Friday, 23 March 2012

ലണ്ടനിലെ ലൈംഗിക നിർ'വേദ'ങ്ങൾ ... ! / Londinile Laimgika NirVeda'ngal ... !

പ്രഥമ വേദം 

ആദ്യം തന്നെ പറയട്ടേ ആംഗലേയ-മലയാള മണിപ്രവാളത്തിലുള്ള ഈ ലണ്ടനിലെ രതി നിർ വേദങ്ങളിൽ മുതിർന്നവർക്ക് വായിക്കാവുന്ന തരത്തിലുള്ള വിഷയങ്ങളാണ് ...
ഞാൻ വെച്ച് കാച്ചാൻ പോകുന്നത്...
ആയതുകൊണ്ട് ഏതെങ്കിലും ബാല്യ-കൌമാര പ്രജകളാരെങ്കിലും വഴി തെറ്റിയിട്ട് ഇതിലെയെങ്ങാനും വന്നിട്ടുട്ടെങ്കിൽ ദയവുചെയ്ത് ഒരു സുല്ല് പറഞ്ഞ് , സലാം വെച്ചിട്ട് സ്ഥലം കാലിയാക്കി തരുമല്ലോ...അല്ലേ .

അര നൂറ്റാണ്ടിനുമുമ്പ്  ലണ്ടൻ സഹവാസത്തിന്റെ  രണ്ടാമൂഴം കൂടി കഴിഞ്ഞ ശേഷം  ; ക്രാന്തദർശിയും , പത്രപ്രവർത്തന രംഗത്തെ അതിപ്രഗൽഭനുമായിരുന്ന  'മാതൃഭൂമി ' പ്രസിദ്ധീകരണങ്ങളുടെ തലതൊട്ടപ്പനായിരുന്ന ശ്രീ . കെ.പി. കേശവമേനോനാണല്ലോ , ‘ബിലാത്തി വിശേഷങ്ങൾ’ എന്ന പുസ്തകത്തിൽ കൂടി മലയാളികൾക്കാദ്യമായി ലണ്ടനിലെ പല അത്ഭുതകാഴ്ച്ചകളും മറ്റും പരിചയപ്പെടുത്തി തന്നത്.
നമ്മളിൽ നിന്നുമൊക്കെ ഏറെ വിഭിന്നമായ   ബ്രിട്ടീഷ് ജനതയുടെ ഒരു നൂറ്റാണ്ടുമുമ്പുണ്ടായിരുന്ന സാംസ്കാരിക ജീവിത തനിമകളും , എടുത്തുപറയാവുന്ന പല ബിലാത്തി വിശേഷങ്ങളും , വളരെ നൈർമ്മല്ല്യമായ ഭാഷയിലൂടെ നമ്മുടെ പഴയ തലമുറയിൽ പെട്ടവർക്കും , പിന്നീടുള്ളവർക്കും അറിയാൻ കഴിഞ്ഞത് അങ്ങിനെയാണല്ലോ...

അതിന് ശേഷം   കാൽനൂറ്റാണ്ട് കഴിഞ്ഞപ്പോൾ   നമ്മുടെ സഞ്ചാരസാഹിത്യത്തിന്റെ അധിപൻ ശ്രീ.എസ്.കെ.പൊറ്റേക്കാട്ട്  ‘ലണ്ടൻ നോട്ട് ബുക്കി’‘ ൽ കൂടി അതിമനോഹരമായി നമ്മുടെ നാട്ടുകാരൊന്നും കാണാത്ത ലണ്ടനിലെ പല കാണാകാഴ്ച്ചകളും
വരികളിൽ കൂടി ചിത്രീകരിച്ച് നമ്മെ വിസ്മയപ്പെടുത്തിയിട്ടും ഉണ്ട് ...

ഈ മഹാരഥന്മാരായ സാഹിത്യവല്ലഭരൊക്കെ അന്ന് ഇവിടെയുണ്ടായിരുന്ന കാര്യങ്ങളൊക്കെ യഥാർത്ഥ്യമായി എഴുതിയിട്ടതൊക്കെ , ഇപ്പോൾ നമ്മുടെ നാട്ടിലും നമ്മൾ പകർത്തിത്തുടങ്ങിയിരിക്കുകയാണല്ലോ... !

ശേഷമിതാ വീണ്ടും കാൽനൂറ്റാണ്ടുകൂടി കഴിഞ്ഞപ്പോൾ ,
ഈ   ‘ഇ-എഴുത്തുകളി‘ൽ  കൂടി , എന്നെപ്പോലെയുള്ള മണ്ടനടക്കം ;
പല ബിലാത്തി ബൂലോഗരും  , ലണ്ടനിലെത്തിയ ശേഷം അവനവനുപറ്റുന്ന രീതിയിലൊക്കെ ഇപ്പോൾ ഇ-എഴുത്തുകൾ കൊണ്ട്  ചപ്പാങ്കുത്തുകൾ നടത്തിയിട്ട്  , ബിലാത്തി വിശേഷങ്ങളൊക്കെ വീണ്ടും മലയാളത്തിലേക്ക് ആവാഹിച്ച് കൊണ്ടിരിക്കുകയാണ്...

എനിക്കൊക്കെ സാഹിത്യത്തിന്റെ മോമ്പൊടി ചേർത്തെഴുതുവാൻ വശമില്ലാത്തതുകൊണ്ട് , വെറും മസാല കൂട്ടുകളുമായി ഒരു കുലുക്കികുത്ത് നടത്തി എന്തെങ്കിലുമൊക്കെ കാട്ടികൂട്ടികൊണ്ടിരിക്കുന്നു എന്ന് വേണമെങ്കിൽ പറയാം..

അതുകൊണ്ടീയെഴുത്തുകളൊക്കെ  വെറുതെ കുമ്മിയടിച്ചുകൊണ്ട് നടത്തുന്ന വെറുമൊരു  ചപ്പാങ്കുത്തുകളായി കണക്ക് കൂട്ടിയാൽ മതി കേട്ടൊ.

ലണ്ടൻ ലൈംഗികതയുടെ അനേകം കാണാക്കയങ്ങളിൽ ചിലതിലെല്ലാം ജസ്റ്റൊന്ന് മുങ്ങിതപ്പിയപ്പോൾ കിട്ടിയ വസ്തുവകകൾ , നിങ്ങൾക്കൊക്കെ വളരെ സിംബളായി കാണിച്ച് തരുവാനുള്ള ‘ഒരു ട്രയൽ റണ്ണാ‘ണിത് കേട്ടൊ കൂട്ടരെ .

ലണ്ടനിലെ ലൈംഗിക നിർ വേദങ്ങളുടെ
ആദ്യയദ്ധ്യായമായ ‘പ്രഥമ വേദം‘
എങ്ങിനെ , എവിടെ നിന്ന് തുടങ്ങും എന്നൊരങ്കാലാപ്പിലാണ് ഞാനിപ്പോൾ..

ഇപ്പോൾ നല്ല വേനൽക്കാലമാണല്ലോ..
എന്നാൽ ഈ  ബിലാത്തിപട്ടണത്തിലെ
 കുറച്ച് ‘ഹോട്ട് ന്യൂസിൽ ‘ നിന്നും തന്നെ ആരംഭിച്ചാലൊ .. അല്ലേ

ലോകത്തിന്റെ കൾച്ചറൽ കാപ്പിറ്റലായ ലണ്ടനിലാണെങ്കിലും, ഒട്ടും സാംസ്കാരിക സമ്പന്നനല്ലെങ്കിലും , ഒരു ശരാശരി മല്ലുവായ ബൂലോഗവാസിയല്ലേ ഈ ഞാനും...

അപ്പോളീബൂലോഗത്തിലെ തൂറ്റെളക്കങ്ങളും ; ശേഷമുള്ള  തൂത്തുവാരലുകളുമൊക്കെ തലയിൽ
മുണ്ടിടാതെ തന്നെ വന്ന് ,  ആ ദുർഗന്ധമൊന്നും ആവാഹിക്കാതെ ബൂലോഗത്തിലുള്ള ‘കൊലവെറികൾ’ വായിച്ച് രസിച്ചുനടക്കുന്ന എനിക്കും ഒരു പക്ഷേ കിട്ടുമായിരിക്കും , ഇത് വായിച്ചശേഷം പ്രിയപ്പെട്ട എന്റെ ബൂലോഗമിത്രങ്ങളിൽ നിന്നും ധാരാളം പാരിതോഷികങ്ങൾ..അല്ലേ...
എന്തായാലും പാലം കുലുങ്ങിയാലും കേളൻ കുലുങ്ങതിരുന്നാൽ മതിയല്ലോ...

അതുകൊണ്ടാണല്ലോ  ഇവിടെയൊക്കെ വളരെ എളുപ്പത്തിൽ കിട്ടാവുന്ന , തൊട്ടാൽ പൊള്ളുന്ന , ഗംഭീരമായ ഈ ഉഗ്രൻ ‘ഹോട്ട് ന്യൂസുകൾ തന്നെ ; ഇത്തവണ പെറുക്കിയെടുത്തൊന്ന് കൈ പൊള്ളിപ്പിക്കാമെന്ന് വെച്ചത്...!

സ്വന്തം കാര്യത്തേക്കാൾ മറ്റുള്ളവരുടെ  കാര്യ‘വട്ട‘ങ്ങളിലേക്ക്  കൈകടത്തി മണപ്പിച്ചുനോക്കുന്നതും , ആയതൊക്കെ  വേറെ ചിലർക്ക് കൂടി മണപ്പിച്ചുകൊടുപ്പിക്കുന്നതും മല്ലൂസിന്റെ ഒരു ജന്മസ്വഭാവമാണല്ലോ...

നമ്മുടെയൊക്കെ ഇത്തരം സ്വഭാവ വിശേഷങ്ങൾ യൂറോപ്പ്യൻസിനുമുണ്ട് കേട്ടൊ.
അവർ ഇതിനെ ‘പാപ്പരാസിത്തരം’ എന്ന് പറയും..!

ഇവിടെയൊക്കെയുള്ള മാധ്യമ ധർമ്മത്തിൽ ഒഴിച്ചുകൂടാൻ പറ്റാത്ത ഒരു വിഭാഗമായതുകൊണ്ട് ഇത്തരം ‘പാപ്പരാസി’കൾക്കും ,  അവരെ ഇൻഡയറക്റ്റായി സഹായിക്കുന്ന ചാരന്മാർക്കുമൊക്കെ ഈ പാശ്ചാത്യരാജ്യങ്ങളിൽ അത്യുഗ്രൻ ഡിമാന്റാണെന്നും..!

ഭൂലോകത്തിലെ ഒട്ടുമിക്ക സെലിബ്രിട്ടികളും വന്നും
പോയുമിരിക്കുന്ന ഇടമായതുകൊണ്ട് ലണ്ടനിലെ പാപ്പരാസികൾക്കെന്നും , ഇത്തരം ആരെയെങ്കിലും ഫോളോ ചെയ്ത് നടക്കേണ്ടതുകൊണ്ട്;  പണിയൊഴിഞ്ഞിട്ട് വേറെയൊന്നിനും നേരമില്ലായെന്ന് പറയാം...
പലപല ലോകോത്തമരായ ഫിലീം സ്റ്റാറുകളും , കായിക താരങ്ങളും , രാഷ്ട്രീയ നേതാക്കളുമൊക്കെ മിക്കപ്പോഴും ഈ പാപ്പരാസികളുടെ വലകളിൽ കിടന്ന് പിടയുന്നതുകാണാ‍ൻ ബഹുരസമാണ് കേട്ടൊ .

രണ്ടാഴ്ച്ചമുമ്പ് ഇവിടെ വന്നിട്ട് പാർക്കിൽ നടക്കാൻ പോയ ഒരു സെലിബ്രിട്ടിച്ചിയുടെ പുടവ കാറ്റിൽ പൊങ്ങിപ്പോയപ്പോഴുണ്ടായ കാഴ്ച്ചവരെ ഈ പാപ്പരാസികൾ പൊതുജനത്തിന് പിറ്റെ ദിനം പത്രത്തിൽ കൂടി കാണിച്ചു കൊടുത്തു...! (മുകളിലെ ചിത്രം)

സിറിയ കത്തിയെരിയുമ്പോഴും ; സിറിയൻ പ്രസിഡന്റായ ബാഷർ അൽ ആസാദ് , അദ്ദേഹത്തിന്റെ ബ്രിട്ടീഷ് ഭാര്യയുമായി (വലത്തെ ചിത്രം ) ലണ്ടനിൽ വണ്ടർഫുളായി താണ്ഡിനടക്കുന്ന കാഴ്ച്ചകളും, ‘മറ്റുള്ളതും’  കാണുന്നവർക്കൊക്കെ വണ്ടറല്ലാത്തെ പിന്നെന്താണ് ഉണ്ടാക്കുക ..അല്ലേ ?

ബസ്സ് /റെയിൽ സ്റ്റേയ്ഷനുകളിലും , മറ്റ് യാത്രാകവാടങ്ങളിലുമൊക്കെ
വെറുതെ കിട്ടുന്ന പത്രങ്ങളടക്കം , 20-30 പെൻസിന് കിട്ടുന്ന ടാബ്ലോയ്ഡ്
പത്രങ്ങളിലും , ഏത് പെട്ടിക്കടയിലും ലഭിക്കുന്ന ‘എ’മാഗസിനുകളിലും , മറ്റ് ടി.വി.മാധ്യമങ്ങളിലുമൊക്കെ ഈ പാപ്പരാസികളുടെ റിപ്പോർട്ടുകളോ , ഫോട്ടോകളോ /വീഡിയോകളോ,  പിന്നീട് കാണുമ്പോഴായിരിക്കും ആ സെലിബ്രിറ്റികൾ പോലും പിന്നീട് ഞെട്ടി തെറിക്കുന്നത്...!

പണ്ടത്തെ നമ്മുടെ മുഖ്യൻ
ശ്രീ: നായനാർ പറഞ്ഞിട്ടുണ്ടായിരുന്നുവല്ലോ..

“ഈ പാശ്ചാത്യനാടുകളിലൊക്കെ സെക്സെന്ന് പറഞ്ഞാൽ
നമ്മള് ചായേം , കാപ്പീം കുടിക്കിണ്യ പോലെയല്ലേന്ന്..”

അത് തീർച്ചയായും ഒരു വാസ്തവമായ കാര്യമാണ് കേട്ടൊ. ശരീരത്തിന് ഭക്ഷണമെന്നപോലെ , മനസ്സിന് ഏറ്റവും ഉല്ലാസവും , റിലാക്സും കിട്ടുന്ന ഘടകമാണന്നെത്രെ ഇവരുടെയൊക്കെ കാഴ്ച്ചപ്പാടിൽ ലൈംഗികത...!

അതിപ്പോൾ ഒരാണും പെണ്ണും തമ്മിൽ ഡയറ്ക്റ്റായി വേണമെന്നൊന്നുമില്ല ...
 ഓറലായോ  , ത്രീസമ്മായോ , നാലുപേർ കൂടിയിട്ടോ , ഗേയും ഹോമോയും ചേർന്നോ, ചട്ടിയും ലെസ്ബിയും തമ്മിലോ...അങ്ങിനെയൊക്കെയെങ്ങിനെയായാലും ഇവിടത്തുക്കാർക്കൊക്കെ അവനവന്റെ ഇഷ്ട്ടം പോലെ ഏതുവിധത്തിലും കേളിയാടാം...!


പിന്നെ ഇവിടെയുള്ളവർക്ക് പ്രണയവും
അതിനോടനുബന്ധിച്ചുള്ള മണ്ണാങ്കട്ടകളുമെല്ലാം
വെറും സെക്കന്ററിയാണ് ...
പ്രഥമമായ കാര്യം സെക്സ് തന്നെ...!
‘സെക്സ് ഗിവ്സ് ലൌവ് ‘ എന്നതാണ് ഇവരുടെയൊക്കെ പോളിസി തന്നെ ...! !

ആയത് കൊണ്ട് ഇവിടെയൊക്കെയുള്ള സകലമാന മാധ്യമങ്ങളിലും, മറ്റും ഇത്തരം ഹാപ്പിയും , ഉന്മേഷവും  വരുത്തുവാനുമുള്ള സകലമാന ഏർപ്പാടുകളും  വേണ്ടത്രയുണ്ട്... !

ഉദാഹരണത്തിന് സൺ (www.thesun.co.uk/page3 ) ,
ഡെയ് ലി സ്റ്റാർ ( wap.dailystar.co.uk ) മുതലായ പേരുകേട്ട
പത്രങ്ങളിലെ മൂന്നാം പേജ് ദിനം തോറും കണ്ടുണരുന്നവർക്കൊക്കെ
ഒരു പ്രത്യേക ഉഷാറണെത്രെ..!

എവിട്ന്ന് കിട്ടുന്നതാണടമ്മാ മുന്നൂറ്ററപതുദിവസവും ഈ
പേപ്പറുക്കാർക്കൊക്ക്യെ  മാറിമാറിയിടാൻ ഇത്രയധികം തുണിയുരിച്ചി ചുള്ളത്തികളേ..അല്ലേ.


ഇവരുടെയൊക്കെ ആ  വെബ് സൈറ്റുകളിൽ പോയാൽ
ഈ സുന്ദരിമാരുടെയൊക്കെ , ആ  മേനിയഴകുകൾ നമ്മുടെയൊക്കെ മൊബയ്ലുകളിലേക്കോ, പി.സി.കളിലേക്കോ അപ്ലോഡ് ചെയ്യാവുന്നതാണ്...
കുറച്ച്  പൌണ്ട് കൊടുക്കണമെന്ന് മാത്രം ...!

അരയിൽ മാത്രം അല്പം മറ സൃഷ്ട്ടിച്ച്  , ഈ മൂന്നാം പേജിൽ
പ്രത്യക്ഷപ്പെടുന്ന യുവതികൾക്കൊക്കെ ,  കണ്ടമാനം കാശും , പിന്നീടിത് കണ്ട് കോരി തരിച്ച് പലരും ഇവരോടൊക്കെ കല്ല്യാണാലോചനാഭ്യർത്ഥനയുമൊക്കെ
(ഡേറ്റിങ്ങ്) നടത്തും  പോലും...!

നമ്മളൊക്കെ മാറ്റ്ട്രമോണിയയിൽ പരസ്യം ഇടുന്ന പോലെ.
ഇവിടെയൊക്കെയുള്ള യുവതികളുടെ ഒരു ഭാഗ്യം നോക്കണേ...!

പിന്നെ പത്രങ്ങളിലടക്കം പല മാധ്യമങ്ങളിലും സെക്സിനെകുറിച്ച് എന്തുചോദ്യം
ചോദിക്കാവുന്ന സ്ഥിരം പംക്തികളും , മുട്ടിന് മുട്ടിനേയുള്ള ഓൺ-ലൈന്നായി വരെ സാധനങ്ങൾ വീട്ടിലെത്തിച്ചുതരുന്ന  സെക്സ് ഷോപ്പുകളിലുമൊക്കെ  ആർക്കും ഉപദേശങ്ങൾ നേടി കാര്യപ്രാപ്തി കൈവരുത്താമെന്നുള്ളതും  വേറൊരു പ്രത്യേകതയാണ്...!

ഇത്തരം സംഗതികൾക്കൊക്കെ പരസ്യമായും , രഹസ്യമായും
നടത്താവുന്ന ക്രമീകരണങ്ങൾ ഉള്ളതുകൊണ്ട് , സ്വന്തം പാർട്ട്നർക്ക്
എന്തെങ്കിലും ലൈംഗികപോരായ്മകൾ ഉണ്ടെങ്കിൽ പോലും , പരിപാടികൾക്ക്
മുമ്പോ, പിമ്പോ ആയതിന്റെയൊക്കെ പരിഹാര സഹായകമായ ഉപകരണങ്ങൾ ‘ഫുൾ സാറ്റിസ്ഫേക്ക്ഷൻ ‘ ഗ്യാരണ്ടി തരുന്നതിനാൽ ഈ രാജ്യത്തെ ഭൂരിഭാഗം ആളുകൾക്കും ലൈംഗികപരാജയത്തിന്റെ തൊഴിത്തിൽ കുത്തൊ , മാനസിക പിരിമുറുക്കമോ അനുഭവിക്കേണ്ടി വരുന്നില്ല...!

ഏതൊരാളുമൊരു സന്തുഷ്ട്ട കുടുംബം കെട്ടിപ്പടുത്തുയർത്തുമ്പോൾ
വെറും കുഞ്ഞുപ്രശ്നങ്ങളായി തിരികൊളുത്തുന്ന ഇത്തരം കിടക്കപ്പായയിലെ
പുകച്ചിലുകളാണല്ലോ പിന്നീടൊക്കെ വലിയ പൊട്ടിത്തെറികളായി പല കുടുംബങ്ങളേയും
ചിന്നഭിന്നമാക്കികളയുന്നത് അല്ലേ...!

 ഇപ്പോഴൊക്കെ പരസ്പരമുള്ള
ഒത്തൊരുമിച്ചുള്ള സഹവാസമല്ലാതെ
 (ഡേറ്റിങ്ങ് ) ; കുടുംബവും,കുഞ്ഞ് കുട്ടി പരാധീനതകളും ഒരു ബാധ്യതയായി കൊണ്ട് നടന്ന് , ലൈഫ്-ലോങ്ങ് മുഴുവൻ പ്രാരാബ്ദങ്ങളുടെ ഭാണ്ഡം ചുമലിലേറ്റിനടക്കുവാൻ ഇവിടെയൊക്കെയുള്ള
പുത്തൻ തലമുറക്ക് വലിയ വില്ലിങ്ങൊന്നു മില്ലാത്തകാരണം , ഇവരെയൊന്നും ഇത്തരം
പ്രശ്നങ്ങൾ ഒട്ടും അലട്ടാറില്ലാ എന്നത് വേറെ കാര്യം... !



ഇതൊന്നും കൂടാതെ പ്രായത്തിനന്നുസരിച്ചും , ടേയ്സ്റ്റ്നനുസരിച്ചും ,
വംശത്തിനനുസരിച്ചും അങ്ങിനെ ഏത് രൂപഭാവത്തിലുള്ളവരെ വരെ പരസ്പരം തെരെഞ്ഞെടുക്കുവാൻ കഴിയുന്ന ഡേറ്റിങ്ങ് സെന്ററുകൾ ,  ഡേറ്റിങ്ങ് സൈറ്റുകൾ ,
ഡിൽഡൊ ഷോപ്പുകൾ , സെക്സ് ഹെൽ‌പ്പ് ലൈനുകൾ,  
മസ്സേജ് സെന്ററുകൾ , ...
അങ്ങിനെ അനേകം എടാകൂടങ്ങൾ വേറെയുമുണ്ട് ഇവിടങ്ങളിലെല്ലാം...

സൂപ്പർ കസ്റ്റ്മർ സർവ്വീസടക്കം , പകർച്ചവ്യാധികളൊന്നുമില്ലെന്ന്  വൈദ്യപരിശോധനയിൽ തെളിഞ്ഞാൽ ഇത്തരം ലൈംഗിക ക്ലബ്ബുകളിൽ ആർക്കും അംഗങ്ങളാവാവുന്നതാണ്. എച്.ഐ.വി പോസറ്റീവല്ലാത്തവരെ എയ്ഡ്സുകാരുടെ ഡേറ്റിങ്ങ് ക്ലബ്ബിൽ കയറ്റില്ലാ എന്നതും ഇവിടത്തെ കാര്യക്ഷമതകളുടെ ഒരു പ്രത്യേകതയാണ് കേട്ടൊ

ഇത്തരം ലൈംഗികതയുടെ അതിപ്രസരങ്ങൾ ഉള്ളതിനാലാവാം
ഇവിടങ്ങളിലൊന്നും യാതൊരുവിധ ലൈംഗികപീഡനങ്ങളും നടക്കാത്തത് അല്ലേ...

ഏതൊരു പെണ്ണിനും പാതിരാത്രിക്ക് പോലും ഒറ്റക്ക് ഭയം
കൂടാതെ സഞ്ചരിക്കാം,  അവളുടെ സമ്മതമില്ലാതെ ഒരുവനും അവളെ തൊടുകപോലും ഇല്ല..!

എന്നാലും കഴിഞ്ഞമാസം , നമ്മൾ ഏഷ്യക്കാർ ഇവർക്ക്
ബാലികാ /സ്ത്രീ പീഡനം ഏന്താണെന്ന്  കാണിച്ചുകൊടുത്തു കേട്ടൊ.
പാക്കിസ്ഥാനികളാ‍യ അദ്ധ്യാപകനടക്കമുള്ള ഒരു കൂട്ടമാളുകൾ
ഒരു പതിമൂന്നുകാരി മദാമകുട്ടിയെ കുറെ നാൾ മയക്കുമരുന്നും, പൈസയും കൊടുത്ത് പീഡിപ്പിച്ചുകൊണ്ടിരുന്ന കഥകൾ മാധ്യമങ്ങൾ വളരെ അത്ഭുതത്തോട് കൂടിയാണ് പ്രസിദ്ധപ്പെടുത്തിയത്...!

മറ്റുള്ളവരുടെ മുതലുകൾ കട്ടാലോ ,നശിപ്പിച്ചാലോ , അല്ലെങ്കിൽ വേറൊരാളെ കൊന്നാലോ വരെ ഇവിടെ കോടതിയിൽ നിന്നും ഊരിപ്പോരാം ...
പക്ഷേ സ്ത്രീ പീഡനം , അതും ബാലികാ പീഡനം അതിവിടത്തെ ഒരു നിയമവും  വെച്ചുപൊറുപ്പിക്കില്ലാ എന്നതായിരുന്നു  ഇവരെയൊക്കെ ശിഷിച്ച അന്നത്തെ കോടതിയുടെ വിധി പ്രഖ്യാപിച്ചപ്പോൾ ഉണ്ടായത് ..!


നോക്കൂ .. ഈ എഴുതിയതൊക്കെ ജസ്റ്റൊന്ന് ഇവിടത്തെ
പത്രങ്ങളിലേയ്ക്കൊന്ന് എത്തിനോക്കിയപ്പോൾ കണ്ടതാണ് ...
ഇതിന്റെയൊക്കെ ആസ്വാദനം ശരിക്കും ഉന്മേഷത്തിലെത്തണമെങ്കിൽ
ഇതിൽ കൊടുത്തിരിക്കുന്ന ലിങ്കുകളും കൂടി സന്ദർശിച്ചാൽ പതിന്മടങ്ങ് ഉഷാറായികൊള്ളും ...!

ഇനി വീക്കിലികളും , മാഗസിനുകളും , ടീ.വി. ചാനലുകളുമൊക്കെ
ഒന്ന് സന്ദർശിച്ചുനോക്കിയിട്ട് ആയതിലെയൊക്കെ ചിത്രങ്ങളും വീഡിയോകളുമൊക്കെ കാണൂമ്പോൾ  എന്തായിരിക്കും ഇനി സ്ഥിതി ... !
അതിന് ശേഷം ‘ലൈവ്-ഷോ’കൾ കാണുവാൻ പോകുമ്പോഴോ...?

വെയ്റ്റ് ചെയ്യൂ...
‘പ്രഥമ വേദ‘ത്തിന്റെ പ്രതികരണം  തല്ലോ ,തലോടലോ എന്നറിയട്ടേ ...
എന്നിട്ടാകാം ‘രണ്ടാം ഊഴവും ‘, ‘മൂന്നാം സർഗ്ഗവും‘ , ‘ചതുർ വേദ’വുമൊക്കെ അല്ലേ

ഉന്തുട്ട് ചെയ്യാനാ...
എന്റെയൊക്കെ ഒരു ഗതികേട് നോക്കണേ ...

ചേരയെ തിന്നുന്ന നാട്ടിൽ വന്നാൽപ്പിന്നേ
അതിന്റെ വാൽക്കഷ്ണമെങ്കിലും തിന്ന് ശീലിക്കണ്ടേ... 

വൈദ്യൻ കല്പിച്ചില്ലെങ്കിലും ... രോഗി ഇഛിച്ചത്  തന്നെ ... !







(തുടര..ണോ ? )



കടപ്പാട് :-                                                                        
ഈ ലേഖനത്തിലെ വാർത്താശകലങ്ങൾക്കും ,ഫോട്ടൊകൾക്കുമൊക്കെ 
ലണ്ടനിലെ The Sun, Daily StarLondon Evening Standard
മുതലായ പത്രങ്ങളോട്  കടപ്പെട്ടിരിക്കുന്നൂ...





80 comments:

പഥികൻ said...

ആദ്യം വന്നത് ഞാനാണല്ലോ.
സത്യമാണോ എന്നറിയില്ല. ബ്രിട്ടനില്‍ ലൈംഗിക പീഡനങ്ങള്‍ ഏറി വരികയാണെന്നും 75 % സ്ത്രികളും ലൈംഗിക അക്രമങ്ങള്‍ നേരിടുന്നുമെന്നും ഞാന്‍ ഇവിടെ ഒരു പത്രത്തില്‍ വായിച്ചു.
ഇന്ഫോര്മേഷന് നന്ദി. ഉപകരിക്കും എന്ന് തോന്നുന്നില്ലെങ്കിലും. :))

പട്ടേപ്പാടം റാംജി said...

കുറെയൊക്കെ ഇങ്ങിനെ ആണെന്നാണ്‌ കരുതി ഇരിക്കുന്നത്. പക്ഷെ അത് നേരിട്ട് കാണുമ്പോള്‍ വിചാരിച്ചിരിക്കുന്നതിനേക്കാള്‍ വലിയ അത്ഭുതം ആവും അല്ലെ? പിന്നെ അവസാനം പറഞ്ഞത്‌ പോലെ ചേരയുടെ വാലെന്കിലും ഭക്ഷിക്കാന്‍ ശ്രമിക്കുമായിരിക്കും...

"രണ്ടാഴ്ച്ചമുമ്പ് ഇവിടെ വന്നിട്ട് പാർക്കിൽ നടക്കാൻ പോയ ഒരു സെലിബ്രിട്ടിച്ചിയുടെ പുടവ കാറ്റിൽ പൊങ്ങിപ്പോയപ്പോഴുണ്ടായ കാഴ്ച്ചവരെ ഈ പാപ്പരാസികൾ പൊതുജനത്തിന് പിറ്റെ ദിനം പത്രത്തിൽ കൂടി കാണിച്ചു കൊടുത്തു...! (മുകളിലെ ചിത്രം)"
ഇത് കണ്ടാല്‍ ആരെങ്കിലും നോക്കാതിരിക്കുമോ. അപ്പൊപ്പിന്നെ അത്തരം ചിത്രങ്ങള്‍ കണ്ടെത്താതിരിക്കുമോ...
കാറ്റില്‍ പോങ്ങാനായി പുടവ ഒന്നും ആ ചിത്രത്തില്‍ കാണുന്നില്ലല്ലോ.

ഷിബു തോവാള said...

മുരളിയേട്ടാ...കേശവമേനോനിൽ തുടങ്ങി,ഒരു വല്ലാത്ത പോക്കാണല്ലോ പോയത്...ബിലാത്തിപ്പട്ടണത്തിൽ മാത്രമല്ല നമ്മുടെ സ്വന്തം ഇൻഡ്യയിലും (ഞാൻ കാണുന്നത് ഡൽഹിയിലാണ്) ഇത്തരം വേഷങ്ങൾ പൊതുനിരത്തിൽ പ്രത്യക്ഷപ്പെടുവാൻ തുടങ്ങിയിട്ടുണ്ട്. അത് ഇനി പത്രങ്ങളിൽക്കൂടി കാണുന്ന ദിവസങ്ങൾ എന്നാണെന്ന് മാത്രം അറിയില്ല..

ഇതിന്റെയൊക്കെ ഫലമായി, ബിലാത്തിയിലെ സമൂഹത്തിൽ ഉണ്ടായ മൂല്യച്യുതി, കുടുംബബന്ധങ്ങളിലെ തകർച്ചകൾ എന്നിവ കൂടി വിവരിച്ചിരുന്നെങ്കിൽ നന്നായിരുന്നു. യൂറോപ്യൻ സംസ്കാരത്തിന്റെ പിന്നാലെ പായാൻ വീർപ്പുമുട്ടിനിൽക്കുന്ന നമ്മുടെ പുതുതലമുറ കുറെയെങ്കിലും മനസ്സിലാക്കട്ടെ.(നന്നാകുമെന്ന് പ്രതീക്ഷിയ്ക്കുന്നില്ലെങ്കിലും) ഇനിയാണെങ്കിലും എഴുതിയാൽ മതി കേട്ടോ :)

സ്നേഹപൂർവ്വം ഷിബു തോവാള.

ajith said...

ഓ, വെറും ഒരു ചായ കുടിക്കുന്നതുപോലെ വായിച്ചു. (ച്ഛായ്, ഇത്രേം അധഃപ്പതിച്ചതാണോ ഈ ലണ്ടന്‍ ലണ്ടന്‍ ന്ന് പറേണത്. ഞാനില്യ അങ്ങട്ടേയ്ക്ക്)

വി.എ || V.A said...

...തീർച്ചയായും തുടരണം. ചേരയുടെ വാൽഭാഗമെങ്കിലും രുചിച്ചുനോക്കിയ ലക്ഷണത്തിലല്ലേ സെർച്ചിംഗ്? മുമ്പ്, ലണ്ടനിലെ ഒരു മദാമ്മ ഇൻഡ്യയിൽ-കൂടുതൽ കേരളത്തിൽ- ചുറ്റിക്കറങ്ങി തിരിച്ചുചെന്ന് എഴുതി..‘ഏഴെട്ടു മീറ്റർ നിറമുള്ള തുണി വാരിച്ചുറ്റി എങ്ങനെ നടക്കും ഈ സ്ത്രീകൾ? അതും പോരാഞ്ഞ്, അതിനടിയിലും പിന്നെയും സ്കേർട്ടും പാന്റീസും...അവിടത്തെ ആണുങ്ങളെ സമ്മതിക്കണം.....’ ഇത്രയും പോരേ, അവിടത്തെ ജനങ്ങളുടെ ‘ക്ഷമയില്ലായ്മ’ മനസ്സിലാക്കാൻ? എന്തായാലും നമ്മുടെ ‘കോവളം ബീച്ച്’ പോലെ ആ സംസ്കാരം പരസ്യമായി പ്രവർത്തിച്ചുതുടങ്ങി ഭാരതത്തിലെ പ്രധാന നഗരങ്ങളിലെല്ലാം. നല്ല വിവരണങ്ങൾ....(നല്ല കാറ്റുള്ളപ്പോഴത്തെ കുറച്ചു ഫോട്ടോകൾ കൂടി ചേർക്കാമായിരുന്നു,കേട്ടോ, ചുമ്മാ ഒരു രസത്തിന്.........)

c.v.thankappan said...

നന്നായി അവതരിപ്പിച്ചു പുതിയ
ബിലാത്തിവിശേഷങ്ങള്‍
ആശംസകള്‍

khaadu.. said...

ആദ്യ പാരഗ്രാഫ് അവസാനമാണ് വായിച്ചത്,... അല്ലേല്‍ സുല്ല് പറഞ്ഞു പോയേനെ...(ഓ.. പിന്നെ..)
പിന്നെ...ഫോട്ടോ... അയ്യേ...വൃത്തികെട്.. പേപ്പര്‍ കട്ടിംഗ് ... നല്ല കളര്‍ ഫോട്ടോ കൊടുക്കേണ്ടേ...
പിന്നെ നിങ്ങളുടെ എഴുത്ത്..... ഓ... എന്നാ പറയാനാ... അതില്‍ അധികം ശ്രദ്ദിക്കാന്‍ പറ്റിയില്ല...

തുടരണം... (ഭീഷണിയാണെന്ന് കൂട്ടിക്കോ..)

vettathan said...

നമുക്ക് നമ്മളെല്ലാം വലിയ സദാചാരക്കാരും,പാശ്ചാത്യര്‍ അരാജകക്കാരുമാണ്.നമ്മുടെ സ്നേഹം,കുടുംബം എന്നിവ വലിയ കാപട്യമാണെന്ന് തോന്നിയാല്‍ അവരെ എങ്ങിനെ കുറ്റം പറയാന്‍ പറ്റും?ഇന്നലെ, കുടുംബങ്ങളെയും കുടുംബപ്രശ്നങ്ങളെയും കുറിച്ചു പഠനം നടത്തുന്ന ഒരാളോട് ഞാന്‍ ചോദിച്ചു-എത്ര ശതമാനം കുടുംബങ്ങള്‍ സന്തോഷത്തില്‍ കഴിയുന്നുണ്ടെന്ന്?20 ശതമാനത്തിലും കുറവെന്നാണ് എനിക്കു കിട്ടിയ മറുപടി.സ്ത്രീകളുടെ കണ്ണീരിലാണ് കുടുംബം എന്ന ഈ സ്ഥാപനം പടുത്തുയര്‍ത്തിയിരിക്കുന്നത്.

Villagemaan/വില്ലേജ്മാന്‍ said...

തുടരണം..മുരളീഭായ്..തീര്‍ച്ചയായും തുടരണം !

കപടസദാചാര പോലീസുകാര്‍ ഒരു വശത്ത് നില്‍ക്കും...അവര്‍ ഈ ബൂലോകത്തും പുറത്തും ഉള്ളതെല്ലാം വായിച്ചും കണ്ടും സന്തോഷിക്കും . എന്നിട്ട് മുഖമില്ലാതെ തൂത്തു വാരാന്‍ ഇറങ്ങും..

മുഖമില്ലാതെ തൂത്ത് വാരുന്നവര്‍ വാരട്ടെന്നു!

മുരളീമുകുന്ദൻ , ബിലാത്തിപട്ടണം BILATTHIPATTANAM. said...

പ്രിയപ്പെട്ട പഥികൻ,നന്ദി. ഈ പ്രഥമ വേദത്തിലേക്ക് ആദ്യം തന്നെ പഥികന്റെ പാദം പതിച്ചതിൽ അതിയായ സന്തോഷം കേട്ടൊ അതുൽ.പിന്നെ വരത്തന്മാരാലാണ് ഇവിടെത്തെ 90% ഇത്തരം പരക്രമങ്ങൾക്ക് കാരണമെന്നും ആ വാർത്തകൾ പറയുന്നുണ്ടല്ലോ..

പ്രിയമുള്ള റാംജി ഭായ്,നന്ദി .പുടവയെന്ന് പറയുന്നത് ഇവർക്കൊക്കെ ഒരു അലർജിയല്ലേ ഭായ്.പിന്നെ ചേരയുടെ തലത്തുണ്ടം തിന്നണമെന്നുമൊക്കെ ആഗ്രഹമുണ്ട്..!

പ്രിയപ്പെട്ട ഷിബു ഭായ്,നന്ദി. ഈ കണക്കിന് പോകുകയാണെങ്കിൽ നമ്മുടെ പുത്തൻ തലമുറയൊക്കെ ഇവരുടെ ഇത്തരം സാംസ്കാരങ്ങളെ അടുത്തുതന്നെ കടത്തി വെട്ടുമെന്നാണ് തോന്നുന്നത് കേട്ടൊ ഭായ്.

പ്രിയമുള്ള അജിത്ത് ഭായ്,നന്ദി. എന്തായാലും എന്നെങ്ങിലുമൊന്ന് ഇവിടെ വന്ന് ഒരു കാപ്പിയെങ്കിലും കുടിച്ച് പോകണം കേട്ടൊ ഭായ്.

പ്രിയപ്പെട്ട വി.എ. ഭായി,നന്ദി.വെറും വാൽക്കഷ്ണം രുചിച്ചതിന്റെ ടേയ്സ്റ്റിൽ എഴുതിയതാണിതൊക്കെ കേട്ടൊ ഭായ്. ഇനി അടുത്ത ഭാഗങ്ങളിൽ കാറ്റത്തെ കിളിക്കൂടുകളിലെ മുട്ടയും കാണിച്ചു തരാംട്ടാ‍ാ..

പ്രിയമുള്ള തങ്കപ്പൻ സർ,നന്ദി. ഈ അവതരണം ഇഷ്ട്ടപ്പെട്ടതിൽ ഒത്തിരി സന്തോഷം കേട്ടൊ ഭായ്.

പ്രിയപ്പെട്ട ഖാദു,നന്ദി.ഓ..ഈ പിള്ളേരെക്കൊണ്ട് തോറ്റൂലൊ ,ആ ലിങ്കുകളിലൊക്കെ പോയാൽ പേപ്പർ കട്ടിങ്ങല്ലാതെ അസ്സൽ തന്നെ കണ്ട് ശ്രദ്ധ കൂടുതൽ കേന്ദ്രീകരിക്കാമായിരുന്നു കേട്ടൊ ഭായ്.

പ്രിയമുള്ള വെട്ടത്താൻ ,നന്ദി.നമ്മളോക്കെ കാപട്യത്തിന്റെ മുഖമൂടികളണിഞ്ഞ് കുടുംബശ്രീ കളിക്കുകയാണല്ലോ ,ഇവരൊക്കെയാണെങ്കിൽ എല്ലാം വെട്ടൊന്ന് മുറി രണ്ടെന്നും പറഞ്ഞ തരക്കാരാണെന്ന് മാത്രം..!

പ്രിയപ്പെട്ട വില്ലേജ്മാൻ,നന്ദി. സദാചാരപോലീസ്സിടപ്പെട്ടില്ലെങ്കിൽ തീർച്ചയായും ഈ ലണ്ടൻ രതി നിർവേദങ്ങളുടെ നാലുകാണ്ഡങ്ങളും എഴുതണമെന്നുണ്ട് കേട്ടൊ ശശി ഭായ്.

K@nn(())raan*خلي ولي said...

ഈയിടെയായി മുരളിയേട്ടന്റെ സ്വഭാവം ഇശ്ശി മോശാവണ്‌ുണ്ടോന്നൊരു സംശയം ഇല്ലാതില്ല.
നിങ്ങക്കടെ കണ്ണിന്റെ ഫ്യൂസും ഫിലമെന്റും അടിച്ചുപോയോ ഹീശ്വരാ!

ലണ്ടനിലൂടെ ഹരിമുരളീരവം പാടി നടക്കണമെന്ന് തോന്നാറുണ്ട്. പക്ഷെ പാപ്പരാസികളെന്റെ വെണ്ടക്കുരു എടുത്ത് മാലോകര്‍ക്ക് കാണിക്കില്ലേ..! ഹഹഹാ!!

Manoraj said...

അവിടെയും അവര്‍ക്ക് അത്ഭുതം സൃഷ്ടിക്കുവാന്‍ നമ്മുടെ ഏഷ്യക്കാര്‍ തന്നെ വേണ്ടി വന്നുവല്ലേ മാഷേ..:) നമ്മള്‍ എവിടെ ചെന്നാലും നക്കിയേ കുടിക്കൂ എന്ന് പറയുന്നത് എത്ര ശരിയല്ലേ :)

Hashiq said...

നാട്ടിലിപ്പോള്‍ പത്രക്കെട്ട് കൊണ്ടുപോകാന്‍ ആളുകളില്ല, കൊണ്ടുപോകുന്നത് സമരക്കാര്‍ തടയുന്നു, എന്നൊക്കെപറഞ്ഞ് നൂറുകൂട്ടം പ്രശ്നങ്ങളാണ്. ആളുകള്‍ പ്രസ്സില്‍ നേരിട്ടെത്തി വാങ്ങുമല്ലോ എന്നുകരുതി എല്ലാത്തിനും ഒറ്റമൂലിയായി ഇമ്മാതിരി ഐറ്റംസ് പരീക്ഷിക്കുമോ നമ്മുടെ പത്രമുത്തശ്ശിമാര്‍ ?

'എടോ ഗോപാലകൃഷ്ണാ' എന്നുവിളിച്ച് ഈ പത്രമുതലാളിമാരെ ഒന്ന് ഉപദേശിക്കാന്‍ ആരുമില്ലേ അവിടെ? :-)

സങ്കൽ‌പ്പങ്ങൾ said...

ഹൊ ഇതൊക്കെ....അവരെകണ്ട് നമുക്കും പഠിക്കാം!!!!!.ആശംസകൾ!!!!!

മന്‍സൂര്‍ ചെറുവാടി said...

അങ്ങിനെ അടി കിട്ടേണ്ട കാര്യങ്ങള്‍ ഒന്നുമില്ലല്ലോ ഇവിടെ.
കുറെ കാര്യങ്ങള്‍ പരിചയപ്പെടുത്തി. മീഡിയകളിലൂടെ അറിയുന്ന കാര്യങ്ങള്‍ മുരളിയേട്ടന്റെ മേമ്പൊടികളുമായി .
തുടരുക.
ആശംസകള്‍

kARNOr(കാര്‍ന്നോര്) said...

ലണ്ടന്‍ ഇത്ര മോശം സ്ഥലാ.. !.. ഞാന്‍ അങ്ങോട്ടേക്കില്ല.. (എവിടെയാ വിസയ്ക്ക് അപ്ലേ ചെയ്യണ്ടേന്ന് മെയില്‍ വിടണേ.. )

sm sadique said...

“ചേരയെ തിന്നുന്ന നാട്ടിൽ വന്നാൽപ്പിന്നേ
അതിന്റെ വാൽക്കഷ്ണമെങ്കിലും തിന്ന് ശീലിക്കണ്ടേ... അല്ലേ !” +തുടരണം മാഷെ+ നാടേതായാലും സെക്സിന് ഒരു മുഖമല്ലേ ?

moideen angadimugar said...

ഈ മുരളിയേട്ടന്റെ ഒരു കാര്യം. ഉം....പോരട്ടെ അടുത്തത്.

അനില്‍ഫില്‍ (തോമാ) said...

മുരളിയേട്ടന്‍ ഉടനെ യൊരു SLR ക്യാമറയും നാലഞ്ച് നല്ല ലെന്‍സും വാങ്ങണം, മുരളിയേട്ടന്റെ ഉള്ളില്‍ ഒരു പപ്പരാസി കുഞ്ഞ് ഉറങ്ങി കിടപ്പുണ്ടോന്ന് ഒരു സംശയം.

Mohiyudheen MP said...

പ്രായപൂര്‍ത്തിയായവര്‍ക്ക്‌ എന്ന് ആദ്യമേ എഴുതി വെച്ചത്‌ നന്നായി.. പിള്ളാരെങ്ങാന്‍ വന്ന് ഇത്‌ വായിക്കാതെ ആ ചിത്രങ്ങള്‍ മാത്രം കണ്‌ട്‌ മോഹാലസ്യപ്പെട്ടിരുന്നെങ്കിലോ? യൂറോപ്യന്‍സിന്‌റെ കുത്തഴിഞ്ഞ ലൈംഗിക ജീവിതത്തെ കുറിച്ച്‌ ധാരാള കേട്ടിട്ടുണ്‌ട്‌, വായിച്ചറിഞ്ഞിട്ടുണ്‌ട്‌. ബ്രിട്ടണില്‍ കഴിയുന്ന ഒരാളുടെ തൂലികയിലൂടെ ഇവയൊക്കെ അറിയുമ്പോള്‍ ആധികാരികത കൈവരുന്നു... തീര്‍ച്ചയായും തുടരണം, അശ്ളീലമെന്നതിലുപരി ഇന്‍ഫര്‍മേറ്റീവായുള്ള കാര്യങ്ങള്‍, പുത്തനറിവുകള്‍ എന്ന നിലയില്‍ തുടര്‍ ഭാഗം വരുന്നതില്‍ കുഴപ്പമില്ല എന്ന് തോന്നുന്നു... :)))))

കുഞ്ഞൂസ് (Kunjuss) said...

ഓ, ഇത്രേയുള്ളൂ വിശേഷങ്ങള്‍ ....? ( കണ്ടും കേട്ടും ഒരു ത്രില്ലില്ലാത്ത വിഷയങ്ങള്‍ ...:) )

ബിലാത്തിയുടെ എഴുത്ത് നന്നായീന്ന് പ്രത്യേകം പറയേണ്ടതില്ലല്ലോ...:)

Aditya said...

best kanna.
thudaru.

അംജിത് said...

സംഗതി അഡള്‍ട്സ് ഒണ്‍ലി ആയതു കൊണ്ട് വെറുമൊരു ശരാശരി മല്ലുവായ ഞാന്‍ ആദ്യം മുതല്‍ അവസാനം വരെ വള്ളിപുള്ളി വിടാതെ വായിച്ചു. പക്ഷെ, ബാംഗ്ളുരും മുംബൈലും ഒക്കെ താമസിച്ചത് കൊണ്ടാവും, ഇതിലിപ്പോ വലിയ പുതുമയൊന്നും തോന്നുന്നില്ല. വിവരം വെക്കാത്ത പ്രായത്തില്‍ ബ്രിഗേഡ് റോഡില്‍ വാരാന്ത്യം പോയിരുന്നത് ഈ ദര്‍ശനസുഖം കിട്ടാന്‍ വേണ്ടിയായിരുന്നു. പക്ഷെ ഒരു രണ്ടു ദിവസം കൊണ്ട് മടുത്തു. ഒരു പക്ഷെ ലണ്ടന്‍ ആയിരുന്നേല്‍ മടുക്കില്ലായിരുന്നു. ഇവിടെ ആദ്യം കാര്യം- പിന്നെ കളി എന്നാണല്ലോ. അത് കൊണ്ടാവും.
ഈ പാപ്പരാസികളുടെ ഇന്ത്യന്‍ പതിപ്പായി മുംബൈ മിറര്‍ , ബംഗ്ലോര്‍ മിറര്‍ തുടങ്ങിയ മഞ്ഞ പതിപ്പുകളും ഉണ്ട്. ദേശി ആയാലും വിദേശി ആയാലും മസാല എന്നും മസാല തന്നെ.
ഒരു (കപട)സദാചാരക്കാരും മുരളിയെട്ടനെ ഒരു ചുക്കും ചെയ്യാന്‍ പോണില്ല. രാജാരവി വര്‍മ ശ്രീകൃഷ്ണന്റെ റോളില്‍ വന്നു സാരി സപ്ലൈ ചെയ്യുന്നത് വരെ വസ്ത്രം ഇല്ലാതെ വിഷമിച്ചവരാ ഇന്ത്യന്‍ ദൈവങ്ങള്‍ . ഗീതാഗോവിന്ദം, കുമാരസംഭവം തുടങ്ങിയവ അതിന്റെ വാച്യാര്‍ത്ഥം മനസ്സിലാക്കിയാല്‍ ഈ സദാചാരപോലിസ് അത് നിരോധിക്കണം എന്ന് പറയുകയൊന്നും ഇല്ലല്ലോ. സൊ, ഞാന്‍ കൂടെയുണ്ട്. മുരളിയേട്ടന്‍ ആഗെ ചലോ.

(പിന്നേ, ഈ ചേരയുടെ വാല് തിന്നാന്‍ ഇതൊക്കെ വായിച്ചപ്പോള്‍ ഈയുള്ളവനും ഒരു പൂതി. .. :) )

MKERALAM said...

ഒരു വ്യക്തിയുടെ/വ്യക്തികളുടെ സ്വഭാവങ്ങൾ (ലൈംഗികതയുൾപ്പെടെ) എങ്ങനെ രൂപപ്പെടുന്നു എന്നുള്ളത് അവിടുത്തെ സമൂഹ്യ/സംസ്കാരിക/ വിദ്യാഭ്യാസ രീതികളെ ആശ്രയിച്ചിരിക്കുന്നു. അഥവാ ഇതാണ് ഈ സംസ്കാരം എന്നു പറയുന്നതു തന്നെ.

ഈ പശ്ചാത്തലത്തിൽ വേണം മറ്റൊരു സാംസ്കാരിക ജനതയുടെ ലൈഗിക രീതികളെ വിലയിരുത്താൻ.

നമ്മുടെ സംസ്കാരം എത്ര മഹത്തരമാണ് അവരൊക്കെ എത്ര നാണം കെട്ടവർ എന്ന രീതി ചിലരുടെയെങ്കിലും കമന്റുകളിൽ നിന്നു തോന്നി.

ലൈംഗികത സ്വതന്ത്രമാക്കിയാൽ ഇത്തരം പ്രശ്നങ്ങൾ ഉണ്ടാകാം, അടിച്ചമർത്തി വച്ചാൽ, കേരളത്തിലേതു പോലെയിരിക്കും. ഈ പാഠമാണ് ഇത്തരം പോസ്റ്റുകൾ ഉദ്ദേശിക്കേണ്ടത്, അല്ലതെ ഇതു തന്നെ മലയാളിക്കൊരു ഒരു സെക്സ് പ്രദർനം എന്ന മട്ടിലാണോ കാണൂന്നത് എന്ന തോന്നലുണ്ടാകുന്നു.

പിന്നെ എന്താണ് ഈ കേരളത്തിന്റെ സെക്സ് ചരിത്രം എന്നു കൂടീ ഒന്നു മനസിലാക്കുന്നതു നന്നായിരിക്കും:)

jayanEvoor said...

ഈ ചേട്ടൻ മനുഷ്യനെ മക്കാറാക്കിയേ അടങ്ങൂ എന്നാണല്ലോ, ഫഗവാനേ തോന്നുന്നത്!

എന്തായാലും എഴുതാനുള്ള ഫാഗങ്ങൾ മുഴുവനും എഴുതിയിടണം.

എന്നാലല്ലേ, ഞങ്ങക്ക് നല്ലത് എടുക്കാനും ചീത്ത തള്ളാനും കഴിയത്തൊള്ള്!

ponmalakkaran | പൊന്മളക്കാരന്‍ said...

ചേ ഒരു ചേരക്കഷണം കിട്ട്വോ.....
എന്തായാലും അടുത്തപീസുകളും കൂടി ഇങ്ങു പോരട്ടേ..

മുരളീമുകുന്ദൻ , ബിലാത്തിപട്ടണം BILATTHIPATTANAM. said...

പ്രിയപ്പെട്ട കണ്ണൂ‍രാൻ,നന്ദി.ഇവിടത്തെ ഇത്തരം കാര്യങ്ങളൊക്കെ കാണുമ്പോ നമ്മ മല്ലൂസ്സിന്റെ കണ്ണിന്റെ ഫ്യൂസൊക്കെ എപ്പ്യോ പോയീന്ന് ചോദിച്ച്യാ മതിയല്ലോ ഭായ്.പിന്നെ ആ ലേഡീസ് ഫിംഗർ കുരു കാത്തോളണേ..!

പ്രിയമുള്ള മനോരാജ്,നന്ദി.ഇവിടെയൊക്കെ ഇത്രയധികം ചായ്-കാപ്പികൾ മോന്തി കുടിക്കുവാൻ കിട്ട്യാലും,നമ്മ ഏഷ്യക്കാർ പച്ചെള്ളം തന്നെ നക്കിക്കുടിക്കുവാൻ പോകുമല്ലോ,നായേടെ വാല് പന്തീരാണ്ട്...അല്ലേ ഭായ്.

പ്രിയപ്പെട്ട ഹാഷിക്ക്,നന്ദി. പത്തുകൊല്ലങ്ങൾക്കുള്ളിൽ നമ്മുടെ പത്രങ്ങൾക്കും ഇത്തരം എഡിഷനുകൾ ഉണ്ടാകാം.പിന്നെയതിനിവിടെ ഉപദേശിക്കാൻ പോകുന്നവരും ചക്കര തിന്നുന്നവരല്ലേ ഭായ്.

പ്രിയമുള്ള സങ്കൽ‌പ്പങ്ങൾ,നന്ദി.എല്ലാം സായിപ്പിനെ കണ്ട് പകർത്തുന്നവരല്ലേ നമ്മൾ, കാലക്രമേണ നമ്മൾക്കും ഇതൊന്നും പുത്തരിയല്ലാതാവും കേട്ടൊ ഭായ്.

പ്രിയപ്പെട്ട ചെറുവാടി,നന്ദി . ഇപ്പോൾ തന്നെ ഇതിന്റെ പേരിൽ ഇ-മെയിൽ താണ്ഡവങ്ങൾ എനിക്ക് കിട്ടി തുടങ്ങിയിട്ടുണ്ട് കേട്ടൊ മൻസൂർ.

പ്രിയമുള്ള കാർന്നോരെ,നന്ദി.ഇതൊരു ടൂറിസ്റ്റ് രാജ്യമായതുകൊണ്ട്,ഒരു ടൂറിസ്റ്റ് വിസ സംഘടിപ്പിച്ച് ഇവിടെ വരൂട്ടാ,ചായേം കാപ്പീം കുടിച്ച് പോകാം ട്ടാ‍ാ ഭായ്.

പ്രിയപ്പെട്ട സാദിഖ് ഭായ്,നന്ദി.ഓരോ രാജ്യക്കാരുടേയും സംസ്കാരമനുസരിച്ചു സെക്സിന് വിവിധ രൂപഭാവങ്ങളാണെങ്കിലും അതിന്റെ മുഖഛായ ഒന്ന് തന്നെയല്ലേ ഭായ്.

പ്രിയമുള്ള മൊയ്തീൻ ഭായ്,നന്ദി.ഈ കാര്യങ്ങളൊക്കെയുള്ളത് കൊണ്ടാണല്ലോ ഞാനെന്നും കാര്യക്കാരനാവുന്നത്..കേട്ടൊ ഭായ്.

റിനി ശബരി said...

മുരളിയേട്ട ..കണ്ണുരാന്റെ ബ്ലൊഗില്‍ തപ്പി
ഒന്നു ചിരിക്കാമെന്ന് കരുതി പൊയി
ഒന്നു കരള്‍ വിങ്ങി തിരികേ വരുമ്പൊള്‍
ദേ ..ചില നേരുകള്‍ ,ഏട്ടന്റെ കൈവിരുത്
കൂടി കലര്‍ന്ന് ഭംഗിയാക്കി വച്ചേക്കുന്നു ..
"കൂട്ടിലിട്ട കിളി പറക്കാന്‍ കൊതിക്കും "
പക്ഷേ വെളിയിലിട്ടാലും കിളി പറക്കുന്നതാണേല്‍
അത്യാവശ്യത്തിന് അവ പറക്കുക തന്നെ ചെയ്യും ..:)
നമ്മള്‍ എവിടെപൊയാലും നന്നാവില്ലെന്ന് (ഏഷ്യക്കാര്‍ )
ഒരു കഥയുണ്ട് അതിവിടെ പറയുന്നത് ശരിയല്ല എങ്കിലും ഏട്ടനൊക്കെ അറിയാമായിരിക്കും , മലയാളിക്ക് ഒന്നും മതിവരില്ല , എത്ര കിട്ടിയാലും പിന്നെയും വേണം ..ഒന്നു ലണ്ടന്‍ വരെ വരണമെന്ന് ഒരു ആഗ്രഹം മൊട്ടിട്ടു ..
അടക്കി വച്ചേക്കുന്ന ലൈംഗിക തൃഷ്ണകള്‍ പല രൂപത്തിലാണ് നാട്ടില്‍ അരങ്ങേറുന്നത് , പെണ്‍കുട്ടികള്‍ ഉള്ളവര്‍ക്ക് ഉറക്കമില്ലാത്ത ദിനങ്ങളാണ് .ഇനി വേശ്യാവൃത്തി സര്‍ക്കാര്‍
അംഗീകരിച്ച് ,ഇതു പൊലെ ക്ലബുകളും ,ലൈവു ഷോയും നമ്മുടെ കൊച്ചു കേരളത്തില്‍ കൊണ്ടു വന്നാല്‍ "നടുക്കടലില്‍ ചെന്നാലും നായ നക്കിയേ കുടിക്കുകയുള്ളു" എന്നു പറയും പൊലെ മലയാളി തനി സ്വഭാവം കാണിക്കും ..
ആരെങ്കിലുമൊക്കെ വേണ്ടയോ ഏട്ടാ ,ഇതൊക്കെ പുറത്ത് തന്ന് നമ്മളെയൊക്കെ കുളിരണിയിപ്പിക്കാന്‍ , സോ പാപ്പരാസികള്‍ സിന്ദബാദ് ...
പിന്നെ വേറൊരു കാര്യം ..ഇതെങ്ങാനും തുടരാതിരുന്നാല്‍ ബിലാത്തിയില്‍
ഫ്ലൈറ്റ് പിടിച്ചു വന്നു ഇടി തരും ..എല്ലാം ബ്ലൊക്ക് ചെയ്തു വച്ചേക്കുന്ന ഗള്‍ഫ് കാലമാടന്മാര്‍ക്ക് ഒരു പണി ആയിരിക്കട്ടെ ഇനിയും വരും പൊസ്റ്റുകള്‍ :)

MyDreams said...

മുരളി ചേട്ടന്‍ എന്ത് വന്നാലും തൂപ്പുകാരികള്‍ക്ക് പണി കൊടുക്കാന്‍ വേണ്ടി തന്നെ പോസ്റ്റ്‌ ചെയ്തത് അല്ലെ .....Lolz

അവിടെത്തെക്ക് ഒരു വിസ കിട്ടാന്‍ എന്താപ്പാ ചെയ്യാ .......ചേരയെ തിന്നാന ........

കൊച്ചു കൊച്ചീച്ചി said...

നായനാരുവിലാസം ചായേം ചേരേന്റ വാലും. പഷ്ട് കോമ്പിനേഷം!

തുടരണ്ടാ എന്നൊരഭിപ്രായം ഇല്ലാതില്ല. പഴഞ്ചനാണേ, കൂര്‍ക്കമൊളോഷ്യൊക്കേ പറ്റുള്ളൂ. ചേര്യൊന്നും വേണ്ട.

DEJA VU said...

മുകുന്ദന്‍ ഭായ് ..കുറച്ചു കാത്തിരിക്കു...ഒരു അഞ്ചോ പത്തോ വര്‍ഷത്തിനുള്ളില്‍ എങ്ങനെ പോയാല്‍ നമ്മുടെ നാടും ഇതു പോലെ ആകും... എഴുത്ത് നന്നായി ആശംസകള്‍

മുരളീമുകുന്ദൻ , ബിലാത്തിപട്ടണം BILATTHIPATTANAM. said...

പ്രിയപ്പെട്ട അനിൽഫിൽ,നന്ദി. പാപ്പരാസികൾക്ക് കഞ്ഞി വെച്ച് കൊടുക്കുന്ന ചാരപ്പണിയല്ലേ എനിക്കൊക്കെയിവിടെ,അതുകൊണ്ടൊന്നും ഒഐച്ചുവെക്കാനൊന്നുമില്ല ...

പ്രിയമുള്ള മൊഹിയുധീൻ ഭായ്,നന്ദി. നമുക്കൊക്കെ അശ്ലീലമെന്ന് തോന്നുന്ന കാര്യങ്ങളൊക്കെ കാണിച്ചുതന്നിട്ട് ,ഇതിന്റെയൊക്കെ ഗുണദോഷങ്ങളെ ഒന്നവലോകനം ചെയ്യാനുൾല വെറും പാഴ്ശ്രമമാണിത് കേട്ടൊ ഭായ്.

പ്രിയപ്പെട്ട കുഞ്ഞൂസ് മേം,നന്ദി.അത് ശരിയാണ് ഇവരുടെയൊക്കെ അളിയനും അളിയത്തിയുമാണല്ലോ അവിടെ കാനഡയിലൊക്കെയുള്ളത്..ഇതിന്റെയൊക്കെ അപ്പുറം കാണാം അല്ലേ അവിടെയൊക്കെ.

പ്രിയമുള്ള ആദിത്യ,നന്ദി.തടസ്സങ്ങളൊന്നും നേരിട്ടില്ലെങ്കിൽ ബക്കി മൂന്നുഭാഗങ്ങളും കൂടിയെഴുതിയിടണമുന്നുണ്ട് കേട്ടൊ ഭായ്.

പ്രിയപ്പെട്ട അംജിത് ,നന്ദി. അതെ നമ്മുടെ നാട്ടിലെ പട്ടണങ്ങളിൽ ഇതിലും വലിയ പുരോഗതികളാണല്ലൊ ഇത്തരം കാര്യങ്ങളിൽ കൈവരുത്തി കൊണ്ടിരിക്കുന്നത്.എന്തിനാ ഗീതാഗോവിന്ദവും,കുമാരസംഭവവുമൊക്കെ പരതുന്നത്..നമ്മുടെ കേരള ചരിത്രത്തിൽ തന്നെയുണ്ടല്ലോ കിണ്ണങ്കാച്ചി ലൈംഗിക സ്വാതന്ത്ര്യ ചരിതങ്ങൾ അല്ലേ ഭായ്.

പ്രിയമുള്ള എംകേരളം,നല്ല വിലയേറിയ ഈ അഭിപ്രായത്തിന് നന്ദി (ഈ പാഠമാണ് ഇത്തരം പോസ്റ്റുകൾ ഉദ്ദേശിക്കേണ്ടത്, അല്ലതെ ഇതു തന്നെ മലയാളിക്കൊരു ഒരു സെക്സ് പ്രദർനം എന്ന മട്ടി...പിന്നെ എന്താണ് ഈ കേരളത്തിന്റെ സെക്സ് ചരിത്രം എന്നു കൂടീ ഒന്നു മനസിലാക്കുന്നതു നന്നായിരിക്കും:) നമുക്കൊക്കെ അശ്ലീലമെന്ന് തോന്നുന്ന കാര്യങ്ങളൊക്കെയാദ്യം കാണിച്ചുതന്നിട്ട് ,പിന്നീടുള്ള ഭാഗങ്ങളിൽ ഒരു ബോധവൽക്കരണം നടത്താനുള്ള ഉദ്ദേശങ്ങളാണിതൊക്കെ കേട്ടൊ ഭായ്.

പ്രിയപ്പെട്ട ഡോ:ജയൻ ഭായ്,നന്ദി. അതെ ആദ്യം പരസ്യം കാണിച്ചിട്ട്,ഇതിന്റെ ഗുണദോഷങ്ങളെ അക്കമിട്ട് കാണിച്ചുതരുവാനാനാണ് ഇതിലെ അവസാന പോസ്റ്റിന്റെ എന്റെ ലക്ഷ്യം കേട്ടൊ ഭായ്.

പ്രിയമുള്ള പൊന്മളക്കാരൻ,നന്ദി.ചേരയുടെ നടുത്തുണ്ടം വേണോ,അതോ തലക്കഷ്ണം വേണോ? പിന്നീടിതൊക്കെ കഴ്ച്ചിട്ട് ദഹനക്കേടുണ്ടാകാതെ നോക്കണേ..ഭായ്.

ഏപ്രില്‍ ലില്ലി. said...

മുരളിയേട്ടാ ബിലാത്തി വിശേഷം തകര്‍ത്തല്ലോ. ഇതൊക്കെ ഇനി താമസിയാതെ ഇവിടെയും സാധാരണ കാര്യങ്ങള്‍ ആവുംന്നാണ് തോന്നുന്നത്.

Anonymous said...

Muralee..it is too hot..!
ഇത്തരം സംഗതികൾക്കൊക്കെ പരസ്യമായും , രഹസ്യമായും
നടത്താവുന്ന ക്രമീകരണങ്ങൾ ഉള്ളതുകൊണ്ട് , സ്വന്തം പാർട്ട്നർക്ക്
എന്തെങ്കിലും ലൈംഗികപോരായ്മകൾ ഉണ്ടെങ്കിൽ പോലും , പരിപാടികൾക്ക്
മുമ്പോ, പിമ്പോ ആയതിന്റെയൊക്കെ പരിഹാര സഹായകമായ ഉപകരണങ്ങൾ ‘ഫുൾ സാറ്റിസ്ഫേക്ക്ഷൻ ‘ ഗ്യാരണ്ടി തരുന്നതിനാൽ ഈ രാജ്യത്തെ ഭൂരിഭാഗം ആളുകൾക്കും ലൈംഗികപരാജയത്തിന്റെ തൊഴിത്തിൽ കുത്തൊ , മാനസിക പിരിമുറുക്കമോ അനുഭവിക്കേണ്ടി വരുന്നില്ല...!

ഏതൊരാളുമൊരു സന്തുഷ്ട്ട കുടുംബം കെട്ടിപ്പടുത്തുയർത്തുമ്പോൾ
വെറും കുഞ്ഞുപ്രശ്നങ്ങളായി തിരികൊളുത്തുന്ന ഇത്തരം കിടക്കപ്പായയിലെ
പുകച്ചിലുകളാണല്ലോ പിന്നീടൊക്കെ വലിയ പൊട്ടിത്തെറികളായി പല കുടുംബങ്ങളേയും
ചിന്നഭിന്നമാക്കികളയുന്നത് അല്ലേ...!

By
K.P.Ragulaal

Sukanya said...

എന്തൊക്കെയാണെങ്കിലും ബാലികാപീഡനം ഒരുതരത്തിലും വെച്ചു പൊറുപ്പിക്കില്ലെന്ന നിലപാടുണ്ടല്ലോ അവര്‍ക്ക്. നല്ലത് സ്വീകരിക്കുക അല്ലാത്തത് തള്ളികളയുക. നമ്മള്‍ ചെയ്യുന്നത് അതല്ലല്ലോ.

Mr.DEEN said...

എന്തു നല്ല പട്ടണം അല്ലെ ബിലാത്തി !!!:P

തുടരുക......എഴുത്ത്

Echmukutty said...

തുടരട്ടെ, മുരളിഭായിയുടെ എഴുത്ത്.

AFRICAN MALLU said...

ആ ലിങ്കില്‍ എല്ലാം ക്ളിക്കി അവയെല്ലാം സൈഡ് ബാറില്‍ ഫെവോരയ്ടില്‍ സ്ഥാപിച്ചു വളരെ വിശാലമായ ഒരു യാത്രയായിരുന്നു.ദര്‍ശനെ സുഖം സ്പര്‍ശനേ പാപം എന്ന് പണ്ട് മഹാകവി സലിം കുമാര്‍ പാടിയത് പോലെ നയനാനന്ദകരമായ ഒരു പോസ്റ്റ്‌ .കൂടുതല്‍ ലിങ്കുകളും ചിത്രങ്ങളും ബിലാത്തി സ്റ്റയില്‍ വിശേഷങ്ങളും പോരട്ടെ.

jayarajmurukkumpuzha said...

puthiya viseshangal vayichu....... aashamsakal................

ജെ പി വെട്ടിയാട്ടില്‍ said...

ഇങ്ങിനെയൊക്കെയും എഴുതാമല്ലേ ലണ്ടനിലായത് കാരണം.. വെരി ഗുഡ് - ഈ വഴിക്ക് വീണ്ടും വരാം. ലിങ്കുകള്‍ അയക്കുക...

മുല്ല said...

ലൈംഗികതയാണു എല്ലാ സുഖങ്ങളുടേയും അടിസ്ഥാനം എന്ന കാഴ്ചപ്പാട് മാറേണ്ടതല്ലെ, ഇത്രെം സ്വാതന്ത്ര്യം ഉണ്ടായിട്ടും മാനസികവും ശാരീരികവുമായ് ബ്രിട്ടീഷ്കാര്‍ ഔന്നിത്യം പുലര്‍ത്തുന്നുണ്ടൊ..ഇല്ലെന്നാണു എനിക്ക് തോന്നുന്നത്, പിന്നെ നമ്മള്‍ മലയാളികള്‍, അവരുടെ നല്ല വശങ്ങളൊന്നും കാണുകേം എടുത്ത് അവനവന്റേതാക്കുകേമില്ല അല്ലേ, അവരുടെ പെരുമാറ്റ മര്യാദകള്‍, അന്യരുടെ കാര്യത്തില്‍ ഇടപെടാതിരിക്കല്‍, പൊളൈറ്റ്നെസ്സ്, ഇതൊന്നും നമ്മള്‍ മൈന്‍ഡ് ചെയ്യില്ല.

ആശംസകളോടെ...

മുരളീമുകുന്ദൻ , ബിലാത്തിപട്ടണം BILATTHIPATTANAM. said...

പ്രിയപ്പെട്ട റിനി,നന്ദി.ഒരിക്കലും മതിവരാത്ത മദമണല്ലോ നമ്മൾ മല്ലൂസിനുള്ളത് അല്ലേ.ഫൈവ് കോഴ്സ് ഡിന്നറിനിടയിലും നമ്മൾ പഴങ്കഞ്ഞി നുണയാൻ പോകുമല്ലോ. സർവ്വേരിക്കല്ലിൽ തുണികണ്ടാ‍ലും..ആ പൊക്കി നോക്കുന്ന പ്രവണത...!

പ്രിയമുള്ള മൈഡ്രീംസ്,നന്ദി.തൂപ്പുകാർക്ക് വേണിയൊന്നുമല്ലയിത്,ഇവിടത്തെയൊക്കെ രതിയെകുറിച്ചുള്ള ചില നേർക്കാഴ്ച്ചകളാണിത് കേട്ടൊ ഭായ്.

പ്രിയപ്പെട്ട കൊച്ചുകൊച്ചീച്ചി,നന്ദി. ഒരു മാറ്റത്തിന് ഇടക്ക് ഇതുപോലുള്ള ഫാസ്റ്റ്-ഫുഡും കഴിച്ചു നോക്കൂന്നേ..ഭായ്.

പ്രിയമുള്ള ഡേജാവു,നന്ദി.അതൊരുറപ്പായ സംഗതിയല്ലേ,അപ്പോഴേക്കും സായിപ്പും പണിയന്വേഷിച്ച് വീണ്ടും വന്നുതുടങ്ങും..അല്ലേ ഭായ്.

പ്രിയപ്പെട്ട ഏപ്രില്ലില്ലി,നന്ദി.ഇപ്പോൾ തന്നെ ഇതെല്ലാം ഏതാണ്ടവിടെ വന്നുതുടങ്ങിയല്ലൊ അല്ലേ ഭായ്.

പ്രിയമുള്ള രഘുലാൽ,നന്ദി. ഒരു കുടുംബത്തിന്റെ അടിത്തര രതിയും ,സ്നേഹവും മിക്സ് ചെയ്താ പണിയുകാ എന്നറിയില്ലേ ഭായ്.

പ്രിയപ്പെട്ട സുകന്യാജി,നന്ദി.ബാലികാ പീഡനം മാത്രമല്ല മറ്റൊരു തരം പീഡനങ്ങളൂം ഇവിടെ വെച്ചുപൊറുപ്പിക്കുകയില്ലാ കേട്ടൊ സുകന്യാജി.

പ്രിയമുള്ള മി:ഡീൻ,നന്ദി.ഇതൊരു തനി വെള്ളരിക്കാപട്ടണമല്ലെന്ന് ഇപ്പോൾ മനസ്സിലായില്ലേ ഭായ്.

പ്രിയപ്പെട്ട എച്മുകുട്ടി,നന്ദി. എഴുത്ത് വീണ്ടും തൂടങ്ങിയെങ്കിലും നേരിട്ട് കിട്ടിയ(ഫോൺ,മെയിൽ,..)പ്രതികരണങ്ങൾ എന്നെ ഉപദേശിക്കുന്നത് ‘യു ആർ നോട്ട് സപ്പോസ്ഡ് ടു ബി സോ..’ എന്നൊക്കെയാണ് കേട്ടൊ.

Typist | എഴുത്തുകാരി said...

എഴുതൂ, കാര്യങ്ങൾ അറിയാമല്ലോ.

chithrakaran:ചിത്രകാരന്‍ said...

നമ്മുടെ ജനങ്ങള്‍ക്ക് വിവരംവക്കുന്ന ഇത്തരം പോസ്റ്റുകള്‍ ഇത്രയും കാലം എഴുതാതിരുന്നതിന്റെ പേരില്‍ ഫൈന്‍ ചുമത്തേണ്ടിവരുമെന്നു തോന്നുന്നു.
മിനിട്ടുനു നൂറു സ്ത്രീ പീഢനം നടക്കുന്ന നമ്മുടെ നാട് പുരോഗമിക്കാന്‍ പുരോഗതി പ്രാപിച്ച രാജ്യങ്ങളിലെ ജനം ഒരു മനുഷ്യ വ്യക്തിത്വത്തെ എന്തുമാത്രം ബഹുമാനിക്കുന്നു എന്ന് മനസ്സിലാക്കുകതന്നെ വേണം.
അന്യരുടെ ശരീരത്തിലേക്കും, മനസ്സിലേക്കും, വസ്തുവകകളിലേക്കും അനുവാദം കൂടാതെ പ്രവേശിക്കുന്നത് കൊലക്കുറ്റത്തേക്കാള്‍ വലിയ കുറ്റമാണെന്ന സാമൂഹ്യബോധവും സംസ്ക്കാരവും മാനവികതയും ഇത്തരം അറിവിലൂടെ നമുക്ക് ആര്‍ജ്ജിക്കാനാകും.
ചിത്രകാരന്റെ അഭിവാദ്യങ്ങള്‍ !!!

chithrakaran:ചിത്രകാരന്‍ said...
This comment has been removed by the author.
കൈതപ്പുഴ said...

തുടരുക.
ആശംസകള്‍

വിനുവേട്ടന്‍ said...

തിരക്ക് കാരണം വരാൻ വൈകി... അപ്പോൾ ബിലാത്തി എന്ന് പറയുന്നതൊരു ബിലാത്തി തന്നെയാണല്ലേ... ബാക്കി ഭാഗം കൂടി പോരട്ടെ...

അല്ല മുരളിഭായ്, നമ്മുടെ അശോകൻ അവിടെങ്ങുമില്ലേ? ഒരു വിവരവുമില്ലല്ലോ...

റിയാസ് (ചങ്ങാതി) said...

അങ്ങോട്ടൊരു വിസ കിട്ടുമോ....?
---------------------

ഹേയ്...അല്ലാ അല്ലാ അതിനല്ല....ചുമ്മാ മുരളിച്ചേട്ടനെയൊക്കെ ഒന്നു കാണാനാ...

വീ കെ said...

ലിങ്കുകളിലേക്ക് പോയില്ല. പ്രായപൂർത്തി ആയതേയുള്ളു. അതുകാരണമാ വൈകിയേ..

ഒരു കാര്യം ശരിയാണെന്ന് ബോദ്ധ്യമായി. അടച്ചു വക്കുന്നതെന്തും തുറന്നു കാണാനുള്ള അഭിനിവേശം നാട്ടിൽ നാശം വിതക്കുന്നു..!!
സർവ്വസാധാരണമായതെന്തും ആർക്കും ഒരു മീച്ചവുമില്ല. മാദ്ധ്യമങ്ങളിൽ വരുന്ന പീഡന കഥകൾ ഇന്നാർക്കും വേണ്ടാത്തതു പോലെ... പോകെപ്പോകെ നമ്മളും ബിലാത്തികളോടൊപ്പം എത്തുമായിരിക്കും...!!

Rakesh KR said...

ഇവിടെ ഗള്‍ഫില്‍ സമാധാനമായി കഴിയുന്നെ എന്നെയൊക്കെ പിടിച്ചു ഓരോന്ന് വയിപ്പിച്ചിട്ട് .................

അടുത്ത പ്രൊജക്റ്റ്‌ ലണ്ടനില്‍ കിട്ടുമോ എന്ന് നോക്കട്ടെ........

ARUN said...

Hi Muralichettan,

This is an eye opener to the sex starved millions that live in our little Kerala. It is high time our opinion and perspective about sex changed, especially in a highly literate place like Kerala. In places like Bangalore, 8 out of 10 guys who try to grope girls in the bus and boast to their friends are Malayalees. Its hard to blame them because they don't get enough so they try to get the little that is available to them.
When people say don't try to become like westerners wrt sex....they don't understand that Malayalees are pretty perverted themselves. If anyone feels I am wrong, take your sister to a 2nd show anywhere in Kerala and see how many people sit around you to see what is going to happen

khader patteppadam said...

കൊള്ളാലോ കാര്യങ്ങള്‍ ...

വഴിപോക്കന്‍ | YK said...

ഇതെല്ലാം ഉണ്ടായിട്ടും ഒരു സ്ത്രീക്ക് ഗോവിന്ദ ചാമിമാരെ ഭയക്കാതെ ഇത്തരം രാജ്യങ്ങളില്‍ സുരക്ഷിതമായി സഞ്ചരിക്കാന്‍ കഴിയുന്നുണ്ടല്ലോ അതു തന്നെ ധാരാളം....

സ്വലാഹ് said...

Um. :)

മുരളീമുകുന്ദൻ , ബിലാത്തിപട്ടണം BILATTHIPATTANAM. said...

പ്രിയപ്പെട്ട ആഫ്രിക്കൻ മല്ലൂ,നന്ദി.ഫേവറേറ്റിൽ സൂക്ഷിക്കുന്നതൊക്കെ കൊള്ളാം ,പക്ഷേ ആയതൊന്നും ഡൌൺ ലോഡ് ചെയ്ത് കാശ് കളയരുത് കേട്ടൊ ഭായ്.

പ്രിയമുള്ള ജയരാജ്,നന്ദി. ഇതൊക്കെയിവിടത്തെ വെറും ചിന്ന ചിന്ന വിശേഷങ്ങളാണ് കേട്ടൊ ഭായ്.

പ്രിയപ്പെട്ട ജയേട്ടാ(ജെ.പി),നന്ദി. ലണ്ടനിലായതുകൊണ്ടുമാത്രം എഴുതാൻ കഴിയുന്നതാണീലീലാവിലാസങ്ങളൊക്കെ കേട്ടൊ ജയേട്ടാ.

പ്രിയമുള്ള മുല്ല,നന്ദി.ബ്രിട്ടീഷുകാരുടെ പെരുമാറ്റഗുണങ്ങളെ മാനിക്കാതെ അവരുടെ നമുക്കൊക്കെ തോന്നുന്നപോലെയുള്ള ദോഷവശമായ ലൈഗികതേയും മറ്റും കുറ്റം പറഞ്ഞവസാനിപ്പിക്കും നമ്മൾ.മറ്റൊരു വ്യക്തിയുടെ ജീവിത സ്വാതന്ത്യങ്ങളിൽ ഒട്ടും ഇടപെടാത്ത ആ വ്യക്തിസ്വാതന്ത്ര്യം തന്നെയാണ് ഇവിടത്തെ ഏറ്റവും മേന്മയുള്ള വശം കേട്ടൊ മുല്ലേ.

പ്രിയപ്പെട്ട എഴുത്തുകാരി,നന്ദി. ഇവിടത്തൊയൊക്കെ കാര്യങ്ങളുടെ അവലോകനങ്ങളൂടെ വെറും ഒരു കിടപ്പുവശം മാത്രമാണിത് കേട്ടൊ.

പ്രിയമുള്ള ചിത്രകാരൻ,നന്ദി.ഈ അഭിവാദ്യങ്ങൾക്ക് ഒരു ബിഗ് സല്യൂട്ട്..
സായിപ്പിന്റെ സാമൂഹ്യ ബോധവും,സംസ്കാരികതയും,മാനവികതയുമൊക്കെ കാരണമാണല്ലോ ലോകം മുഴുവൻ അവരുടെ കാൽക്കീഴിൽ കൊണ്ടുവരാൻ കഴിഞ്ഞത്.അന്നൊക്കെയീ സായ്പ്പ് നടപ്പാക്കിയ പല നല്ല കാര്യങ്ങളും മറ്റും കാരണമാണല്ലോ പല മൂന്നാം ലോകരാജ്യങ്ങളിലും പല ചട്ടക്കൂടുടുകളും തകർത്ത് അവിടെയൊക്കെയുള്ളവർ വിദ്യാസമ്പന്നരായി തീർന്നത് അല്ലേ ഭായ്.

പ്രിയപ്പെട്ട കൈതപ്പുഴ ഭായ്,ഈ ആശംസകൾക്കൊത്തിരി നന്ദി കേട്ടൊ ഭായ്.

പ്രിയമുള്ള വിനുവേട്ടൻ ,നന്ദി. ബിലാത്തിയൊരു ബിലാത്തി തന്നെയാണെന്ന് മനസ്സിലായില്ലേ ഭായ്.

പ്രിയപ്പെട്ട റിയാസ്,നന്ദി. ഒരു ടൂറിസ്റ്റ് വിസ സംഘടിപ്പിക്കുവാൻ വിഷമമൊന്നുമില്ല.., വന്നാൽ ചായേം ,കാപ്പീം,കടിച്ച് ഒരു ചേരക്കഷ്ണമൊക്കെ കഴിച്ചിട്ട് പോകാം കേട്ടൊ ഭായ്

കുസുമം ആര്‍ പുന്നപ്ര said...

പക്ഷെ മുരളി, ഇത്രയും പീഡന കഥകളൊന്നും അവിടെ നിന്നും കേള്‍ക്കുന്നില്ലല്ലോ. അതൊ റിപ്പോര്‍ട്ടു ചെയ്യാത്തതാണോ??

ശ്രീ said...

ഹോ... എന്തൊക്കെയാ അവിടെ നടക്കുന്നേ അല്ലേ?

:)

Pradeep Kumar said...

ഇനിയും തുടരൂ ബിലാത്തി വിശേഷങ്ങൾ...

സംസ്കാരങ്ങളുടെ വികാസം ഇങ്ങിനെയൊക്കെ ആയിരിക്കും. നാഗരികതയുടെ വികാസത്തിനനുസരിച്ച് സംസ്കാരം വിഭിന്നങ്ങളായ വശങ്ങളിലേക്കു വളരുകതന്നെ ചെയ്യും... അനിവാര്യമായ പ്രകൃതിനിയമമാണത്....

എന്തൊക്കെ ആയാലും ബാലികാ പീഡനം പോലുള്ള കുറ്റകൃത്യങ്ങൾ വെച്ചുപൊറുപ്പിക്കാത്ത അവിടുത്തെ നീതിന്യായവ്യവസ്ഥയോട് ബഹുമാനം തോന്നുന്നു....

മുനീര്‍ തൂതപ്പുഴയോരം said...

നമ്മുടെ സംസ്കാരത്തിന്റെ മഹിമ മനസ്സിലാക്കാന്‍ ഇടക്കൊക്കെ പാശ്ചാത്യരുടെ വിശേഷങ്ങള്‍ അറിയുന്നത് നല്ലതാ.അപ്പോ നായനാര്‍ വെറുതെ പറഞ്ഞതല്ല അല്ലേ:)

അനില്‍കുമാര്‍ . സി. പി. said...

:) ഉം ... പോരട്ടെ ...പോരട്ടെ...

**നിശാസുരഭി said...

കൈതപ്പുഴ കായലിലേ.. ഓഹോ ഓഹോ‍ാ..
കാറ്റിന്റെ കൈകളിലേ.. ഓഹോ ഓഓഹോ‍ാ..
കളിചിരി മാറാത്ത കന്നിയോടമേ..
കാണാപ്പൂം കൈകളില്‍..

ഞാനീ വഴി വരാത്തതിനാലും, ഞാനിത് വായിക്കാത്തതിനാലും ഇങ്ങള് ധൈര്യായിട്ട് തുടരൂന്ന് ആശംസകള്‍.. :)

അഭയാര്‍ത്ഥി said...

ഹും... വെറുതെയല്ല നമ്മുടെയൊരു കോട്ടയംകാരന്‍ അച്ചായന്‍ മദ്യലഹരിയിലായിരുന്നെങ്കിലും "ദൈവമേ, അടുത്ത ജന്മത്തിലെങ്കിലും എന്നെയൊരു സായിപ്പായി ജനിപ്പിക്കണെ... എന്നു പ്രാര്‍ത്ഥിച്ചത്". എല്ലാം മായയാണ് സുഹൃത്തേ, ഭോഗത്തേകക്കാള്‍ ശ്രേഷ്ടം ത്യാഗം തന്നെ.

മണ്ടൂസന്‍ said...

സത്യം പറയാലോ മുരളിയേട്ടാ,
ആദ്യം തന്നെ പറയട്ടേ,

ആംഗലേയ-മലയാള മണിപ്രവാളത്തിലുള്ള ഈ ലണ്ടനിലെ രതി നിർ വേദങ്ങളിൽ മുതിർന്നവർക്ക് വായിക്കാവുന്ന തരത്തിലുള്ള വിഷയങ്ങളാണ് ...
ഞാൻ വെച്ച് കാച്ചാൻ പോകുന്നത്...
ആയതുകൊണ്ട് ഏതെങ്കിലും ബാല്യ-കൌമാര പ്രജകളാരെങ്കിലും വഴി തെറ്റിയിട്ട് ഇതിലെയെങ്ങാനും വന്നിട്ടുട്ടെങ്കിൽ ദയവുചെയ്ത് ഒരു സുല്ല് പറഞ്ഞ് , സലാം വെച്ചിട്ട് സ്ഥലം കാലിയാക്കി തരുമല്ലോ...അല്ലേ .

ഇങ്ങനെ പോകുന്ന മുന്നറിയിപ്പ് വായിച്ചപ്പോൾ ഞാൻ വിചാരിച്ചു ഇതിൽ വല്ലതും കാര്യമായിട്ട് 'തടയുമെന്ന് '. ആ മോഹങ്ങൾ വെറുതെയായി. എന്തൊക്കെ മോഹങ്ങളുമായിട്ടായിരുന്നു, ഞാനിത് മുഴുവൻ വായിച്ച് തീർത്തത്.എന്നിട്ട് ആകെ വടിയായി വല്ല മരുന്നിനെങ്കിലും വല്ലതും കിട്ടണ്ടേ മുരളിയേട്ടാ ? അപ്പൊ മുരളിയേട്ടൻ പറയും 'നിന്റെ ആഗ്രഹം അതാണെങ്കിൽ പോയി വേറെ വല്ല സൈറ്റും നോക്കായിരുന്നില്ലേ' ന്ന്. അപ്പൊ മുരളിയേട്ടൻ ഇങ്ങനൊരു മുന്നറിയിപ്പ് ആദ്യം കൊടുത്തതെന്തിനാ ? അതല്ലേ ഞാൻ വല്ലാതെ കൊതിച്ചത് ? വിഷുദിനാശംസകൾ.

സുനി said...

പോസ്റ്റ് നന്നായി.

Muralee Mukundan said...

പ്രിയപ്പെട്ട വി.കെ,നന്ദി.ഇവരുടെയൊക്കൊ നല്ല ഗുണങ്ങളൊഴികെ എല്ലാം പകർത്തിവെക്കുന്ന നമ്മൾ വളരെതാമസിയാതെ ഇതെല്ലാം അനുകരിക്കുമെന്നത് തീർച്ചയായ ഒരു വസ്തുതയാണല്ലോ അല്ലെ ഭായ്.

പ്രിയമുള്ള രാകേഷ്,നന്ദി.കൊതി പറ്റാതെ ഒരു പ്രൊജക്റ്റുമയി ലണ്ടനിൽ വന്ന് ഒരു ചേരക്കഷ്ണവും,കാപ്പീം കഴിച്ച് പോകു എന്റ് ഭായ്.

പ്രിയപ്പെട്ട അരുൺ,നന്ദി.എത്ര കണ്ണുതുറപ്പിച്ചാലും പകൽ മാന്യന്മാരായ നമ്മുക്കൊക്കെരാത്രിയായാൽ ലൈംഗികാന്ധത വന്ന് ചേരുമല്ലോ അല്ലെ അരുൺ.

പ്രിയമുള്ള ഖാദർ ഭായ്,നന്ദി.മൊത്തത്തിൽ കൊള്ളാമെന്നുള്ളതുകൊണ്ടാണല്ലോ കാര്യങ്ങളിങ്ങനെ വിശദീകരിച്ചത്.

പ്രിയപ്പെട്ട വഴിപ്പോക്കൻ,നന്ദി.ഏതൊരു പെണ്ണിനും ആരേയും പേടിക്കാതെ എപ്പോൾ വേണമെങ്കിലും പുറത്തിറങ്ങി നടക്കാമെന്നതുതന്നെയാണ് ഈ രാജ്യത്തിന്റെ ഒരു മഹിമ.

പ്രിയമുള്ള സ്വലാഹ്,നന്ദി.എന്താ ഭായ് മിണ്ടാട്ടം മുട്ടിയോ...

പ്രിയപ്പെട്ട കുസുമം മേം,നന്ദി.ഈയിടെ നമ്മുടെഏഷ്യക്കാർ തന്നെയാണല്ലോ പീഡനം എന്താണെന്നിവർക്ക് കാണിച്ച് കൊടുത്തത്.

പ്രിയമുള്ള ശ്രീ,നന്ദി.നമ്മളൊന്നും കാണാത്ത പലകാര്യങ്ങളുമാണല്ലോ ഇവിടെയെല്ലാം നടന്നുകൊണ്ടിരിക്കുന്നത് കേട്ടൊ ഭായ്.

പ്രിയപ്പെട്ട പ്രദീപ് ഭായ്,നന്ദി.പുത്തൻ നാഗരികത വളർന്നുവികസിക്കുമ്പോഴാണല്ലോ ഓരൊ സാംസ്കാരികതകൾക്കും അതിനനുസരിച്ച മാറ്റം വന്നുകൊണ്ടിരിക്കുന്നത് അല്ലേ ഭായ്.

jayarajmurukkumpuzha said...

valare chinthaneeyamaya post..... abhinandanangal...... blogil puthiya post...... NEW GENERATION CINEMA ENNAAL........ vayikkane......

OAB/ഒഎബി said...

തുടര്‍ന്നോളൂ എനിക്ക് ഈ ലിങ്കിലോന്നും പോയിട്ട കാര്യമില്ല. കാരണം അതൊക്കെ ഇവിടെ
Sorry, the requested page is unavailable.
പണ്ട് മനോരമയിലാനെന്നു തോന്നുന്നു ലണ്ടന്‍ വിശേഷങ്ങള്‍ വായിച്ചത്. അന്ന് കുതിരപ്പുറത്ത്‌ പോവുന്ന ലണ്ടന്‍ച്ചിയുടെ പാവാട പൊങ്ങുന്ന കാര്യം എഴുതിയതും അതില്‍ അത്ഭുതം തോന്നിയതും ഇന്നോന്നുമാല്ലാന്നു അറിയാം.

ഇനിയും വായിക്കാം.
സമയം കിട്ടുമ്പോള്‍ ഇതിനു മുമ്പുള്ളതും .
____________
ഞാന്‍ വീണ്ടും!

venpal(വെണ്‍പാല്‍) said...

സുല്ല് പറഞ്ഞു സലാം വച്ച് സ്ഥലം കാലിയാക്കാമെന്നു വിചാരിച്ചപ്പോഴാ താഴത്തെ ചിത്രം കാണുന്നത്.
അപ്പോള്‍ പിന്നെ തുടര്‍ന്ന് വായിക്കേണ്ടേ?
വായിച്ചു.
ബിലാത്തിവിശേഷം രസായി ട്ടോ.....

ഫൈസല്‍ ബാബു said...

എനിക്ക് പ്രായ മൂര്‍ത്തി ആകാത്തത് കൊണ്ട് കമന്റ് മാത്രം വായിക്കാതെ പോസ്റ്റും കൂടി നോക്കി പോകുന്നു !!

വേണുഗോപാല്‍ said...

ഇത് പരിമിതമായ തോതിലെങ്കിലും ഇന്ത്യന്‍ നഗരങ്ങളിലും പടര്‍ന്നു പിടിക്കാന്‍ തുടങ്ങിയിരിക്കുന്നു. പക്ഷെ പത്രങ്ങള്‍ ഈ വിധം ഘോഷിക്കുന്നില്ല എന്ന് മാത്രം ...

ഇത്തരം തുറന്നാട്ടങ്ങള്‍ ഉണ്ടായിട്ടുപോലും സെക്സ് ഒഫെന്‍സെസ് യു കെ യില്‍ പെരുകുന്നു എന്നത് ആശങ്കാജനകം തന്നെ.

ഈ പംക്തി തുടരുക തന്നെ വേണം. കാരണം കുറച്ചധികം ലണ്ടന്‍ വിശേഷങ്ങള്‍ ഞങ്ങള്‍ക്ക് വായിക്കാമല്ലോ. ശ്രീ മുരളി മാത്രം വാല്‍കഷണം തിന്നാല്‍ മതിയോ ?? ഓരോ പീസ് ഞങ്ങള്‍ക്കും തരുക (ഇനി ഈ കമന്റ്‌ എഴുതിയതിനു തൂത്തു വാരാന്‍ ആരെങ്കിലും വരുമോ എന്നാണ് പേടി )

ആശംസകള്‍

mini//മിനി said...

ഇനിയും തുടരാം...

malayalee said...

എഴുതൂ, കാര്യങ്ങൾ അറിയാമല്ലോ.

kochumol(കുങ്കുമം) said...

മുരളിയേട്ടന്റെ ബ്ലോഗ്ഗില്‍ വരാന്‍ സാധിക്കില്ലായിരുന്നു കഴിഞ്ഞ കുറെ നാളുകളായി ... !
കുറെ നോക്കി നടന്നില്ല പിന്നെ ഇപ്പോളാണ് വായിക്കാന്‍ സാധിച്ചത് ..!
വായിച്ചപ്പോളോ വലിയ വലിയ കാര്യങ്ങളും....:))

kallyanapennu said...

കുറെ കാര്യങ്ങള്‍ പരിചയപ്പെടുത്തി. മീഡിയകളിലൂടെ അറിയുന്ന കാര്യങ്ങള്‍ മുരളിയേട്ടന്റെ മേമ്പൊടികളുമായി .
തുടരുക.
ആശംസകള്‍

sulu said...

Informative..

MKM said...

പിന്നെ ഇവിടെയുള്ളവർക്ക് പ്രണയവും
അതിനോടനുബന്ധിച്ചുള്ള മണ്ണാങ്കട്ടകളുമെല്ലാം
വെറും സെക്കന്ററിയാണ് ...
പ്രഥമമായ കാര്യം സെക്സ് തന്നെ...!
‘സെക്സ് ഗിവ്സ് ലൌവ് ‘ എന്നതാണ് ഇവരുടെയൊക്കെ പോളിസി തന്നെ ...! !

sheeba said...

ഇവിടെയുള്ളവർക്ക് പ്രണയവും
അതിനോടനുബന്ധിച്ചുള്ള മണ്ണാങ്കട്ടകളുമെല്ലാം
വെറും സെക്കന്ററിയാണ് ...
പ്രഥമമായ കാര്യം സെക്സ് തന്നെ...!
‘സെക്സ് ഗിവ്സ് ലൌവ് ‘ എന്നതാണ് ഇവരുടെയൊക്കെ പോളിസി തന്നെ ...!

shibin said...

എനിക്കൊക്കെ സാഹിത്യത്തിന്റെ മോമ്പൊടി ചേർത്തെഴുതുവാൻ വശമില്ലാത്തതുകൊണ്ട് , വെറും മസാല കൂട്ടുകളുമായി ഒരു കുലുക്കികുത്ത് നടത്തി എന്തെങ്കിലുമൊക്കെ കാട്ടികൂട്ടികൊണ്ടിരിക്കുന്നു എന്ന് വേണമെങ്കിൽ പറയാം..

അതുകൊണ്ടീയെഴുത്തുകളൊക്കെ വെറുതെ കുമ്മിയടിച്ചുകൊണ്ട് നടത്തുന്ന വെറുമൊരു ചപ്പാങ്കുത്തുകളായി കണക്ക് കൂട്ടിയാൽ മതി കേട്ടൊ.

Unknown said...

ഇവിടെയുള്ളവർക്ക് പ്രണയവും
അതിനോടനുബന്ധിച്ചുള്ള മണ്ണാങ്കട്ടകളുമെല്ലാം
വെറും സെക്കന്ററിയാണ് ...
പ്രഥമമായ കാര്യം സെക്സ് തന്നെ...!
‘സെക്സ് ഗിവ്സ് ലൌവ് ‘ എന്നതാണ് ഇവരുടെയൊക്കെ പോളിസി തന്നെ ...!

Rakesh said...

ഞാൻ നാട്ടിൽ മനസമാധാനത്തോടെ കഴിയുന്നത് തീരെ പിടിക്കുന്നില്ലാല്ലേ ചേട്ടാ?

പിന്നേയ് ഒരു സംശയം ചോദിച്ചോട്ടെ? ചേരയുടെ നടുങ്കണ്ടം പോയിട്ട് വാലിന്റെ തുമ്പെങ്കിലും കഴിച്ചോ?

ഇവർ ഇംഗ്ലണ്ടിലെ ലോക്കൽ ഇലക്ഷനുകളിൽ ഇടം നേടിയ ഇംഗ്ലണ്ട് മലയാളികൾ ...! / Ivar Englandile Local Electionukalil Itam Netiya Englandile Malayalikal ... !

അനേകം മലയാളികളിപ്പോൾ ബ്രിട്ടനിലെ ജനാധിപത്യ ഭരണ സംവിധാനങ്ങളിലേക്ക് സജീമായി രംഗത്തുവന്നുകൊണ്ടിരിക്കുന്ന കാഴ്ച്ചകൾ നമുക്ക് ചുറ്റും എന്നുമെ...