ലാം , ആൽക്കഹോളുകളും മറ്റും  ആദായ
വില്പന നടത്തി എല്ലാവരേയും കുടിപ്പിച്ച് , കുളിപ്പിച്ചുള്ള ഒരു തരം പ്രത്യേക അടിപൊളി  ഉത്സവ മയംതന്നെയാണ് ഈ ബിലാത്തിപട്ടണത്തിൽ എവിടെ തിരിഞ്ഞു നോക്കിയാലും കാണൂന്നന്നത് ..!

 ഇവിടത്തെ വേനലിലെ അൾട്രാവയലറ്റ് രശ്മികളിൽ
കൂടി ഇറങ്ങിവരുന്ന കഠിനമായ സാന്ദ്രത കൂടിയ ചൂടുകാരണം ,
മിക്കവരും , ഞാനടക്കം വെള്ളം ബോട്ടിലിനേക്കാൾ ചീപ്പായി കിട്ടുന്ന
ഇത്തരം ഇഷ്ട്ട പാനീയങ്ങളായ , ബിയറുകളാണ് ചായ-കാപ്പിക്കുപകരം കുടിച്ചുകൊണ്ടിരിക്കുന്നതിപ്പോൾ !

അല്ലാ..ഇതൊക്കെ  പോട്ടെ ...
ഇനി കഥയിലേക്ക് പോകാം അല്ലേ

ഈ സങ്കരനുണ്ടല്ലോ ... പണ്ടത്തെ ശങ്കരനെ പോലെയല്ല..കേട്ടൊ .

ഇത് - സങ്കരമാകുമ്പോൾ ഗുണവും ,മേന്മയും പഴയതിനെ  അപേക്ഷിച്ച് 
ഇരട്ടിയിലധികം കാഴ്ച്ചവെക്കുവാൻ സാധിക്കുന്ന  ഒരു പുത്തൻ എടവാടാണ് ..  !

ഈ കാലഘട്ടത്തിൽ ഇപ്പോൾ സങ്കരയിനം വർഗ്ഗങ്ങൾക്കാണല്ലോ ഡിമാന്റ് ! 

പശുവിനെ സങ്കരയിനമാക്കിയാൽ പാലും, ഈടും ഇരട്ടി ...
പന്നിയെ സങ്കരയിനമാക്കുമ്പോൾ പത്തിരട്ടി മാംസവും , സമയ ലാഭവും
എന്തിനുപറയുന്നൂ...
വെറും ഉണ്ട വഴുതിനിങ്ങയെപോലും  സങ്കരയിനമാക്കുമ്പോൾ ,  അവ  
നീളം വെച്ച് എല്ലാ ഉപയോഗങ്ങൾക്കും പ്രാപ്തമായി തീരുകയും ചെയ്യുന്നൂ...!

അയ്യോ..നമ്മുടെ കഥ തുടങ്ങിയില്ലല്ലോ..അല്ലേ.

ഈ സംഭവം ബൂലോഗത്തെ കഥയുടെ കെട്ടഴിക്കുന്നവർക്ക് 
കിട്ടിയാൽ ഒരു നീണ്ടകഥയോ , നോവലോ എഴുതാനുള്ള വകുപ്പുണ്ട്. 
പക്ഷേ ഞാനീ സംഗതികളൊക്കെ ജസ്റ്റ് പറഞ്ഞ് പോകുകയാണെന്നുമാത്രം....

അങ്ങിനെ  ഞങ്ങളും ആഘോഷങ്ങൾ തുടങ്ങി . 
ഇത്തവണത്തെ ജൂണാമോദങ്ങളിലെ  താരം ആദിത്യ ആയിരുന്നു . 
ആദിത്യയുടെ നാലാംജന്മദിനാഘോഷങ്ങൾ ഞങ്ങളൊന്നിച്ചാഘോഷിച്ച്
ഈ വീക്കെന്റ് വല്ലാതങ്ങ് ഉണ്മയാക്കിയെന്ന് ശൊല്ലാം...! 

ആരപ്പയാണീ ആദിത്യ  ? 

ഒരു ചിന്ന ഫ്ലാഷ് ബാക്ക്...

നാട്ടിലെ ഞങ്ങളുടെ സ്കൂളിലെ വിശാ‍ലാക്ഷി 
ടീച്ചറുടെ പേരക്കുട്ടിയാണ് ഈ ആദിത്യ കേട്ടൊ. ..
ടീച്ചറുടെ ആ എടുപ്പും, നടപ്പുമെല്ലാം കാരണം , വിസ്താരമ ടീച്ചർ 
എന്ന ചെല്ല പേരുകളിലാണ് ടീച്ചറേയും,  ഒപ്പം ഭർത്താവിനെ , ചൂരൽ 
മേനോൻ മാഷും എന്നാണ് , അന്നൊക്കെ സ്കൂളിൽ എന്നും അറിയപ്പെട്ടിരുന്നത്. 

സി.കെ .മേനോൻ മാഷ് , S.I ആവാൻ മോഹിച്ച് , ലീഡറുടെ അഭ്യന്തരം തെറിച്ചപ്പോൾ ,
മാളയിൽ നിന്നും കണിമംഗലത്തുവന്ന് , രണ്ടുലക്ഷം കൊടുത്ത് കണക്കുമാഷെ പണി വാങ്ങിച്ചതാണ് 
 ഇൻസ്പെക്ട്ടറേ മനസ്സിൽ വെച്ച് , 
കണക്ക് പഠിപ്പിച്ചാല്‍   വല്ലതും നേര്യാവോ ?

ഒരുമിച്ചുള്ള സ്പെഷ്യൽ ക്ലാസ്സ്,  ടൂറുകൊണ്ടുപോകൽ , സ്റ്റാഫ് റൂം 
കുറുകൽ മുതലായ കലാപരിപാടികളിലൂടെ , തലതെറിച്ച ശിഷ്യരായ 
ഞങ്ങൾക്ക് , മൂത്ത പ്രേമത്തിന്റെ ലീലാ വിലാസങ്ങൾ ... മാതൃകയാക്കി  
കാണിച്ച് തന്ന്, അങ്ങിനെ ലെപ്പടിച്ച് കല്ല്യാണിച്ച മാതൃകാ  അദ്ധ്യാപകർ കൂടിയായിരുന്നു ഇവർ.

അന്നൊക്കെ സ്കൂളിൽ , ഞങ്ങളുടെ  സോൾ ഗെഡി ജയരാജ് വാര്യർ,  ഐ.എം.വേലായുധ മാഷേയും, സീനിയർ അരവിന്ദ മാഷേയും, ഇവരേയുമൊക്കെ അനുകരിച്ച് ചാക്യാർകൂത്തിനും , ഓട്ടൻ തുള്ളലിനുമൊപ്പം , ക്യാരികേച്ചറുകൾ ഞങ്ങൾക്കൊക്കെ കാഴ്ച്ചവെച്ചുകൊണ്ടാണ് ആക്ഷേപ ഹാസ്യത്തിന്റെ മൂപ്പരുടെ നർമ്മ പരിപാടികൾക്ക് തുടക്കം കുറിച്ചിരുന്നത് ....


ചോത്തിടീച്ചറെ കെട്ടിയപ്പോൾ , ഓട്ടോമറ്റിക്കായി  മാഷുടെ വീട്ടിൽ ഒറ്റപ്പെട്ട 
മേനോൻ മാഷ് , പിന്നീട് ഞങ്ങളുടെ നാട്ടിൽ സ്ഥലം വാങ്ങി കുടുംബം സ്ഥാപിച്ച് , 
മക്കളായ ശ്രീദേവിയേയും , ദേവദാസിനേയും പ്രൊഡക്ഷൻ നടത്തി,  വിശാലാക്ഷി 
ടീച്ചറുടെ അണ്ടറിൽ സസുഖം വാണു...

ഇപ്പോൾ മേനോൻ മാഷ്  നാട്ടിലെ ഗുരുദേവചിട്ടിക്കമ്പനിയുടെ 
ചെയർമാനും,  ടീച്ചർ ആ വാർഡിലെ കൌൺസിലറുമാണ് കേട്ടൊ.

ഇവരുടെ മകൻ പഠിപ്പിലും ,  അല്പം ക്രിക്കറ്റിലും കമ്പമുണ്ടായിരുന്ന ദേവദാസ് , 
പി.സി.തോമാസ് മാഷിന്റവിടെ കോച്ചിങ്ങിനുപോലും പോകാതെ ,റാങ്കോടെ പാസായിട്ട് മെഡിസിന് ചേർന്ന് , M.B.B.S -നു ശേഷം , മെറിറ്റിൽ  M.D  എടുത്ത് വന്ന സമയത്താണ്, 
ആ കച്ചോടം നടന്നത്....!

രണ്ടരക്കിലോ സ്വർണ്ണവും, ക്വാളീസ് കാറും, ടൌണിലൊരു വീടും 
സ്ത്രീധനമായി കൊടുത്ത് അബ്കാരി കോണ്ട്രാക്ട്ടർ പപ്പേട്ടൻ , പൊന്നുപുത്രി 
സുപ്രിയക്കുവേണ്ടി ഈ ഡോക്ട്ടറുപയ്യനേ വാങ്ങുന്ന ചടങ്ങ്  അഥവാ കല്ല്യാണം !

ഒപ്പം ഇംഗ്ലണ്ടിൽ അയച്ച് M.R.C.P എടുപ്പിക്കാമെന്നുള്ള വാഗ്ദാനവും !

ഏതച്ഛൻ വന്നാലും അമ്മക്കെന്നെ ഗതികേട് എന്നപറഞ്ഞപോലെ,
ഇടവകക്കാരൊ , പരിചയക്കാരൊ ആരെങ്കിലും യു.കെ യിലേക്ക് ലാന്റുചെയ്യുമ്പോൾ,
ആദ്യത്തെ ലാന്റ് മൈൻ പൊട്ടുന്നത് എന്റെ കാലിനിടയിലാണ്......!

“ഇമ്മടെ മുരളില്ലവിടേ...
പിന്നെന്തുട്ടിന്യാ‍ാ..പേടിക്ക്ണേ “

പേടി എനിക്കെല്ലേ..!

എയർപോർട്ട് പിക്കപ്പ്, താൽക്കാലികതാമസം, ....,..,,..,, 
സമയവും,പണിയും, കളഞ്ഞ് എല്ലാം ചെയ്തുകൊടുത്തിട്ട് പോലും ,
പിന്നീട് പഴികേട്ട എത്രയെത്ര അനുഭവങ്ങൾ !

എല്ലാം ശരിയായി ഒരു നന്ദിവാക്കുപോലും പറയാതെ തിരിച്ചു പോയവർ എത്ര !

എല്ലാം നമ്മ  മലയാളീസ് അല്ലെ ....
ഞാനടക്കമുള്ളവർക്കുള്ള ഇത്തരം മലയാളി ശീല ഗുണങ്ങൾ 
എത്ര തേച്ചാലും, മാച്ചാലും, കുളിച്ചാലും പോകില്ലല്ലോ ..അല്ലേ    .ക്ഷമീര് ...

ടീച്ചറും, മാഷും വിളിച്ചുപറഞ്ഞതനുസരിച്ച് ഡോ:ദേവദാസിന് ,
ലണ്ടനിൽ താമസം ഞങ്ങളുടെകൂടെയും, പ്ലാബ് കോച്ചിങ്ങിന് സ്വാമിയുടെ
അവിടെയും,  ഒരു പാർട്ട്ടൈം ജോലി , അടുത്തുള്ള പബ്ബിലും ആക്കി കൊടുത്ത്...
ഒരുമാസം കഴിഞ്ഞപ്പോഴാണ് ..
ഉർവ്വശി-രംഭ-തിലോത്തമയെ പോലെ  പപ്പേട്ടന്റെ  മകൾ സുപ്രിയ , 
ഡോക്ട്ടറുടെ മധുവിധു വധു ഇവിടേ ലണ്ടനിലേക്ക്  എഴുന്നുള്ളിയത്.....!

 ഇവിടെ ഇതുപോലെ ഷെയറ് ചെയ്ത് താമസിക്കുന്നതും, പാർട്ട്ടൈം ജോലിക്കുപോയി പഠിക്കുന്നതുമൊന്നും  , ഒരു ചായ പോലും കൂട്ടികുടിക്കാനറിയാത്ത 
സുപ്രിയക്ക് പുച്ഛമായിരുന്നു....!
പോരാത്തതിന് അപ്പോഴിവിടെയുണ്ടായിരുന്ന മരംപോലും 
കോച്ചുന്ന തണുപ്പും സുപ്രിയക്ക് അൺ സഹിക്കബിൾ ആയിരുന്നു ...!

എന്റെ പെണ്ണിനാണെങ്കിൽ സുപ്രിയ, പലപ്പോഴും ഒരു 
ഭാവി  അമ്മായിയമ്മ പ്രാക്റ്റീസിന്, വേദിയൊരുക്കുകയും ചെയ്തു...

ഉണ്ടായിരുന്ന ബന്ധങ്ങൾ വഷളാവണ്ട എന്നുകരുതി  
ഉടൻ തന്നെ ആ , നവദമ്പതികൾക്ക് ഒരു സിംഗിൾ റൂം ഫ്ലാറ്റ് എടുത്തുകൊടുത്തു.

പക്ഷേ ഏച്ചുകെട്ടിയാൽ മുഴച്ചിരിക്കും 
എന്നപോലെ ആ ബന്ധം മുട്ട തട്ടെത്തിയില്ല !
 അഞ്ചുമാസത്തിനുള്ളിൽ സുപ്രിയ പുത്തൻ ഭർത്താവിനെ ഉപേഷിച്ചു...!

ദേവദാസിന് ആണത്വമില്ല എന്നുപറഞ്ഞ് !

ഒരുകൊല്ലത്തിനു ശേഷം പപ്പേട്ടൻ സുപ്രിയക്ക് 
ഭർത്താവായി വേറെ,   നല്ലൊരു കളിപ്പാട്ടം വാങ്ങി കൊടുത്തു .
കഴിഞ്ഞകൊല്ലം അവർക്കൊരു മോൾ ഉണ്ടായെന്നറിഞ്ഞു....

ഇതെല്ലാം എഴുതിയിട്ടതിന് ,  ഇനി ഞാൻ നാട്ടിൽ വരുമ്പോൾ, 
പപ്പേട്ടന്റെ കൊട്ട്വേഷൻ ടീം , എന്നെ എന്ത് ചെയ്യുമെന്ന് കണ്ടറിയണം ? !.

ദേവദാസ് ഇതിനിടയിൽ പ്ലാബ് എഴുതിയെടുത്ത് ,ആ കോച്ചിങ്ങ് 
സെന്ററിൽ  തന്നെ ട്രെയിനറായി ചേർന്ന് M.R.C.P പഠിക്കുകയും ചെയ്തു .
ഇതിനിടയിൽ ഒരു പാകിസ്ഥാനി ഒറിജിനായ സൈറ ഇക്ബാലുമായി ഇത്തിരി ഇഷ്ട്ടത്തിലാവുകയും ചെയ്തു.

സൈറയുടെ പിതാവിന്റെ കുടുംബം കഴിഞ്ഞ നൂറ്റാണ്ടിൽ;  എഴുപത് കാല ഘട്ടത്തിൽ അഭയാർഥികളായി ലണ്ടനിൽ എത്തി , ബുച്ചർ ഷോപ്പിലെ ജോലിക്കാരായി വളന്ന് , ഇപ്പോൾ മൂന്നാലു സ്വന്തം ഇറച്ചിവെട്ടുകടകളും, തുണിക്കടയും മറ്റുമായി കോടീശ്വരന്മാരാണിവിടെ....!

ഇവിടെ ജനിച്ചുവളർന്ന സൈറയെ, G.C.S.E കഴിഞ്ഞപ്പോൾ 
ലാഹോറിൽ വിട്ട് ബന്ധുക്കളുടെ ഒപ്പം നിറുത്തി  M.B.B.S എടുപ്പിച്ചു ...

 പിന്നീട് അവിടെ ഒരു M.P യുടെ മകന്  നിക്കാഹ് കഴിപ്പിച്ചതാണ് ... ഭർത്തുവീട്ടിലെ അതികഠിനമായ  മത ചിട്ടകൾ ഫോളോ ചെയ്യാൻ പറ്റാതെ 
വന്ന സൈറ, ആദ്യ വിരുത്തൂണിന് ലണ്ടനിൽ വന്നശേഷം തിരിച്ചു പോയില്ല ! 

മൊഴിചൊല്ലിയ ചെക്കന്റെ ബന്ധുക്കൾ പറഞ്ഞിരിക്കുന്നത് 
ഇനി ലാഹോറിലെങ്ങാനും , സൈറ കാല് കുത്തിയാൽ വെടിവെച്ച് 
കൊല്ലുമെന്നാണ് !    ...... കട്ടായം !

അങ്ങിനെയുള്ള സമയത്താണ് , സൈറ ദേവദാസിന്റെ കീഴിൽ 
പ്ലാബ് കോച്ചിങ്ങ് തുടങ്ങിയതും ,ഒരേ തൂവൽ പക്ഷികളായ ഇവർ അനുരാഗബദ്ധരായതും.....

ഇവിടെ പിന്നെ ജാതി, മതം, കൊതം, ദേശം, വർഗ്ഗമൊന്നുമില്ലാത്തതുകൊണ്ട് ,
ഒരു കൊല്ലത്തെ പ്രണയ വാസത്തിനുശേഷം , അവളുടെ വാപ്പ ഇക്ബാൽ സാബും, 
ഫേമിലിയും ഇവരുടെ കല്ല്യാണം ഗംഭീരമായി നടത്തുകയും ചെയ്തു...!

പിന്നീട് സൈറ ഞങ്ങളുടെ വീട്ടിൽ വരുമ്പോൾ ഉഗ്രൻ പാക്കി കറികൾ 
ഉണ്ടാക്കിതന്ന് , ടേയ്സ്റ്റ് കൊണ്ട് എല്ലാവരേയും അത്ഭുതപ്പെടുത്താറുണ്ട്, 
ഒപ്പം നല്ല മലയാളവും പറഞ്ഞും ..കേട്ടൊ ....

അതുപോലെ ഈദിനും, റംസാനുമെല്ലാം ഞങ്ങൾ 
ഇക്ബാൽ സാബിന്റെ ബംഗ്ലാവിലും ഒത്തുകൂടാറുണ്ട്.

ഈ സങ്കര ദമ്പതികളുടെ മകൻ ആദിത്യയുടെ ഡെലിവറിക്കുശേഷം, 
സൈറയെ നാട്ടിലേക്ക് വിളിച്ച് എല്ലാ പ്രസവ ശുശ്രൂഷയും നല്ലപോലെ 
നടത്തിയശേഷമാണ് ; മരുമോളെയും,പേര ക്ടാവിനെയും വിശാലാക്ഷി ടീച്ചർ തിരിച്ചയച്ചത്.

 നാട്ടുകാർ  ഈ വരത്തൻ മരുമോളെ കണ്ട് പറഞ്ഞിരുന്നത് ...

‘ചോനും, ജോനോത്തിയും ചേർന്നപ്പോൾ തേനും പാലും ഒഴുകി എന്നാണ് !‘

 മലയാ‍ളം ഭാഷശൈലികളും, നാട്ടിലെ പാചക രീതികളും അടിച്ചുമാറ്റിയാണ് , 
മലയാളത്തിന്റെ ഈ പുതിയ മരുമകൾ ഇവിടെ വീണ്ടും യൂ.കെയിൽ ലാന്റ് ചെയ്തത്.

ഇപ്പോൾ ഡോ: ദേവദാസ് ഹാംഷെയറിൽ , ഒരു 
കൺസൽട്ടിന്റെ  കീഴിൽ ഒരു വമ്പൻ ആസ്പത്രിയിൽ ജോലിചെയ്യുകയാണ്. 
ഡോ: സൈറ ആഴ്ച്ചയിൽ നാല്പതുമണിക്കൂർ ഒരു ജനറൽ പ്രാക്റ്റീസറുടെ കൂടെ 
മെഡിക്കൽ സെക്രട്ടറി (ഭാഗ്യം,ചികത്സിക്കണ്ട-ഓൺലി പേപ്പർ വർക്സ്) യായും 
ജോലി ചെയ്ത് , ന്യൂമിൽട്ടനിൽ വീട് വാങ്ങി താമസിക്കുകയാണ്.

മാഷും, ടീച്ചറും ഒന്നര മാസത്തേക്ക് മകന്റെയടുത്ത് ഇംഗ്ലണ്ടിൽ എത്തിയപ്പോൾ , 
പേരകുട്ടി ആദിത്യയുടെ ജന്മദിനം ലണ്ടനിൽ ഞങ്ങളോടൊപ്പം കൊണ്ടാടിയെന്നുമാത്രം...
 പിന്നെ നാലുദിവസം ഇവർ സകുടുബം സൈറയുടെ മാതാപിതാക്കളുടെ കൂടെയാണ് നിൽക്കാൻ പോകുന്നത്. 
ഞങ്ങൾ ഞെട്ടിപ്പോയത് സൈറയുടേയും , 
ആദിത്യയുടേയും മലയാളം അക്ഷര സ്പുടത കേട്ടിട്ടാണ് ....!
 ആദിത്യയുടെ വാചാലത കേട്ട് എന്റെ മോൾ , അവളുടെ അനിയനോട് പറയിണത് കേട്ടു

“കേട്ട ഡാ‍ാ ,ആദിത്യ മോൻ മലയാളം പറ്യിണ് ...
അവന്റെ പോയി ഊര കട്ച്ചോട്ടാ‍ാ..നീ “

നമ്മുടെ ചില T.V അവതാരകകളേയും ഇങ്ങോട്ട് 
കൊണ്ടുവന്ന് സൈറയുടേയും, ഊര ഒന്ന് കടിപ്പിക്കണം അല്ലേ...

അവരെല്ലാം; ഇവർ പറയുന്നതുകേട്ടാൽ നാണിച്ചുപോകും ... !

ആദിത്യ അതുപോലെ തന്നെ ഉറുദുവും, ഹിന്ദിയും,  ഇംഗ്ലീഷും ഈ നാലുവയസ്സിൽ 
പറയുകയും , അത്യാവശ്യം എഴുതുകയും ചെയ്യുന്നത് കണ്ടിട്ടാണ്  അതിശയപ്പെട്ടത് ! 

സങ്കര ഗുണം തന്നെ ! !


ഈ സങ്കരഗുണം മനുഷ്യർക്കും, ജീവികൾക്കും, സാധനങ്ങൽക്കും 
മാത്രമല്ല കേട്ടൊ മേന്മനൽകുന്നത്, ഒപ്പം ഭാഷക്കും നല്ല പഞ്ചും, ഗുണവും 
നൽകുന്നുണ്ട്. .... ഉദാഹരണം     നമ്മുടെ മാതൃഭാഷ തന്നെ....!

ജനിച്ചു വീണപ്പോൾ തന്നെ നല്ലയൊരു സങ്കരയിനമായി 
അതിസുന്ദരിയായിട്ടാണ് ഈ മലയാള ഭാഷാ സുന്ദരി പിച്ചവെച്ചുതുടങ്ങിയത് .
പിന്നീട് ഒരോ തലമുറതോറും പുതിയ പുതിയ സങ്കരഗുണഗണങ്ങളുമായി ലാവണ്യത്തോടെ അടിവെച്ചടിവെച്ചവൾ വളരുകയായിരുന്നൂ.

 ഈ മലയാളി ഭാഷാമങ്കയെ എന്നും നമ്മുടെ അമ്മയായി പരിപാലിച്ച്, 
സംരംക്ഷിച്ചുപോരേണ്ടത് തന്നെയാണെന്ന് , നമ്മൾക്ക് ഓരൊരുത്തർക്കും വളരെ ഉത്തമബോധ്യമുള്ള കാര്യം തന്നെയാണല്ലൊ അല്ലേ.....



ഇപ്പോൾ ലോകത്തിൽ എല്ലായിടത്തും എല്ലാ പ്രാദേശിക ഭാഷകളും
ഒരുതരം ഒറ്റപ്പെടലിനോ ,തിരസ്കാരത്തിനോ അടിമപ്പെട്ടുകൊണ്ടിരിക്കുകയാണെന്നു വേണമെങ്കിൽ പറയാം.
മത്സരാധിഷ്ഠിതമായ ഈ കാലഘട്ടത്തിൽ സമൂഹം ഇപ്പൊൾ ഇത്തരം ഭാഷകളെ ഒരു അതി ജീവനത്തിനായി കണക്കാക്കുന്നില്ല. അതുതന്നെയാണ് നമ്മുടെ മലയാളത്തിനും സംഭവിച്ചത്....
വിദ്യാഭ്യാസത്തിനും , പണം ഉണ്ടാക്കാനും മറ്റും , മറുഭാഷകളായ  ഇംഗ്ലീഷിനേയും മറ്റും പാര്‍ശ്വവല്‍കരിക്കുകയും ചെയ്തു.
അതുകൊണ്ട് അമ്മ മലയാളം ഇപ്പോൾ രണ്ടാംകുടിയോ,
 മൂന്നാംകുടിയോ ഒക്കെയായി പിന്തള്ളപ്പെടുകയും ചെയ്തു..!
തീർച്ചയായും നമ്മൾ ഇനിയുള്ള ഭാവിയിലെങ്കിലും
നമ്മുടെ മലയാളത്തെ വളരെയേറെ തീവ്രതയോടെ പ്രണയിക്കണം  കേട്ടൊ .
നാം അഭിമുഖീകരിക്കേണ്ട വളരെ
ഗൌരവമായ ഒരു വിഷയം തന്നെയാണിത് !


നമ്മുടെ സ്വന്തം മലയാളത്തിന് ശ്രേഷ്ഠഭാഷ പദവി കിട്ടുവാൻ 
വേണ്ടി നാട്ടിൽ ശ്രമം ആരംഭിച്ചിരിക്കുകയാണല്ലോ . മലയാളഭാഷയ്ക്ക് 
ശ്രേഷ്ഠഭാഷാപദവി ലഭിക്കട്ടെ എന്ന് നമുക്ക് പ്രതീക്ഷിക്കാം
അപ്പോൾ ശ്രേഷ്ഠ പദവി ലഭിക്കുന്ന അഞ്ചാമത്തെ ഭാഷയാകും നമ്മുടെ അമ്മ മലയാളം. 
നിലവില്‍ സംസ്‌കൃതം, തമിഴ്, കന്നഡ, തെലുങ്ക് എന്നിവയ്ക്കാണ് ഈ പദവിയുള്ളത്

 ക്ലാസ്സിക് ഭാഷ


ചക്ക,മാങ്ങ,പൂച്ച,പട്ടി,എലി,പുലി,പത്തായം,
ചുക്ക്,കാപ്പി,പണി,കൂലി,തറ,പറ,പ്രണയം,
വാക്കുകളുടെ മറുകര തേടിയലയുമ്പോൾ...
വക്കു പൊട്ടിയ പുത്തങ്കലം പോൽ മലയാളം !

വാക്കുകൾ പെറ്റ തമിഴമ്മ, അച്ഛനോ സിംഹളൻ,
വാക്കിനാൽ പോറ്റിവളർത്തിയ-സംസ്കൃതമാംഗലേയം  ;
നോക്കെത്താ ദൂരത്തൊന്നുമല്ല മലയാളത്തിന്റെ
വാക്കുകളുടെ മറുകരകൾ; എന്നാലും വേണ്ടീല്ല...

പൊക്കത്തിൽ തന്നെ ക്ലാസ്സിക്കായി സ്ഥാനമാനം വേണം ,
വിക്കീപീഡിയയിൽ പോലും മൂന്നാംസ്ഥാനമുള്ളീ ഭാഷക്ക് !
വാക്കുകളുടെ പുണ്യം !,  അധിപുരാതനമിത് ...
വിക്കി വിക്കി പറയാം, നമ്മൾക്കാ മാഹാത്മ്യങ്ങൾ !





ഈ ഭാഷാവിഷയങ്ങൾ ഞാൻ വെറും വഷളത്തരം പറയുകയോ, പിച്ചും പേയും ചൊല്ലുകയൊ അല്ല കേട്ടൊ....
മലയാള ഐക്യവേദിയിൽ ഒരു സ്നേഹഗീതമായി  മലയാളത്തിന്റെ നല്ല ഈണങ്ങളുണ്ട്. 





നമ്മൾ ബ്ലോഗ്ഗിൽ കൂടിയെല്ലാം ചെയ്യുന്ന ആക്ഷേപഹാസ്യം തന്റെ ക്യാരികേച്ചർ പരിപാടിയിലൂടെ ,നാട്ടുകാരനും,കൂട്ടുകാരനുമായിരുന്ന ജയരാജ് വാര്യർ ഒറ്റയാൾ പട്ടാളമായി തുടക്കം കുറിച്ചിട്ട് 25 വർഷമായി. ആയതിന്റെ ആദരസൂചകമായി ലണ്ടനിൽ വെച്ച് ഈ  ജൂൺ 27 ഞായർ ഉച്ചക്ക്ശേഷം ഈസ്റ്റ് ഹാം ബോളിയനിൽ നടക്കുന്നപരിപാടിയിൽ ,ബൂലോഗരും,യുകെയിലെ മലയാളികളും കൂടി ചേർന്ന് ,ജയരാജിന് സ്വീകരണം നൽകുകയാണ്....ഒപ്പം മൊമൊന്റോകളും !
ഏവർക്കും സ്വാഗതം....!





ലേബൽ :-

 ക.

കാലാവസ്ഥ വ്യതിയാനവും ചില ചിന്തകളും ...! / Kalavastha Vyathiyanavum Chila Chinthakalum... !

ആഗോളതലത്തിൽ  കാലാവസ്ഥാ വ്യതിയാനം മൂലം പരിസ്ഥിതിക്ക് വല്ലാത്ത മാറ്റം വന്നു കൊണ്ടിരിക്കുന്ന ഒരു കാലഘട്ടത്തിലൂടെയാണ്  നാം ഇപ്പോൾ കടന്നുപോയി  കൊ...